Yetaya 51:4 - Ala Wone Peenok Peebi Mbanak

⁴ Napuri yi wae. Noone yokkirage liippugwi, Leenogo pinagareegirak kit an mendek yi wae. Noone yokkirage yi, konenggwi, Eeko logonip o. An nen aret eeko logorak wone lengganogo yokkirage, Eekaatak a'me nggelok eeke minggirak wone nogo eya kwak yi aakumi ndi aakumi inenggela'me mippege, Eerigin o.

Yetaya 51:4 ပူးပေါင်းရင်းမြစ်များ

Ndawi 147:20

Ndi, eeko logorak wone nogo Yi aakumi ndi aakumi abok aret togop yoraga'lek Iterali mendek kenok mban yorage, Eereegerak o. Aliku ALA tiyappogo logowok o.

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Ndawi 78:1

Kit nowe-nawot yi wae. An wone mamunggiraagin yi, Waabagip nduk, kinaruk konenggwi, Noone yokkiraagin yi, liippugwi, Eeko logonip o.

Wundeegwaarak 19:6

it mban an inowe nendagembogut nabu'me logonet, neebe unde logowak nduk, miirogo piige, an napuri maluk eeka'lek nake leenak logowak nduk leenogo piige, eerigin me, wone yi abok aret aakumi Iterali mendek yora wambu o,” yinuk, yoreegerak.

Wundeegwaarak 33:13

kat nen abet aret nabuwa mbake kenok, it aakumi inanebunu Iterali yi, An mendek aret o, yinuk, inoba aberak logonet, kat keebe liirogon neenu age, ndi, kat nimbirak mondok-mondok niniki kunik wonage, eerikit nduk, kat eeriyak mbake menggendak nogo yo'niru o.”

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Yetaya 1:27

Togop me, it kota Tiyon wonogwe nogo nen Ala wone yugu a'me nggelok eerit nugwi, It inomaluk mbo pemenggaarak nen obeelom mban eekwi, Eekwi iinok, At Aliku ALA nen inagap ndarigin kwe,

Yetaya 2:3

Aakumi inanebunu lombok nen yogo logonet, “O Tiyon nen wone yugu liiru mbanak nogo wiganinuk wundi nage, O Yerutalem nen Aliku ALA wone yugu nogo wonok ndi ari, Eerigin me, Aliku ALA nen eeriyak mbake menggerak nit mamunnirage kenok, nit ndak-ndak eerit nogo logogun o. Aliku ALA abuut paga lagi nogwe, Yakup ogoba Ala awi wurik me unggwi nogwe, Eeruwok nduk, woraanip o,” Yinuk, yogo logogun o.

Yetaya 26:2

It aakumi iniki abe koonak mendek nen Ala mbake liirogon eeko menggaarak nogo, Unggwi woraawak nduk, tu pak ambe paarogo pinip o.

Yetaya 26:8

Kaliku ALA wae. Ninawone amburu mbani woraanok nduk, tokkeego ogoorik o. “Kat kendage kunggwi, koba abekwi, eeruwok lak, ao,” lombok mbako monggoorak.

Yetaya 33:22

At Aliku ALA ti, ninowak loongga, Aliku ALA ti, eeko logorak wone lengganogo yo'niraga, Aliku ALA ti, ninowe endagembogut aga, Aret me, ninagap ndarigin nogo ti, at aret o.

Yetaya 42:21

At Aliku ALA iniki abe koonak menggerak me, “An noone yugu ti, iya, yinuk, tiyappogo logowak nduk, Ao,” mbake menggerak kwe,

Yetaya 42:6

“Wone yugu a'me nggelok eeke logonok nduk, Naliku ALA nen aret kat wiigege, Eerit nage keegak, panggonggake logonet, karum wonage, Eerigin o. It aakumi ninom wone koonogo pereegirak nogo a'me aret eeke, Yi aakumi ndi aakumi inambik eya kaawak nduk eerogo piige,

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 55:3

At nen wone yo'nirage liippuwok o, yinuk, an neya wogwe, Ineenik logowak nduk, noone inaruk liirogon konenggwi, Eeko logowak o. An kabuwa nen obeelom mban eeppagagak eeke logogin o, yinuk, at Ndawut koonogo yoreegirak nogo ndak-ndak, Wone lek ariyak lek mondok-mondok eeko logorak wone ninom koonogo puwok o.

Yetaya 63:8

At Aliku ALA nen, “It ti, an napuri abet aret o. It an napuri aret me, nenggali aruwak nduk, eerugun lek o,” yinuk, ari nagagerik, Inagap Ndaka aret agagerak.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

1 Korindut 9:21

ndi, it aap endekem mendek Ala nen wone Muta yoreegerak wone eekulik mendek nogo, Ala apuri eerogo piyaakit nduk, inenggela'me logonet, it eeko mengga kwak, an ndak-ndak eerit nage, eeke minggirak. Ti eeke minggirak nogo ti, Ala yereegerak wone nogo taganogo punuk eekeelik o. Ata, Keritut yereegerak wone aret eeke logonet, eeke minggirak me nduk, yokkiragi o.

Pelaareegerak 18:18

kat nen an noone yorage menggendak kokwak, aap ambi it mendek inenggela'me nen aret an yoge neegak yorage logorak ambi leenogo mippege logominggirik, an noone, Yogop yoret o, yinuk, inikime pege neenok, yoriminggirak nogo abok aret mbininogo at owe-awot yorage logogin o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.