Yetaya 52:5 - Ala Wone Peenok Peebi Mbanak

⁵ Aliku ALA nen ambi ari logonet, “Alom lek kagak napuri ugun wogoren nogwe, It aakumi inarum wonogwe nen meek eerogo piigwi, Eekwi me, An yogondak nonggop eeppiyoorak mbake agarik o?” yinuk, Aliku ALA nen yegerak o. “Kubondendok nen nok oonikiya ari nage kagak nendage miyuk-meya eerogo panegak eeko agaarik o.

Yetaya 52:5 ပူးပေါင်းရင်းမြစ်များ

2 Tamuwen 12:14

kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

Ndawi 44:12

Nit kapuri we onggo lek aakumi inambik wogorage, Eekendak me, Kat ambi nabenggolagambok oolo terak puk aret agan o.

Ndawi 74:10

Togop aret me, Ala wae. Kat kawim nen meek eerogo pagit unggwogwe, Kinom ogoorak nen kendage miyuk-meya eerogo pagagwi, Eekwi iigak Ne mande ari nagin o?

Ndawi 74:18

Togop me, Kaliku ALA wae. It kinom wim mbanak nen meek eerogo pagagwi nogo maloppiige, It aakumi iniki kobak nogo nen Inanini kombakwi nogo liippiige, Eeru o.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Yetaya 22:16

Kat yime nonggop eeke agandik o? Ndi, keebe nggween taambagarak puut lunik yime nenaakko'net unggwi nage, Yonggonggolage logowam mbuti tege paga yugum yanggunit unggwi nage, Eeke yi, Ta nen yokkegerak paga eeke agandik?

Yetaya 37:28

At togop eeppiinet nage nogo ti, Puk age, wundi nage, unggwi wage, anini mbake, Eeke nogo ti, Aliku ALA eenu aret o.

Yetaya 37:6

at Yetaya nen it yorage logonet, “Kinogoba wone yori noorak nogo yi o. At Aliku ALA nen ari logonet, Aap Atiyut inowe endagembogut ake eeko menggaarak nen meek eerogo panugwi aruk konenggerak nogo ti, agabiti mbariyak mage o.

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.

Yetaya 51:20

Kaagalogwe wologwe iniki lek a'nuk ngginnogwe, Nggwiya keele yilinik kin paga mengga kwak, it togop aret tu nggwok paga ngginnarit nagaarak wonogwe, Eerak aret agaarik o. Aliku ALA anini toolak nogo wogorage, Kogoba Ala nen mberirage, Eekerak paga Ndonggoppiigerak inaanogum panggo eerogo piinet nagaarak agaarik o.

Yetaya 51:23

Wagangge nagarik, it aap nen, Niniyok paga aambirak-mbirak eerogo pagawok nduk, nggween paga ngginnage logot o, yinuk, Yokki'nuk ngginik keegak, kamborowak nggween kwak eerogo paganuk kobaga mbo nogwe, Tu nggwok kwak eerogo paganuk nogwe, Eekaarak it piyak-payak eekkakwi toolak nogo ti, Ineenggime piyaagin o,” yinuk, yoge kagarak o.

Yetaya 52:3

Aliku ALA nen yegerak nogo yi aret. “At Yerutalem ti, at onggo mbanak lek we aret aakumi ineenggime piyareegirak me, Onggo wogoraga'lek we aret waagin o,” yinuk, yegerak me, yokkigi o.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Leendawi 1:21

An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega'lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale'nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.

Leendawi 2:3

Anini kani negen wunuk ari logonet, it Iterali inomaawi menggaarak nogo inomaawi lek eerogo piige, At awim nen inooriyak panggoni wogwe iinok, at eenggi abe'nggan uwikkolage, Yi mendek ndi mendek kani omoonuk nen pup eerogo nengge menggi kwak, It Yakup mendek inenggela'me anini kani kunik negen ineebe lek eerogo piinet nage, Eereegerak o.

Yetikiyen 20:14

yi aakumi ndi aakumi inigen iigak, Iterali wogoren wundi wagagirak ti nen nendage abe nogo maluk agaarak neyookwak, eeriyak kooneegirak nogo lek eerogo pereegirak.

Yetikiyen 20:9

Ti koonogo pereegirak kwe, yi aakumi ndi aakumi inenggaanom paga an nen it Iterali o Metit nen wogoren wundi woroorak wone yereegirak me, yi aakumi ndi aakumi it inom wonogwe ti nen an nendage abe nogo maluk eerogo pukwak, koonogo pereegirak nogo eerulik mbo punuk,

Tepaniya 1:10

Aliku ALA nen ari logonet, “Ne ti eyom paga tu unggwogo menggam endage Yikwe Mbanak Me nen le yogwe, It aakumi o yaga'lelo endage Ngget Wurik Me wonogwe nogo nen leenggu maakwi, It puut-puut teberogon wonage nogo abu iya lombok yigirogo wurabit wage oone ari nogo, inaruk konenggwi, Eerugun o.

Oroma 2:24

“Kit eekwi paga it endekem konenggulik mendek nen Ala endage miyuk-meya eerogo pogo agaarik o,” yinuk, liiru mbanak wonage nogo kit Yakuri nen aret eekwi kiigi o.