Yetaya 52:1 - Ala Wone Peenok Peebi Mbanak

¹ O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Yetaya 52:1 ပူးပေါင်းရင်းမြစ်များ

1 Mbinineegwaarak 16:29

Aliku ALA endage abu iya me, tiyappugwi, At ake wogoriyak wonok at owagam wogwe, At Aliku ALA kikak nakeelik alik leenak Mondok iya lombok menggerak me, Ayuk wuko logonet, alut eekwi,

Nekemiya 11:1

It aakumi inarum menggaarak inoweewi o Yerutalem wonogogwaarak. Ndi, it aakumi ando alik nogo ti, ineebe 10 wonage kenok, 9 inawi kota lombok wonogwe iigak, ambit nggigingge, 10 wonage kenok, 9 inawi kota lombok wonogwe iigak, ambit nggigingge, eerogo o kota abu leenak Yerutalem nogome inom logowak nduk, iri'ngga mbanogo wakkagak leeninabeegwaarak.

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Wundeegwaarak 28:2

Ndi, at Karun an nake eeko logonet, yum yirikak leenak nogo mendek iniki yuma yonggolak ayuk warak kogo logowak nen koweeluk ayum penggaaruwak nduk, yokkigi o.

Wundeegwaarak 28:40

Ndi, Karun apuri ti kunduk, iniki yuma yonggolak inayuk warak kogo logowak nen inayum akem agi yiriyak nggorek inom, inagabee'le inom, inayum inanobak paga perenogo piyoorak inom, abok aret penggaarogo piyaawak o.

Yetaya 1:21

Kat o kota aa'nduk noone liirogon mugurok nage nagandak kwe, kwe ya wukak pogom agandak yi, nonggop agan o? Aa'nduk a'me nggelok mban eerit nage, Obeelom mban wonage, eeke nagandak kwe, Yogondak nen aap inooka lombok agandak wonage agandik o.

Yetaya 1:26

Inowak loongga nogo maan aa'nduk aakumi inowak loongga wonogogwa kwak inobaane'me mippiige, Aa'nduk inom wone koonggo nogogwa kwak inobaane'me eeppiige, Eerigin o. Ti eeke neenok, aakumi nen, O Yerutalem ti, Obeelom Eeko Menggam o. Ala Wone Liirogon Mugurok Nogo Menggam o, yinuk, kat yokkogo logogun,” yegerak o.

Yetaya 26:2

It aakumi iniki abe koonak mendek nen Ala mbake liirogon eeko menggaarak nogo, Unggwi woraawak nduk, tu pak ambe paarogo pinip o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yetaya 4:3

It aakumi o Tiyon piinok mbaganemenggaarak o kota Yerutalem wonogwe iinok, “Inili aago o Yerutalem logowak o,” yinuk, liiru mbanak wonage nogo, “Abu abe alik leenak wonogwe o,” yogwe, eeko logogun o.

Yetaya 49:18

Kat kaagalogwe wologwe kuwak ari wogwe, kat kowagam wogwe, eekwi yi, kuut pilak yinuk, kenegen pegiyet o. Kwe aap lambumbuurak nduk, obaanggi-obaangge li'luk eerogo pogo mengga kwak, It kuwak a'nuk wonogwe nogo paga kat kiniki ale'nggen nggwok eerogo pagagun o, yinuk, An neenik minggirak Naliku ALA nen mondok abet aret yokkigi o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Yetaya 60:1

“O Yerutalem ti, eya eeppuurak nogo muk koorok panggoni wage, Naliku ALA nabinak kwindagala aago nogo eebe paga pindanogo pi wage, Eeke me, Mi'na'nuk, aakumi in wakkagak eya aago logowak o.

Yetaya 60:21

Ti ari nage kenok, aagalogwe abok aret iniki abe koonak ogwe, Ndi, nggween ti nogo, unde eeppatinuk mondok-mondok wonogwe, Eeko logogun o. An abu tiyanak, Wi! nugwi nogo aakumi inigen neego logowak nduk, neenggi lombok paga nen agarip ambi luurogo yareegirak it aret me,

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetaya 64:10

Kat kagota ambik abu obeelom alik leenak menggerak nogo muk o karume pogom age, O Tiyon nogo kunduk, karume kwak age, Ndi, Yerutalem nogo, o wogo aret age, Eekerak aret agaarik o.

Yeremiya 31:23

At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.

Yetikiyen 44:9

Aliku Itok Menggerak ALA nen ari logonet, “Aakumi inambik inagabolo mbanak lek iniki omaawi ti, an nawi wurik alik leenak me ungguurak lek o. It aakumi inambik Iterali inenggela'me wonogwe nogo kunduk, ungguurak lek mban o, yinuk, yoragagirak kwe kagak eereegwaarak o,” yinuk, yo'nege kagagirak o.

Ndaniyen 10:9

Abu ndeyak eerogo paneegerak taati wonage me, at oone ari naruk koneneegirak. At oone ari ti, liirogon naruk konengge me, nambuluk yipuk nenete wanduk nggween paga ngginnagagirak.

Yowen 3:17

Aliku ALA nen ari logonet, Togop eeke neenok, it nen Naliku inogoba Ala an nogo, nabuut alik leenak Tiyon paga minggirak ineenu arugun o. Ndi, Yerutalem ti, o abu alik leenak lombok arigin me, It aakumi inambik nen o time ambinom tebenggola wogo logogun mondok lek aret o.

Nakum 1:15

Aap wone yonggo wonok puut-puut paga iyok pit wage logonet, “Kinagabiti lek kiniki ugun tayenak logonip o,” yinuk, agan wage ti, kinigen pekkaanip o. It aakumi kinom ogoorak nogo mondok lek eerogo piyaawak nduk, eeppiyaagin me, Ambinom tebenogo pinagawak nduk, woraagun lek o. Togop me, kit Yekura mendek yi wae. Laago lako logorak yugu nogo kinale'nggen paga lakwi, An yogop eeke logogin o, yinuk, kumbuk mbanggwi nogo ndak-ndak eekwi, Eeko logonip o.

Agayi 2:4

Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu'lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu'lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.

Takariya 3:4

at malayikat nogo nen at ake eeka taati mi'ndak wonogwe nogo yorage logonet, “Ayum mili yirik ti, nggoorogo pinip o.” Yoragaarak nggoorogo pogo mbaka, at Yotuwa yoge logonet, “Kat komaluk nogo, an nen abu mbo nappege nagarik, kayum abu abe ngget mendek yirippagage yi, ket o.”

Matiyut 4:5

Yoge mbareegi, at Ibilit nen Yetut wonok o kota Ala ake leenak menggim nogome nage nagagerik, Ala awi wurik kirin paga pi lagangge nagagerik,

Lukat 15:22

Yoreegerak kwe, ogoba nen ayeloman mini yorage logonet, Yum abu kigirikwe lombok waganogo yippugwi, tenggen at eenggi paga yippugwi, sepatu yippugwi, mbet-mbet togon ee'nip o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Epetut 4:24

Ala maluk eekeelik obaabut abu abe koonak menggerak nogo kokwak, kit ndak-ndak kinobaabut mondok ngget mendek eerogo pinagawak nduk, yokkiragi o.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Wayu 11:2

Eerit nage logonet, Ala awi wurik me oore'nggam endekem nogo wakkaagun o. It aakumi endekem mendek nen o kota abe alik leenak menggim nogome iniyok aambele eerogo pit nogo logonet, Ala awi wurik me oore'nggam endekem time inom aambele eerogo pit nogwe iigak, tut 42 peneniyak koonak me, wakkoorak mage o.

Wayu 19:14

it yigin unde mbogut paga wonogwe nogo abok aret inayum abe yawenak kikak naka'lek abu laambu yanggwi negen yirik logonet, inalitik-inalitak kuda ineeruwak yanggwi negen inamborowak paga kwi'na'nuk, inom nogwe iigirak.

Wayu 19:8

inoone yogwe iigak, akwe nogo wage mbaki, ayum ambi abu yawenak kikak naka'lek abe laambu yanggwi negen lan aago yikkolawak nduk, wogoge kagarak. Ndi, ayum abe yawenak nogo ti, it Ala apuri ake leenak nen maluk eeka'lek obeelom mban eerit nugwi nogo kwak aret kagarak.

Wayu 21:2

Kage nagarik, kwe ambi ogonggelo kolaakit nduk, amindik-amendek li'luk eekko'nok wage menggi kwak, o kota abu alik leenak Yerutalem ngget ogobakkigirik nogo, Ala wonage me mbogut paga nen wambi wage kagarak.

Wayu 21:27

Ndi, it maluk inikime porogo wonogwe, maluk peyak wurik kagak ugun eerit nugwi, pilit pugunggwi, eeko menggaarak nogo kenok perak, unggwi nogwe iyoolik o. Ata, it aakumi ineenik mondok-mondok aganaburak inendage mbuku paga liiru mbanak Ndomba Aagaluk porogo wonage kenok mban unggwi nogwe iigirak o.