Yetaya 52:4 - Ala Wone Peenok Peebi Mbanak

⁴ Aliku Itok Menggerak ALA nen yegerak yi aret. “Aa'nduk an napuri o Metit time aap nggiru negen logonuk woraawak nduk, nogogwaarak. Ti'nuk, it aap Atiyut mendek nen alom lek kagak ugun tebembiinok wonogogwaarak o,” yinuk, yegerak.

Yetaya 52:4 ပူးပေါင်းရင်းမြစ်များ

Ayup 2:3

Yoge mbareegi, Aliku ALA nen Tile yoge, “An nayeloman Ayup aakumi o nggween paga menggaarak ndak-ndak lek alik mban iniki abu koonak me, aakumi inoone oba pega'lek wonogwe iigak, an Ala nayuk wuke, Maluk neebi o, yinuk, mbo pege, eeke menggerak nogo kat liippege agandik ilik, lek a? Alom lek kagak an nen Ayup maluk eerogo pikit nduk, nabenak mban yo'nirit unggwage mbaken, E, yokkigirak wakkagandak kwe, at iniki abe koonak nogo lek aga'lek mondok nu'lek aret wonage o.”

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 44:12

Nit kapuri we onggo lek aakumi inambik wogorage, Eekendak me, Kat ambi nabenggolagambok oolo terak puk aret agan o.

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Yetaya 14:25

It Atiyut mendek an nanggween paga wonogwe nogo lek eerogo piige, It an nabuut paga wonogwe nogo niyok aan lebenogo piinet nage, Eyo aaninggin tapi uut paga kwippugu kwak it an napuri aaninggin inoba wonage nogo mbo pege, Aaninggin inuum paga wonok nogo mengga kwak inoba wonage nogo an waganogo mbo pege, Eerigin abet aret yagi o,” yinuk, kumbuk mbangge kagarak o.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.