Yetaya 51:21 - Ala Wone Peenok Peebi Mbanak

²¹ Togop me, anggur amburu paga lek alik ambi toolak paga nenok kumili agandak tebenogo pagarak yi wae. Wone yi, karuk konengge logot o.

Yetaya 51:21 ပူးပေါင်းရင်းမြစ်များ

Yetaya 29:9

At Aliku ALA nen nogo nggaruk togon yuurak eerogo pinagareegerak o. It Ala yorage kagak yoraga nogo inigen nobarogo piige, Inabinggaanggo kaga abe yogwe lek, mbaruwak nduk, inabut wurogo piige, Eereegerak me, Yi mendek ndi mendek kinigen kaga'lek kinigen mbuk eerogo pakwi, Anggur amburu noolik kwe, kumili kunggwi, Niyo omaawi mendek noolik kwe, neyak-kweyak agan nugwi, Eeko logonet, Kiniki ma'nage, “Wi!” yogwe, eekwi ti, kinombaalombok eekkologo logonip o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 54:11

Aliku ALA nen ari logonet, “O wiya omaawi warit wage logonet, eyo ndugunogo pit nage menggi kwak, Aaninggin-paaninggin at oba aan lebe aago wonage kwe, iniki eyak wappega'lek at Yerutalem ti, An nen yugum ninuk paga kwippegak wurogo pege logonet, yugum laturit paga at ogowa mondok nu'lek eerogo pege,

Leendawi 3:15

Eyoonggen ale mendek ndonggorogon naakit nduk wo'nege, Wam ambiki kwak amburu naakit nduk wo'nege, Eereegerak o.