Yetaya 51:18 - Ala Wone Peenok Peebi Mbanak

¹⁸ Kaagalogwe wologwe ambik ndaganabeegindak kwe, ambiriluk ambi nen unde wokkake, Kaagalogwe wologwe apit aret tawe eeginabeegindak kwe, ambiriluk ambi nen keenggi pikkeren nage, Eerulik aret o.

Yetaya 51:18 ပူးပေါင်းရင်းမြစ်များ

Ayup 8:20

Togop aret menggaarak kwe, Aap ambi inoone oba pugulik iniki abe kenok Ala nen mbo pege, Ndi, it maluk eeko menggaarak kenok yeenggwaarage, Eekeelik aret mbake logot o.

Ndawi 142:4

Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 88:18

An noreewi inom, ninom niniki kunik lombok inom, Tayorogon piya nage keegak, O apit nogo nore negen nimbirak kunik aret agaarik o.

Yetaya 41:13

An nen aret yeenggwa kiraagin me, kinagabiti mbarugup o, yinuk, Kineenggi abe paga pippinaganuk, kinogoba Naliku Ala an nen aret yokkirage agarik o.

Yetaya 45:1

At nage kagak, aa'nduk yi aakumi ndi aakumi at abu'me logowak nduk, tebenogo piinet nage, Aakumi inoweewi inendagembogut ineegin-inomaale ndinogo wagangge, At nage kagak tu narak lek kuurik logowak nduk, aa'nduk tu paarogo pit nage, Eerikit nduk, Aliku ALA nen eenggi pippunuk, leenogo mippereegerak aap Koreti wone yogerak nogo yi aret o.

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Yetaya 54:11

Aliku ALA nen ari logonet, “O wiya omaawi warit wage logonet, eyo ndugunogo pit nage menggi kwak, Aaninggin-paaninggin at oba aan lebe aago wonage kwe, iniki eyak wappega'lek at Yerutalem ti, An nen yugum ninuk paga kwippegak wurogo pege logonet, yugum laturit paga at ogowa mondok nu'lek eerogo pege,

Yeremiya 10:20

Ninawooliya wurik nogo mi-mi wangge, Keele mbarenggak mendek abok aret nggaru-nggaru nage, Eekerak o. Ninapuri wologwe nogo mbo pinaninuk nagaarak ineebe lek aret agaarak me, ninawi wurogo pinanugwi, Ninawooliya kambonogo pinanugwi, Eeriyak ineebe lek aret o.

Yeremiya 31:32

It inombomini o Metit nen pigiren wundi wage logonet, an inogonggelo kwak aret kwe, Ninom wone koonogo pereegirak nogo ti, eeka'lek taganogo pereegwaarak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o,” yinuk, Aliku ALA nen aret yegerak.

Yetikiyen 34:6

Puut teberogon paga inom, puut nggorek paga inom, an nandomba kobak eerak logonet, nugu agaarik o. O nggween paga abok aret nandomba mak eerak nugwi iigak, aap ambi nen maloppiinet nege, kwaarinabit nege, eeka'lek aret wonage agaarik o.

Amot 5:2

Kolaga aap kigin waka'lek maluk eeppogo mengga kwak it Iterali ti, Nggween paga ngginnogowaarak me, peebi mi'narugun lek aret o. It inanggween paga lombok ngginnogo mbareegwa, mbo piyareegwaarak me, Aap ambi nen it mippiyoorak lek aret o.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Matiyut 9:36

Eerit nege logonet, ndomba ndegeninaka eebe lek me, mbaganit nogo logonet, ineeruwak yini'nggin-piini'nggin aago tat warit nogo mengga kwak, it aakumi ambik at mugurok nugwi nogo togop aret aago enegen iige nagagerik, inabuwa lombok mbareegerak.

Marakut 8:23

Yogo mbareegwa, at Yetut nogo nen oore'nggam time nen eenggi piganok, wonok endekem wundi nage nagagerik, woori enegen me lenggembege, eebe eenggi pigagangge, eeppege nagagerik, “Yogondak yi mendek ndi mendek muk kenegen kagan a?”

Nappiigak 13:11

Yogondak at ninogoba Ala nen maluk eeppagage kenok, kenegen mbuk a'nuk, o eya kenegen kaga'lek keegak, ne mande negen logomunggun o,” yinuk, awo yoge kagak, enegen ogut age nagagerik, apit agagerak. Enegen apit age mbareegi, “Neenggi pi'nabuwak o,” mba'nuk, yu'nduk ari nagagerak.

Nappiigak 9:8

at Tawulut nogo mi'nage nagagerik, enegen pagak yikit nduk eereegerak mendek, enegen ogut agagerak me, ineenggi piganok, wonok o kota Ndamitik pi nogogwaarak.

Iberani 8:9

It inombomini o Metit nen wogoren wundi woraakit nduk, neenggi pigiren wundi wage logonet, Wone ninom koonogo yoragagirak nogo, it liippunuk, eerit naga'lek mbareegwa, An inogoba Ala nen aret mbo piyareegirak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o, yinuk, an Ala nen aret yagi o.