Yetaya 52:12 - Ala Wone Peenok Peebi Mbanak

¹² At Aliku ALA kinaame a'nuk aa'nduk wage, Iterali inogoba Ala kinage mbanit peebi aret age, Eerigin me, Kit mbet-mbet wundi wogwe, Kole mondok mbe agan wogwe, Eerumunggup lek o.

Yetaya 52:12 ပူးပေါင်းရင်းမြစ်များ

1 Mbinineegwaarak 14:15

Time namenggendak wonage me, eyo tin era'nggup me, aakumi iniyok oone negen yogwe karuk konengge logomenggendik, Ala aa'nduk a'nuk, ninawim Pilitin mendek ineegin warak muk inoori nage kagi, mba'nuk, kawuri kinom pilak yogo logonet, mbet-mbet aret inoba kwi'nari wundi woraamunggup o.”

Wundeegwaarak 12:11

Ndomba aagaluk warogo noorak nogo ti, Naliku an ALA nen amiya labunik kenok, iname obaga mbo naakit nduk, lariyak aret me, lako logonet, iniyok ogut yirikkologwe, inagabee'le mbam nggerenggologwe, inowaanggun ineenggime waganggwi, eeppunuk, mondok li'luk eerak logonet, ineyak tagana'lek mbet-mbet togon nonggo logowak o.

Wundeegwaarak 12:33

Yorage mbareegi, it aakumi Metit mendek nogo nen aakumi Iterali nogo wundi nawak nduk, inoone aganggen kerek togon yorogo logonet, “Peebi nit abok aret kambukwak, niname yime nen mbet-mbet aret wundi nanip o,” yinuk, yorogo mbareegwa,

Wundeegwaarak 12:39

O Metit logonet, oroti tu paga nenet woroorak piiruwak nduk, ragi pugwi nogo pega'lek amok mbanak mban kagak mbet-mbet wumbiya wogogwaarak me, amok mbanak o Metit nen wonok wogogwaarak nogo piiruwak nduk, pega'lek kagak, longgo warogo oroti we worareegwaarak.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 45:2

“Kat nage keegak an aa'nduk nage logonet, puut-puut tebenogo pit nage, Tungga mbuti tembaga paga ogobakkigirik nogo kalenogo pege, Tungga mbuti paga nappet-wappet eerak nogo mbanogo pege, Eerigin o.

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yetaya 49:11

An nabuut paga abok aret tu yarogo pit nage, Naru nggwok yarak paga tiyak-tebek wonage kenok kagaarogo pit nage, Eerigin o.

Yetaya 51:14

It keele maarak inogut nggobonak wonogwe nogo mbet-mbet wondet eerogo piyaagin o. Mbi lek me, inambi abu aret wonogwe, It mbuun ambena wonogo logonet kanggwi, Eerugun lek o.

Yetaya 57:18

Eerit nogwe nogo an iige nagagirak kwe, Obeelom eerogo piige, tu obeelom paga wogoren nage, Iniki tayenak logowak nduk, aa'nduk wonogogwa kwak eerogo piige, Eerigin o.

Yetaya 58:8

Ti aret me, ti eekwi iinok, o kilin nagake menggi kwak eya pindanogo piige, Inawinde-inobaande aago nogo mbet-mbet lek eerogo piige, Eerigin o. Iniki abe koonak logonet eerit nugwi nogo, inabok aa'nduk konenit wogwe iigak, ineebe peebi wogwe, Ndi, Naliku ALA tiyanak neenok, Wi! yogwe nogo, inambokan mulunik kagak wogwe, Eerugun o.

Mika 2:13

Aap yugum pak langgungga nogo kwak a'nuk, naa'nduk tu pak langgunogo punuk, wundi nage, Inowe nendagembogut Naliku ALA naa'nduk a'nuk nage neegak, nawuri nambokan wogwe, Eerugun o,” yinuk, Aliku ALA nen aret yegerak me, yokkiragi o, yoragagirak.

Linggineegwaarak 10:25

Ti'nuk, inaa'nduk ndegek lombok aago wogwe iigak inambo'me age yobok ineebe ambi aago wogogwaarak nogo ti, aap Amitiyarayi aput Akiyetet nogo nen inowe a'nuk it aap inanebunu Ndan mendek nogo, ineenu agak eyo paga pugunik wonok inambokan ogwe,

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.

Owak Loongga 4:14

Kuwak eeppiyareegerak wonogwe iigak, at Ndebora nen Mbarak yoge logonet, “At Aliku ALA nen aa'nduk a'nuk nagaarak lek mbaken? O yogondak aret aap Titera keenggime pagakit nduk, muk aa'nduk a'nuk nagaarak me, mbet nak o.” Yoge mbareegi, at Mbarak nogo awuri sepuluh ribu nogo inom puut Tabot paga nen wambi wogo nogogwaarik,