Yetaya 52:3 - Ala Wone Peenok Peebi Mbanak

³ Aliku ALA nen yegerak nogo yi aret. “At Yerutalem ti, at onggo mbanak lek we aret aakumi ineenggime piyareegirak me, Onggo wogoraga'lek we aret waagin o,” yinuk, yegerak me, yokkigi o.

Yetaya 52:3 ပူးပေါင်းရင်းမြစ်များ

Ndawi 44:12

Nit kapuri we onggo lek aakumi inambik wogorage, Eekendak me, Kat ambi nabenggolagambok oolo terak puk aret agan o.

Ndawi 44:13

It aap ninom koorok wonogwe nen, “It yi maluk aret iigo o,” Ninombaruwak nduk eeppiige, It ninaagan-ninambokan wonogwe nen Meek eerogo pinanogo logonet, “Ha!” yo'niruwak nduk eeppiige, Eekendak o.

Yetaya 1:27

Togop me, it kota Tiyon wonogwe nogo nen Ala wone yugu a'me nggelok eerit nugwi, It inomaluk mbo pemenggaarak nen obeelom mban eekwi, Eekwi iinok, At Aliku ALA nen inagap ndarigin kwe,

Yetaya 45:13

An nen eekaatak a'me nggelok eeppiige minggirak me, ndak-ndak aret eeke logonet, aap Koreti mippege, Ndi, at eerit nage logorak koonogo piige, Eerigin o. Ti eeke neenok, nagota Yerutalem obaane'me wuke, An napuri keele maarogo piya nogogwaarak nogo wondet eerogo piige, Eerigin o. Ti eerigin nogo ti, onggo wogoge, endage nggwok aruwak nduk eeppege, eerigin lek o,” yinuk, At Omaawi Lombok Menggerak Aliku ALA nen aret yegerak me, yagi o.

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yetaya 63:4

Napuri maluk eeppiyareegwaarak onggo eeppiyoorak koonogo pereegirak ne nogo muk ari wage, Ndi, wondet eerogo piyoorak mbareegirak tahun nogo muk panggo yi wage, Eeke mbaki,

Yeremiya 15:13

O it wonogo menggam time abok aret maluk lombok eekwi paga Inamendek kuwak eerak inom, yi mendek ndi mendek onggo nggwok kuwak eerogo pakaarak nogo inom, Kugun wonok nawak nduk, inawim ineenggime pigin o.

Yetikiyen 16:31

Tu andogon-andogon abok aret nggween pit lagi nanuk, agugi awi wurogo pit nage, wone mbaniyak kuwak eeko menggam abok aret kugi aanggo warogo wogogak ogobakkigirogo pit nage, eeppunuk, aap ugun-ugun inom eerit nage logonet, Onggo lek we ee'nabuwak, mbareegerak me, kwe ya wukak onggo wo'niruwak, mba'nuk eeke menggi kwak eeke logolik at iya lombok eeke nagagerak.

Yetikiyen 34:27

Mayu wuppi woraminggirak ti paga yi eyo ndi eyo ineyabume wonage nogo anggen yit nage, yi mendek ndi mendek nggween ti paga yaremenggaarak nogo ka'let eerogo pege, eerigin me, it nandomba ti, iniki ugun tayenak inanggween ti paga wonogo logogun o. Ndi, eyo aaninggin tapi uut paga pugu kalenogo pogo mengga kwak, it aaninggin inoba wonage nogo, lek eerogo piige logonet, it aakumi nen inayeloman eeppiinok wonogwe ineenggime nen wondet eerogo piige neenok, Naliku ALA an aret ineenu arugun o.

Ala Unde 25:54

It aakumi Iterali mendek nogo ti, an nayeloman mini aret me, aap Iterali nogo awi togop yakkoorak meek age kenok, imbirak kagak tahun 50 age paga aakumi inayeloman wondet eerogo piigwi nogo eyom ari nage kenok, at apuri inom wondet aago nege logowak nduk, teppuurak o. Aakumi Iterali ti, an nayeloman mini o Metit nen wogoren wagagirak me, Togop eeppiigo logowak o, yinuk, Naliku inogoba Ala an nen aret yagi o, yinuk, yegerak, yoret o,” yoreegerak.

1 Peterut 1:18

Kit kinombomini maan mbogut paga unggwi noorak lek kagak we aanom warogo eerit nogo nogogwaarak nogo ndak-ndak, kit togop eekwi kiyo, wu mbuti perak inom, emas inom, yi mendek ndi mendek lek ariyak mendek ti paga kinonggo mbanulik o. Ata, ndomba aagaluk awinde-obande aago lek mondok abe kwak Keritut amiya mondok iya lombok nogo paga kinonggo mbaneegerak nogo kineenu aret o.