Yetaya 51:5 - Ala Wone Peenok Peebi Mbanak5 An nen obeelom eerogo pinagarak koorok panggo yi wage, Kinagap ndakkinaburak muk panggoni wage, Eeke agaarik o. Eeke kenok, neenggi omaawi paga yi aakumi ndi aakumi eereegwaarak a'me nggelok eeppiige logogin me, It aakumi inawi niyo oolo ku'mbanak paga wonogwe nogo an woroorak to'neegwi, Neenggi omaawi paga eeriyak nogo iniki lunik logonet, to'neegwi, Eeko logogun o. အခန်းကိုကြည့်ပါ။ |
O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.
Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.
At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.
It aakumi niyo oolo ku'mbanak paga wonogwe nogo, an ari neyo mban abet aret to'neego agaarik o. An ari neenok, yi yiiro ndi yiiro Taritit mendek nen mbuti perak mbuti emas wonok wogo menggaarak me, wonok wogo logonet, At aagalogwe o nda nen inaa'nduk wogoren wogwe, At mondok tiyanak ayuk warak eerogo pereegirak me, An Kikak Nakeelik Nalik Leenak Iterali inogoba Naliku Ala nayuk wuko logonet, iri wogwe, Eeko logogun o.
Aliku ALA nen it aakumi nggween irip-irip wonogwe abok aret inaruk konenuwak nduk wone yoragaarak yi o. “At Kinagap Ndaka wage yi kaanip o. Ta'liila eerit nage nagagerak onggo kolegerak nogo inom wogwe, At peebi wage kagak inaa'nduk wogwe, Eekwi yi, Iyaanip o, yinuk, o Tiyon Aagalukwe nogo yoru,” yegerak o.
Yeenggwa niriyak ambi wonogwe iyo, nenegen yamboninakirak kwe, lek aret iige, Yeenggwa niriyak lek iinok, Ai, mbake, Eeke nagarik, Nanini ninikime lik ari, Nanini kani kunik negen mi'nage, Eeke kagak, Nalik neenggi omaawi paga nen tebenogo piige logonet, It aakumi anggur anggen kwak niyok aambiranogo piige, Anggur amburu nenok kumili kunggo mengga kwak, nanini kaawak nduk eeppiige logonet, inamiya nggween paga kilirogo pit nage, Eekirak o,” yinuk, yo'negerak o.
It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.