Yetaya 50:5 - Ala Wone Peenok Peebi Mbanak

⁵ At Aliku Itok Menggerak ALA nen naruk liirogon konengge logokit nduk, eeppanegerak me, “An koneniyak neebi,” mbake, nena nomok ari, Eerulik o.

Yetaya 50:5 ပူးပေါင်းရင်းမြစ်များ

Yaya 14:31

It o nggween paga yime menggaarak nogo nen an nogoba niniki kunik minggirak ineenu aruwak nduk, an nogoba nen, Yogop ee'nu, ndogop ee'nu, yo'nege nogo ndak-ndak aret eeke minggirak o.” Yorage nagagerik, “O yime mbo punuk, mbet-mbet nawi o,” yinuk, yoragagerak.

Iberani 5:8

“Naput aret kwe, andi-pandi oba pemenggaarak paga an yoge nogo, E o, yinuk, yanggonak eeke logorak mamunggolaawak o,” yinuk, teppereegerak.

Pilipi 2:8

Nda'nage nagagerik, aakumi nit pogom aret nege logonet, eyo karo-karo paga kambuurak ti, meek aret kwe, Iniki tebeppatinuk, “Ti paga kambuurak op aret o,” yinuk, kambeegerak.

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yaya 8:29

At nappani wagagerak nogo nimbirak aret wonage o. At inikilom mbake nogo mban eeke minggirak me, nalik logokit nduk, at nen mbo panegeelik o,” yinuk, yoragagerak.

Yaya 15:10

Nogoba nen, Yogop ee'nu, ndogop ee'nu, yo'nereegerak nogo an eeke nagagirak paga iniki kunik ee'nabeegerak nogo kwak, an nen, Yogop ee'nu, ndogop ee'nu, yokkirage nogo eekwi kiinok, niniki kunik eekkinabigin me, ninom kunik aret logomunggup o.

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Yetaya 48:8

An yorage nogo inaruk konenggwi, liippugwi, eeka'lek aret agaarik o. O aa'nduk nen inaruk logu negen eeppunuk wonogwe iinok, Nda'nogogwaarak kuli nen nok yogondak kuli aakumi nen, Inogogun ambik o, yinuk, yorogwe iige, Ndi, an kunduk, wone yorage taganogo punuk, alik agan nugwi abet aret iige, Eeke minggirak kwe,

Nappiigak 26:19

Yorage nagagerik, ambinom yorage logonet, “Nogoba Agiripa o. Mbogut paga nen an nabinggaanggo paga yo'nege kagagirak nogo, an eeka'lek minggirak ti lek o.

Ndawi 80:18

Ninarum wonage keenok, nit kat mbo pagagun lek o. Nit aa'nduk wonogogu kwak eerogo pinanege keenok, Nit nen kat kendage kunogo yokkogo logogun o.

Pelaareegerak 18:17

at Aliku ALA nen an yo'nege logonet, It nen yagaarak ti, op aret me,