Yetaya 51:1 - Ala Wone Peenok Peebi Mbanak

¹ Aliku ALA nen ari logonet, “Kit obeelom mban eeruwok nduk mugurok nogwe, Naliku ALA mu'neren wogwe, eekwi yi wae. Wone an yokkirage yi, kinaruk konenggo logonip o. Kit yugum lunik alom nen poorogo wokkinake, Ndi, yugum nggaganggo menggam alom paga nen nggaganogo wokkinake, Eereegirak nogo liippugwi,

Yetaya 51:1 ပူးပေါင်းရင်းမြစ်များ

2 Mbinineegwaarak 15:2

aap Ata ka nage nagagerik, “Kat Ata inom, Yekura mendek abok aret inom, Mbeniyamin mendek inom, wone yokkirage yi, konenggo logonip o. Kit nen Aliku ALA ninom logorak, mbakwi kenok, at kinom aret logogin o. At kwaarit nogo logomonggotik, eebe aret kwaakkaamunggup kwe, at mbo pugwi kiinok perak, at nen kit mbo pinagagin o.

2 Mbinineegwaarak 15:4

aaninggin-paaninggin inoba age mbareegi, melak togon Aliku Iterali inogoba Ala kwaarit nogo logonet, kwaakkogogwaarak.

Ndawi 24:6

Aap ti ndak-ndak ndarak nen Ala mugurok nogwe, Aap ti mendek Yakup ogoba Ala enete kaawok nduk, kwaarit nogwe, Eeko menggaarak o.

Ndawi 94:15

Eekaatak a'me nggelok inowak loonggo logorak ena koonogo pemenggendak me, It aap iniki koonak menggaarak nogo nen Wone ti, liirogon aret porogo logogun o.

Kini Wuppiige 15:9

It aap maluk mendek nen eerit nogwe nogo Aliku ALA eebi lombok mbake menggerak kwe, It aap obeelom eeriyak mugurok nogwe iinok perak, iniki kunik lombok aganake menggerak.

Kini Wuppiige 21:21

Aap ambi nen obeelom mban eeppiinet nage, aakumi inabuwa mban mbarit nage, eerit nage paga At eenik wonage logonet ale'nggen kage, obeelom mban wonage, ayuk warak wonage, Eeke menggerak o.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Yetaya 48:1

At Ala nen ari logonet, “Nit ninendage Iterali aret, yogwe, Nit Yekura paga nen wiganak o, yogwe, Aliku ALA endage kumbunuk kumbuk mbanggwi, Nit Iterali mendek ninogoba ti, Ala aret o, yinuk, yogwe, Eekwi kwe, Inoone abet aret yogwe, iniki abe koonak logonet yogwe, eeka'lek we aret nendage kumbunuk yogwe, O kota abe alik leenak aret ti, nit ninaworak ninawi aret o, yogwe, Iterali inogoba Ala endage Omaawi Lombok Menggerak Aliku ALA yogwe nogo paga iniki panggonak wonogwe, Eeko menggaarak Yakup paga wiganak ti, An wone yorage yi, inaruk konenggo logowak o.

Yetaya 48:12

“It Yakup paga wiganak ti, An leenogo piyareegirak Iterali mendek ti, An wone yorage yi, inaruk konenggo logowak o. An ti, nalik an aret o. Aa'nduk togon wonagagirak peebi irip paga mondok logogin ti, an nalik aret o.

Yetaya 51:4

Napuri yi wae. Noone yokkirage liippugwi, Leenogo pinagareegirak kit an mendek yi wae. Noone yokkirage yi, konenggwi, Eeko logonip o. An nen aret eeko logorak wone lengganogo yokkirage, Eekaatak a'me nggelok eeke minggirak wone nogo eya kwak yi aakumi ndi aakumi inenggela'me mippege, Eerigin o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 55:6

Aliku ALA nen, “Ninom lambuniyak op aret o,” yinuk, awo mbake me, mbet-mbet kinom lambuni wogwe, At awo koorok wonage me, kinoone nggwok paga yogwi, Ee'nip o.

Yetaya 65:10

It an napuri mu'neren nugu logorak mbakwi nogo inake o Taron ti, Kambin-ndomba iri'ngga mbanogo nenet nugu logowam aret age, O Aaninggin Eeppiiga Kobappaga time tapi-lembu windak logowam aret age, Eerigin o.

Amot 5:6

Togop me, at Aliku ALA mugurok wogwe kiinok, kineenik aret logomunggup o. Ndi, lek kenok, kani nen yi mendek ndi mendek lek eerogo nengge menggi kwak, Kit kinanebunu Yutup paga wiganak mendek togop aret lek eerogo pinagage, O Mbeten kani nenet nage me, aakumi nen nogonogo puurak lek kwak, eerogo pinagage, Eerigin o.

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Oroma 10:3

Ala nen aakumi obeelom agago piige menggerak wone liippega'lek logonet, “Nit ninalik nen obeelom eekkolaawok,” mba'nuk, Ala obeelom agago piyoorak wone nogo, “Waawi o,” yinuk, wagangga'lek aret wonogogwaarak.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

Pilipi 3:13

At nen eeppaniyak nduk, mii'nabeegerak nogo ti, muk eeppaneegerak me nduk, yokkiragi ti lek o, noreewi. Ata, an aa'nduk eeke nagagirak nogo, nggonenogo nambokan mbo punuk, ngget mendek eeppaniyak koonogo pereegerak nogo, kola naakit nduk eeke logonet,

1 Timotiyut 6:11

Kat perak, Ala aput aret me, eekwi ti mendek mamunggolookwak, ogole nen mbagangge logot o. Obeelom kenok mban eekwi, Ala wone liippunuk eekwi, iniki abet mbakwi, aakumi iniki kunik aganakwi, aaninggin inoba age kagak, inogogumbuk logonet waganggwi, iniki yanggonak paga yorogwe, ti mendek eeriyak kenok mban mugurok nage logot o.

2 Timotiyut 2:22

Wologwe tawe iniki nengge nogo kokwak, kat togop eekkake kero, mbo punuk mbagangge logot o. Abe kenok mban eekwi inom, iniki abet mbakwi inom, aakumi iniki kunik aganakwi inom, iniki ambit lambunik wonogwe inom, it aakumi iniki abe paga, “Ninogoba Ala aret o,” yinuk, yogwe nogo, kinom a'nuk it eekwi ti mendek mban mugurok nage logot o.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.