Yetaya 51:9 - Ala Wone Peenok Peebi Mbanak

⁹ Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Yetaya 51:9 ပူးပေါင်းရင်းမြစ်များ

Ayup 26:12

Niyo yenggenak laut nogo omaawi paga kilaarak-mogonik eerogo pege, Waalo kole niyo inikime menggerak nogo iniki warak lombok nen warogo pege,

Ayup 9:13

Ala anini tebenogo pakeelik o. At Arakap ayeloman mini nogo At abu'me tebe yinuk, ayuk wureegwaarak nogo o.

Ndawi 21:13

Togop me, Kaliku ALA wae. Kat komaawi ambik menggendak me, Kendage tiyanak aret logowak o. Kat komaawi ambik me, nit ndawi wako logonet, Kat kalut eeko logogun o.

Ndawi 44:1

Ala wae. Aa'nduk lombok ninombomini wonogwe eyom paga kat eerit wagagindak It nen mbininogo yo'nirogogwaarak nogo Nit ninaruk abe nen koneneegurak o.

Ndawi 44:2

Kat keenggi omaawi lombok paga Aakumi inanebunu abok aret mugogo wumbiinok, It ninombomini inakom kwippiige, It aakumi inanebunu lombok aan lebenogo piinok, Ninombomini wiganggo logowak nduk eerogo piige, Eereegindak nogo o.

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 44:24

Nit aaninggin-paaninggin ninoba age, Aakumi tebenogo pinanugwi, Eekwi iigak, Kat nonggop nduk mari eerogo pinanege, Kenggaawak kumaappatinuk wonage, Eeke agandik?

Ndawi 59:4

An maluk eeka'lek neegak kwe, It nen mban nooriyak pipuk eerit nugwi me, It maluk eeppaniyak eekwi yi, liippiige, Ndi, pilak yinuk, yeenggo nege, Eeru o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 77:5

O aa'nduk lombok eerit wagagerak nogo, niniki koonit nage, Yi tahun ndi tahun paga eerit wagagerak nogo niniki aberit nage,

Ndawi 78:65

Eeke nagagerik, Aakumi nogo yogo nagaatik, mi'nogo mengga kwak, Inogoba Ala mi'nage, Aap anggur amburu neenok iniki lek agaatak wonagaatik pilak yogo mengga kwak, inogoba Ala pilak ari, Eeke nagagerik,

Ndawi 87:4

“Ala ti, nit ninogoba aret o,” yinuk, Yogo menggaarak inenggela'me o Metit inom, Mbaben inom, endage kungge, It Pilitin menggam inom, Tirut Kuti imbirak inom, endage kungge, Eeke logonet, “It abok yi, inawi alom o kota Tiyon aret o,” Yinuk, yigin o.

Ndawi 89:10

Aap inooke menggi kwak, Waalo kole endage Arakap nogo aan lebenogo punuk wake, Keenggi omaawi paga kawim nogo mugogo mappiige, Eereegindak o.

Ndawi 89:11

Mbogut inom, nggween inom, kat aret unde wake, O nggween yi alom kwippege, Yi mendek ndi mendek nggween paga wonage yi, Abok aret wakkage, Eereegindak o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Yetaya 27:1

Ne ti eyom paga Aliku ALA ambuti wooluwak paga maluk onggo eeppiige, Ambuti wooluwak mondok nggorek ngget penak maarak omaawi mendek nogo wonok wage logomenggerik, At waalo kole Lewiyatan tu agan nage, Waalo nggwok komaarak tuk togon nage, Eeke menggerak Niyo nggwok laut paga menggerak abu ogole warak nogo, warogo pege, eerigin o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 51:5

An nen obeelom eerogo pinagarak koorok panggo yi wage, Kinagap ndakkinaburak muk panggoni wage, Eeke agaarik o. Eeke kenok, neenggi omaawi paga yi aakumi ndi aakumi eereegwaarak a'me nggelok eeppiige logogin me, It aakumi inawi niyo oolo ku'mbanak paga wonogwe nogo an woroorak to'neegwi, Neenggi omaawi paga eeriyak nogo iniki lunik logonet, to'neegwi, Eeko logogun o.

Yetaya 52:1

O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Yetaya 62:8

Abet mbaruwak nduk, at Aliku ALA eenggi abe'nggan nippege, Abet aret eerigin o, yinuk, eenggi mondok omaawi tiyambege, Eeppunuk, Kumbuk mbangge logonet, eeriyak yegerak nogo yi o. “Gandum anggen mbanak waganogo kawim wogorage, Keenggi omaawi paga yabu ta'liila eekendak anggur amburu ngget toolak nogo, it aap inambik nawak nduk wogorage, Eerigin mondok lek o.

Yetikiyen 29:3

Aliku Itok Menggerak ALA nen yegerak nogo yi o, yinuk, yoroorak nogo yi aret o. O Metit niyo nage elaganggen inikime time waalo kole ndenen wappunuk wonage kwak, Aap o Metit mendek inowe endagembogut Pirawun ti, nimbirak ogoorak aret agarik o. At nen ari logonet, Niyo Nin nogo ti, nage logorak an nen aret eerogo pateegirak me, Niyo ti, an namendek aret o, yinuk, yereegerak kwe,

Mika 7:15

O maan togon kat o Metit nen wogoren wundi wage logonet, eereegindak nogo kwak, Eerubok mendek ambi eeke keyaawak nduk, eerumunggun o.

Abakuk 2:19

Aap ambi nen eyo obate mbanak yoge logonet, “Keenik aru o,” yinuk, yoge, Ndi, yugum oone ariilik kagak, “Kat mi'naru o,” yinuk, yoge, Eeke kenok, abuwa o. At oone lek ti nen, “Ndogop ee'nip o,” yinuk, yoroorak op mbakop? Ogut ogobakkigirik nogo ti, mbuti emas paga inom, mbuti perak paga inom, nabenogo pugu wonage kwe, Nebek-ndalok yaga'lek oone lek aret menggerak.

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.

Takariya 10:11

Niyo kole yenggenak laut kilaarak-mogonik eeke kenok, wunda noorak inagabiti mbako mengga kwak, Iniki aaninggin wonogwe iinok, an nen iniki tayenogo piige, Niyo Nin porok yegetak me, iniki te wunda nogo mengga kwak, eerogo piige, Eerigin o. It Atiyut mendek nen, Nit iya o, yinuk, iniki tiyappatit nugwi nogo, an nen tebenogo piige, Ndi, it Metit mendek inambim mbanak ineenggime logonet, inabu'me piinok menggam nogo omaawi lek eerogo pege, Eerigin o.

Takariya 2:13

Togop me, yi aap ndi aap kit yi wae. Naliku ALA nalik leenak minggim nen muk mi'nagarak wonage me, nenggaanom paga kinabolok lek puk aret logonip o,” yinuk, yorage kagarak me, yokkiragi o.

Lukat 1:51

At eenggi omaawi ambik eeke paga it aakumi iniki tiyappatiyak koonit nugwi nogo mappiige,

Yaya 12:38

Abet mbaka'lek wonogogwaarak nogo ti, aap Ala yoge kagak yoraga Yetaya nogo nen ari logonet, “Ninogoba o. Wone nit agan wogoorak nogo, taani nen abet mbakwi, Ndi, kat keenggi omaawi tiyanak nogo, taamini nen inigen kogwe, Eereegwaarak mbakop?” yinuk, yereegerak liiru mbaneegerak nogo, a'me lik yereegerak o.

Nappiigak 7:7

Togop eerugun kwe, it aakumi kat kombowologwe inayeloman eeginabemenggaarak nogo, an nen maluk eeppiige neenok, inambik iname nogome nen wundi wogo logomenggaarik, o yime woraanuk logonet, an nalut ee'nako logogun o, yinuk, Ala nen Abarakam yoreegerak.

Wayu 11:17

“Kat komaawi lombok menggendak aa'nduk wonagagindak, yogondak wonage, ninogoba Ala nogo kat aret o. It aakumi abok inowe kendagembogut logonet, wone lengganogo yorage logokit nduk, unde agagindak nogo, Yogondak yi eyom paga aret eeke logokit nduk, mi'nagandak me, Wa, wa, yokkogo o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Owak Loongga 6:13

Yoge mbareegi, aap Nggireyon nen Aliku ALA ayonggo nogo yoge logonet, “Ai, nogoba o. At Aliku ALA ninom abet aret wonage kenok, nonggop nduk aaninggin-paaninggin yi, ninoba age agaarik o? Ninombomini nen nit yo'nirogo logonet, At Aliku ALA o Metit nen wo'niren wundi wage logonet, Eerubok mendek ndogop eerit wage kogogurak o, yinuk, mbininogo yo'nirogogwaarak nogo ngge o? Togop eeppinaniyak op aret kwe, kagak, yogondak nit mbo pinangge logonet, aakumi Miriyan mendek ineenggime pinanggerak wonogo ogoorik o.”