Yetaya 50:2 - Ala Wone Peenok Peebi Mbanak

² An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 50:2 ပူးပေါင်းရင်းမြစ်များ

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

2 Mbinineegwaarak 32:15

Togop me, at Kitikiya nen inambokan lagangge, iniki nomoninake, eeke kero, wone yorage ti, abet mbarugwaarik o. An inom, nogobamini inom, nineenggime ogwe niyo, yi aakumi ndi aakumi inagugi ilik, aap ambi abu'me piinok menggerak a, non mbambinaniyak meek me, it kunduk, an neenggime age neyo, inogoba Ala nen an non mbambaniyak meek aret o,” yinuk, wone eerogo nappiya wagagerak.

Ndawi 106:9

Niyo kole Laut Merah nogo mberege, Niyo nogo mogonogo nggween kin eeppege, Tu karume nogogwa kwak, Nggween ogu teberogon wolonogo punuk, Wogoren wunda wage,

Ndawi 107:33

Niyo wage nogo lek eeppunuk, karume eerogo pege, Niyo eneeri wundi wage nogo amburu lek nggween mbuk eerogo pege,

Wundeegwaarak 14:21

Togop eerak wonogwe iigak, at Muta nogo nen niyo nggwok Yenggenak laut nogo paga eenggi titik eeke mbareegi, at Aliku ALA nen o wiya oonegen lagi wage menggim pa'nggwe nen nappi wagagerak omaawi nabuninuk wage logonet, oonikiya ti paga niyo laut nogo oolo mogonogo nggween kin eeppunuk, woloonogo pereegerak.

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Wundeegwaarak 7:18

Amiya age kenok, ikan niyo inikime wonogwe nogo kambit namenggaarak paga niyo obari arigin me, it aakumi nen noorak abu meek aret kaagun, yegerak, yori nanu o,” yinuk, yoreegerak.

Wundeegwaarak 7:21

Telek ari nagagerik, ikan niyoome wonogwe nogo apit aret kambit nogo mbareegwa, niyo o Metit wonage nogo abok aret obari ambik ndi wureegerak paga aakumi Metit mendek niyo noorak mondok meek kogogwaarak.

Kini Wuppiige 1:24

An nen wiigiragarak kwe, Ninaruk koneniyak nineebi o, yinuk, yogwe, Yeenggwa kiraakit nduk, neenggi ndek yagarak kwe, kit nen an liippanulik, mbo panugwi,

Yetaya 11:15

At Aliku ALA nen o Metit paga niyo laut ogobak pi nagagim woloonogo pege, Niyo Eparat paga eenggi nappege kenok, o wiya kani kunik negen warit wage logonet, niyo nogo poronogo pege, Eeke kenok, Elaganggen 7 mogonogo pemenggerak paga alobok lek aremenggerak me, aap iniyogut yirik aret wunda wogo logogun o.

Yetaya 19:5

Niyo Nin wage nogo poro agan wangge, Nage menggim woloonogo pemenggerak me, kalek-ndinduk nage,

Yetaya 23:11

Naliku an ALA nen niyo nggwok yenggenak laut nogo paga neenggi nappege neenok, Yi aakumi ndi aakumi inabu'me piigo menggaarak inaganak warit nage, Wone lengganogo wumbege neenok, o Kanan yugum pak wurik nogo langgu-langgu wangge, Eekerak o.

Yetaya 36:20

It aakumi ti abok aret inanggween an ndinggolagagirak porogo wonage me, it inagugi ambi nen ndinggolagagerak ta o? Lek me, at Aliku ALA nen o Yerutalem an neenggime nen ndiniyak op mbakop? Meek aret o, yinuk, yegerak me, yokkiragi,” yinuk, yoragagerak.

Yetaya 41:28

Yendok-wandok nenegen yambonit nege logonet, Kit kinenggela'me ambi nen, Wone ti, yogop aret o, yinuk, yo'nugwi, Kin wokkiige neenok, kit ambi nen wone onggo yo'nugwi, Eeka'lek me,

Yetaya 42:15

An nen puut-puut tiyarogon inom, teberogon inom, nggween mbuk eerogo pege, Iri'ngga-kale'ngga wonage nogo teebat eerogo pege, Niyo nage abok aret owak eerogo pege logonet, nggween kin eerogo pege, Yilaa'nggun yenggenak nogo poronogo pege, Eerigin o.

Yetaya 43:16

Kit niyo laut nggaruppegak woraabagip nduk, tu koonogo pinagage, Niyo mondok omaawi nage kagak wunda woroorak tu koonogo pinagage,

Yetaya 44:27

Niyo poro agan wambu o, yinuk, niyo laut kiiniki yoge, Niyo nage kunduk, Porok yu o, yoge,

Yetaya 51:10

It aakumi kat wondet eerogo piyareegindak nogo wunda nawak nduk, niyo mogonogo pege, Niyo kole laut poronogo pege, Niyo laut alobok ambik nogo poronogo punuk, nggween woloonogo pege, Eereegindak Kat aret nogo lek a?

Yetaya 54:6

Kwe ogonggelo nen mbo punuk mbagangge kenok, at iniki puru aago wonage menggi kwak, Kolaga tawe awo lambunik kagak ogonggelo mbo pege menggi kwak, at togop aago wonage me, At ogoba Naliku ALA nen iyokan woraawak nduk, wiige neyaagin,” yegerak o.

Yetaya 59:1

Kit nen at Ala eenggi omaawi lek me, ninagap ndaka'lek wonage, Aruk logu me ninoone aruk konengga'lek wonage, Eeke mbako ogotik ya? Lek o!

Yetaya 59:16

Aliku ALA nen aap ambi a'me nggelok eeke kin kaga'lek wonage, At ambi nen it yeenggwaaroorak at kaga'lek wonage, Eekwi iige nagagerik, “Iya!” mbareegerak. “Iya,” mbake nagagerik, at lombok eenggi omaawi paga inagap ndake, A'me nggelok eeppiige logonet, yeenggwaarage, Eerikit nduk, eereegerak.

Yetaya 63:13

Niyo alobok ambik kagak wogoren wunda wage, Eereegerak nogo eebe ngge o? O karume kuda iniyogobit lik yaga'lek ugun mbe agan nugu mengga kwak, it togop aret wogo logowak nduk eeppiige,

Yetaya 64:6

Nit abok aret aap ambi pekkoorak lalam ee'ninake menggi kwak wonogwe, Nit obeelom eeko monggoorak mbakwi nogo ti, kumi tut kogwe paga inayum mili agaatak kwak wonogwe, Iri'ngga teebat agaatak kwak wonogwe, Eerak aret ogoorik o. O wiya nen eyoongga wonok nggarek ari menggi kwak, ninomaluk nen wo'niren nage menggerak o.

Yetaya 65:12

An nen wiirage neegak kwe, it nen onggo ambi yo'nugwi, Noone yorage neegak kwe, inaruk konenggwi, Eeka'lek logonet, An nenggaanom paga maluk mban eerit nugwi, An neebi mbake minggirak nogo aret inikilom mba'nuk eerit nugwi, Eeko nogogwaarak nogo paga Wooluwak nen ineebe nawak nduk koonogo pigin me, Inuut yinduk-wanduk aago iigak, inoorugun o,” yinuk, yegerak me, yokkiragi o.

Yetaya 66:4

An kunduk it eekwi onggo mondok alik negen eeppiyoorak koonogo pege, Inamineeri ne agan noorak mendek inoba kwippege, Eerigin o. An nen wiirage neenok, inoone onggo ambi yo'nugwi, An nen wone yorage neegak, inaruk konenggwi, Eeka'lek logonet, An nenggaanom paga maluk mban eekwi, An eeriyak neebi mbake nogo aret miippunuk mugurok nogwe, Eereegwaarak kenok yagi o,” yinuk, yegerak.

Yeremiya 14:9

It aakumi iniki kobak a'nuk wonogwe, It aap wim wakaa'ngget kwe, inagap ndaganaburak meek age, Eeko mengga kwak, Kat nonggop nduk togop aret wonage agandik? Kaliku ALA wae. Kat ninenggela'me wonage, Ndi, nit nen kat kendage wiganinuk nogwe, Eeko monggoorak me, Mbo pinaniyak ti mage obak!

Yeremiya 35:14

At Erekap aput Yonarap nen, Anggur amburu noorak mage o, yinuk, apuri wone lengganogo yoragagerak nogo, liirogon porogo logonet, inombo nen wone lengganogo yoragagerak mugurok, o yogondak kuli anggur amburu nengga'lek aret menggaarak kwe, it perak, an nen kulinik-kalinik yoragak mban eeke minggirak kwe, noone konembunuk eeka'lek aret agaarik o.

Yeremiya 35:15

Kulinik-kalinik an yorage neegak yoraga nayeloman mini nogo, nappiya wagak eeke neenok, At Ala wonage kagak kinagugiwak ayuk wuppunuk mugurok noorak mage o. Kit maluk eerit nugwi nogo mbo punuk, kiniyokan wogwe, kinobaabut alik ngget mendek eekkologwe, eekwi kiinok, Aliku ALA nen kit inom, kinombomini inom, nggween wokkiragagim nogome aret logomunggup o, yinuk, yoragak mban eeko nogogwaarak kwe, it nen an noone liippugwi, inaruk konenggwi, eeka'lek aret agaarik o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Yeremiya 7:13

It maluk eekak mban eekwi iinok, Naliku ALA nen, Kinomaluk mbo pinip o, yoragak mban eekitak kwe, inaruk konenggwi, wiiragatak kwe, onggo yo'nugwi, eeka'lek iinok,

Yeremiya 7:27

At Aliku ALA nen an yo'nege logonet, “Wone yokkege yi abok aret, yorage keenok, it nen konenggwi, ndi, Wone yokkirage yi, koneninip o, yoramenggendak kwe, inoone onggo ambi yokkugwi, eerugun lek me,

Yeremiya 8:6

It aakumi yi, yogwe nogo naruk liirogon konengge nagagirak kwe, abe koonak yogwe ambi naruk konengge, An maluk nonggop eeki? mba'nuk, Mbo pi o, yogwe ambi konengge, Eeka'lek aret agarik o. It aap wim namburiyak kuda paga kwi'ndak mbe agan nogo mengga kwak, It yungguninuk waga'lek eeriyak mbakwi nogo mban mugurok nogo menggaarak.

Ndaniyen 3:15

Yogondak oone pu eeka trompet nogo oone pu ari kagak, nggawiiwak oone inom, nggitat nggwok oone inom, nggitat mbuuluk oone inom, lobale oone inom, ti mendek oone abok aret ari kinaruk konenggwi kenok, ogut eerak abu'me tebe yinuk, ayuk wukwi kiinok ti, abu op aret o. Ndi, abu'me tebe yinuk, ayuk wuka'lek kiinok perak, ne ti paga aret kineebe waganogo kani omoonuk wunuk ari me mbo mambinagagin o. Mambinagage neenok, kugi ngge nen kinagap ndarigin? Lek aret o!”

Ndaniyen 3:29

It aap Tarerak, Metak, Abe'nego inogoba Ala nen it inagap ndakerak kwak kugi nen ambi togop eeriyak meek me, aap ambiriluk ambi kit yi aakumi ndi aakumi kinenggela'me nen, kinanebunu lombok kinenggela'me nen, kinoone alitak yogo monggotak kinenggela'me nen, it inogoba Ala ti, meek eerogo pugwi iinok, ineebe mondok nibik-nobak eerogo piigwi, inawi wurik minogo nappugwi, eeriyak o, yinuk, an Nebukanetat nogo nen aret wone yi lengganogo wumbigi o,” yinuk, yoragagerak.

Ndaniyen 6:20

Nage nagagerik, mbuun ambe paga koorok taati panggo yi nanuk, “Nonggop aga?” yinuk, iniki piirik logonet, oone nggwok paga, “At eenik menggerak Ala ayeloman kat Ndaniyen wae. Kat ko'lu-kii'me alut eekak mban eeke menggendak kogoba Ala nen singa inambeme nen kagap ndakerak ilik?”

Oteya 11:2

Wiiragak eeke neegak kwe, nomo agan mbaganit nogo logonet, kugi Mba'an nogo inake warogo wogorogwe, Inagugi ogut eerak nogo inake obari abe kaga kani kunggwi, Eeko nogogwaarak o.

Oteya 11:7

It an napuri nen an abu mbo paniyak kooneegwaarak me, An Tiyanak Lombok Minggirak nendage kumbunuk, Yeenggwa niret o, yinuk, yo'nirimenggaarak kwe, Noone onggo ambi yoraga'lek puk aret arigin o.

Nakum 1:4

At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri'ngga ambiki warak nogo teebat neyo-neyo nage,

Abakuk 3:8

Kaliku ALA wae. Kat kaguda paga kwi'na'nuk nage, Kanggweendo paga nen wim eeke logonet, keegin tiyak yuwak nduk kwi'na'nuk nage, Eeke logonet, Yi niyo ndi niyo nage nogo kanini inombake logonet, eereegindak ilik? Niyo mbuulogwe-mbaalogwe nage nogo paga kanini oba puurak mbake logonet, eereegindak a? Ilik, niyo nggwok yenggenak laut paga kanini oba puurak mbake logonet, eereegindak kwa? Yu o!

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Marakut 4:39

Yogo mbareegwa, eenik a'nuk wiya nogo mberege nagagerik, niyo nogo, “Kabolok lek puk aru o,” yoge mbareegi, o wiya nogo abolok lek age, niyo nogo puk age, eereegerak.

Yaya 1:11

At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Yaya 3:19

Ala nen inowak loonogo maluk onggo inoba piyoorak alom nogo yi aret. At eya eeginake menggerak nogo o nggween paga yime muk wambi wagagerak kwe, it aakumi ti, maluk mban eeko menggaarak me, At eya nogo ti, nineebi o, mba'nuk, o apit mban inikilom mbako menggaarak.

Yotuwa 3:16

niyo wage nogo moguk togon ee'nuk, o Taratan yaga'lelo o nda Aram taati yenggenogo pit lagangge, ndi, niyo ambut mayu ogup yenggenak laut Araba paga kuni nage nogo ti, nage menggi kwak aret nage, eeke kagak, oolo taati ne ambit liingge aret niyo nogo porok yereegerak.