Yetaya 51:10 - Ala Wone Peenok Peebi Mbanak

¹⁰ It aakumi kat wondet eerogo piyareegindak nogo wunda nawak nduk, niyo mogonogo pege, Niyo kole laut poronogo pege, Niyo laut alobok ambik nogo poronogo punuk, nggween woloonogo pege, Eereegindak Kat aret nogo lek a?

Yetaya 51:10 ပူးပေါင်းရင်းမြစ်များ

Ndawi 106:10

Ineebi inombaka ineenggime nen inagap ndake, It inawim ineenggime nen wondet eerogo piige, Eereegindak o.

Ndawi 106:9

Niyo kole Laut Merah nogo mberege, Niyo nogo mogonogo nggween kin eeppege, Tu karume nogogwa kwak, Nggween ogu teberogon wolonogo punuk, Wogoren wunda wage,

Ndawi 74:13

Komaawi paga kat nen aret niyo oolo mogonogo nggween kin eeppege, Waalo kole inanini warak niyo paga menggaarak nogo Kat nen aret inanobak tela eerogo piige,

Ndawi 77:19

Kat wagak karu ti, niyo nggwok laut aret o. Yi kole yenggenak laut kiiniki paga kiyok pit wagagindak kwe, Kiyok a'lip nogo aakumi inigen kaga'lek aret wonogogwaarak o.

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Wundeegwaarak 15:13

It inagap ndarogo piigendak nogo, Inabuwa nen obeelom mban eeppiige logonet wogoren nage, Komaawi paga pigiren nggween abu obeelom punogo piyareeginom nogome piya nage, Eerumunggun o.

Yetaya 11:15

At Aliku ALA nen o Metit paga niyo laut ogobak pi nagagim woloonogo pege, Niyo Eparat paga eenggi nappege kenok, o wiya kani kunik negen warit wage logonet, niyo nogo poronogo pege, Eeke kenok, Elaganggen 7 mogonogo pemenggerak paga alobok lek aremenggerak me, aap iniyogut yirik aret wunda wogo logogun o.

Yetaya 11:16

O aa'nduk togon Iterali o Metit nen wundi wogwe iigak, tu abe eerogo piyareegi kwak, At apuri eegu yumbunik o Atiyut wonogwe nogo iname woraawak nduk, Tu nggwok mbininogo piyaagin o.

Yetaya 35:10

It aap Aliku ALA nen wondet eerogo piyamenggerak nogo iname o Tiyon tu ti paga unggwi wogwe, Eeko logogun o. Unggwi wogo logonet, inale'nggen nen keekok piyanggogwe, Iniki ale'nggen mondok logorak mendek inikime nggelok ari logonet, inete yanggu aago wonogwe, Eeko logogun o. Iniki puru yogwe, iniki wakkologwe, eekwi nogo mondok lek age kagak Obaane'me inale'nggen alik negen aganake, Iniki kani moonuk negen nggelok ari, Eeke logogin o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yetaya 35:9

Tu ti paga singa inooriyak nduk nage, Wam nggwiya anini nen nibininabikit nduk nage, Eeko logogun lek me, It ti mendek ti, ambi iigo logogun lek o. It aap Ala nen inagap ndaremenggerak nogo mban tu ti paga wogwe,

Yetaya 42:15

An nen puut-puut tiyarogon inom, teberogon inom, nggween mbuk eerogo pege, Iri'ngga-kale'ngga wonage nogo teebat eerogo pege, Niyo nage abok aret owak eerogo pege logonet, nggween kin eerogo pege, Yilaa'nggun yenggenak nogo poronogo pege, Eerigin o.

Yetaya 43:16

Kit niyo laut nggaruppegak woraabagip nduk, tu koonogo pinagage, Niyo mondok omaawi nage kagak wunda woroorak tu koonogo pinagage,

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Mika 7:15

O maan togon kat o Metit nen wogoren wundi wage logonet, eereegindak nogo kwak, Eerubok mendek ambi eeke keyaawak nduk, eerumunggun o.

Takariya 10:11

Niyo kole yenggenak laut kilaarak-mogonik eeke kenok, wunda noorak inagabiti mbako mengga kwak, Iniki aaninggin wonogwe iinok, an nen iniki tayenogo piige, Niyo Nin porok yegetak me, iniki te wunda nogo mengga kwak, eerogo piige, Eerigin o. It Atiyut mendek nen, Nit iya o, yinuk, iniki tiyappatit nugwi nogo, an nen tebenogo piige, Ndi, it Metit mendek inambim mbanak ineenggime logonet, inabu'me piinok menggam nogo omaawi lek eerogo pege, Eerigin o.