Yetaya 50:4 - Ala Wone Peenok Peebi Mbanak

⁴ Aakumi inomaawi lek agaarak wonogwe nogo iniki eyak wappiyoorak wone neenu arikit nduk, Aliku Itok Menggerak ALA nen, “Ndogop yu o,” yinuk, mamunnake menggerak o. Ko'lu-kii'me kubondendok paga neenik eerogo panege, Aap ambi mamunirage kenok, apuri inaruk liirogon konenggo mengga kwak, naruk liirogon konengge logokit nduk, eeppanege, Eeke menggerak.

Yetaya 50:4 ပူးပေါင်းရင်းမြစ်များ

Ayup 4:4

Yigeebu wanggwi iinok, koone paga nen iniki eyak wappiige, Inowak lek agaatak kenok, pigiren nage, Eeke menggendak kwe,

Ndawi 119:147

O kilim nagake kagak neenik a'nuk, “Yeenggwa niru o,” yinuk, noone nggwok paga yokkege, Koone yugu mban niniki lunik wonage,

Ndawi 143:8

Ata, an kat koba panggonak minggirak me, Aakumi inabuwa nen kiniki kunik mban eeginake nogo, Ko'lu kubondendok an togop ee'nabi wage keyane! Niniki kat paga lunik wonage me, An eerit noorak tu titik nege,

Ndawi 40:7

An nen ari logonet, “Ai, nogoba Ala. An eeriyak nombareegindak Mbuku pirik-perek paga liiru mbanak wonage nogo An neebe nen aret eerikit nduk agarik o. Kat nen wone lengganogo pereegindak nogo An ninikime wonage me, Abet aret eerikit nduk, wagi o,” Yinuk, yereegirak o.

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Ndawi 88:13

Togop ti kwe, Kaliku ALA wae. Yeenggwa nirenok nduk, noone nggwok paga yokkege, O kubondendok tamban paga karuk paga pege, Eeke minggirak kwe,

Kini Wuppiige 12:25

Aap iniki piirik logonet, aaninggin ndugu eerogo patit unggwage menggerak kwe, Aap alik ambi nen abuwa mba'nuk, wone ambiriluk ambi yoge paga ale'nggen eerogo pege menggerak.

Kini Wuppiige 15:23

Aap ambi wone onggo lik togon yorage nagaatik, iniki ale'nggen mbake menggerak me, Wone yuurak age kenok, ndak-ndak yoroorak ti mondok obeelom aret o.

Kini Wuppiige 25:11

Wone ambi mondok liirogon a'me aret yorogwe nogo ti, ye wanggo'me anggun enona nggelok togon mambogo mengga kwak aret o.

Yetaya 28:19

Kulinik-kalinik kup molok, liingge molok, oonikiya molok, eekkinabit unggwogo logonet, Kinooppunuk, wokkiren nagak eeko logogun o,” yinuk, yegerak o. Wone yokkirage yi, abu liippugwi kiinok, kinamineeri ne agan nage kaamunggup o.

Yetaya 28:9

It nen yogo logonet, “Yogop ee'nip, ndogop ee'nip. Yi togop eeriyak mage, ti togop eeriyak mage. Yi inom eeriyak, ndi inom eeriyak,” yo'nirage yi, Nit yi, taani me nduk, nit yo'nirage, “Ala nen yoge kagak yo'niranet nage yi, nit ta ninomba'nuk yo'nirage agaarik mbakop? Elege-aabologwe inelak awo mbo pugwi, inelak mbo pugu wonogwe, eekwi kwak, Ninomba'nuk yo'nirage yi kogo ogotik?” Yinuk, yogo agaarik o.

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yetaya 40:29

It aap inomaawi lek aago wonogwe nogo inomaawi eerogo piige, Ineebe ndeyak wonogwe iinok, inomaawi ambinom eeppiige, Eeke menggerak o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 8:16

Wone at Ala nen yo'negerak abok aret yokkirage yi, liirogon waganggwi, Kit an noone wagangga nen eeko logorak wone yugu yi, nggirik-nggerok porogo wonogwe, Eeko logonip o.

Yeremiya 1:9

Yo'nege nagagerik, Aliku ALA nen eenggi nappi wa'nuk nambe mbaanggage logonet, “An noone yoranet nage logonok nduk, kinikime pigi o.

Yeremiya 31:25

It ineebe ndeyak eerogo piige kenok, inomaawi eerogo piige, iniki lek age kenok, iniki kwippiige, eeke logogin o,” yinuk, yegerak o.

Yetikiyen 46:13

“Ko'lu-kii'me at nen ndomba aagaluk ndarak kagak tahun ambit eerak awinde-obaande eerak lek kero, Naliku ALA nake warogo kani kunuwak nduk pi wage, o kubondendok mban pi wage, eeke logowak o.

Matiyut 11:28

Kit wone yugu eerit nugwi paga kiniki aaninggin wonage, anggon-panggon eekkinake, eeke yi, an nen kiniki yanggongginabikit nduk, nowagam wa'nip o.

Matiyut 13:54

at ame wonagagim nogome wage nagagerik, it Yakuri tamban eeko menggam nogome logonet, wone mamunirage mbareegi, “Wi,” yinuk, pi wako logonet, “Wone ngga nen wagangge nagagerik, iniki warak negen ari, eerubok mendek eeke, eeke agaarik mbakop?

Matiyut 22:46

Yorage mbareegi, wone onggo abu nonggop yorubok age mbareegi, ne ti eyom paga nen peebi wone ambinom kin wakkoorak inagabiti ogogwaarak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Yaya 7:46

Yorogo mbareegwa, it aap nogo nen, “Aakumi togop ambi yogwe iigulik lombok at aap ti ari kogoorak me, iya!”

Pelaareegerak 18:17

at Aliku ALA nen an yo'nege logonet, It nen yagaarak ti, op aret me,

Pelaareegerak 18:18

kat nen an noone yorage menggendak kokwak, aap ambi it mendek inenggela'me nen aret an yoge neegak yorage logorak ambi leenogo mippege logominggirik, an noone, Yogop yoret o, yinuk, inikime pege neenok, yoriminggirak nogo abok aret mbininogo at owe-awot yorage logogin o.