Yetaya 50:1 - Ala Wone Peenok Peebi Mbanak

¹ At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yetaya 50:1 ပူးပေါင်းရင်းမြစ်များ

1 Endagembogut 21:25

Ti yoreegerak nogo ti, Akap akwe Iteben nen ogonggelo maluk eeruwak nduk, inikime manake kagak, Akap nen, “Maluk ayeloman arikit o,” yinuk, miike nagagerik, Aliku ALA enegen kagak maluk mban eerit nage nagagerak kokwak, aap togop ambi lek aret o.

2 Endagembogut 17:17

Ti eeko logonet, it inapuri wologwe-komologwe inagugi inake kani kumbiigwi, tili pagangga ogwe, magagirak iyagalo ogwe, ndi, Aliku ALA enegen kagak, “Maluk ayeloman arikit,” mba'nuk, maluk mban eekwi, eerit nogo nogogwaarak paga at Aliku ALA anini mbareegerak.

2 Endagembogut 4:1

It aap Ala nen yorage kagak yoraga inakuwi kwe ambi nen at Elita owagam nage nagagerik, oone nggwok paga yoge logonet, “An kayeloman nogonggelo muk kambeegerak nogo ti, Aliku ALA agabiti mbake nagagerak keenu aret kwe, at nogonggelo anomat mbanak nogo nen woraanuk, naagalogwe mbere wogoren ayeloman eeppiya noorak ari o.”

Nekemiya 5:5

“Kit ninoreewi ninamiya mogonik aret wonogwe, ndi, nit ninapurilogwe ti, kit kinapurilogwe ndak-ndak aret wonogwe, eeko monggoorak kwe, ninawu lek kenok, ninapuri wologwe-komologwe aakumi inayeloman logowak nduk, inonggo mbanggologwe, ndi, ninapuri komologwe ando nogo ti, muk aap alik inayeloman ogogwaarak me, ninanggween inom, nineyabu anggur yarak inom, ti muk aakumi alik unde eeppiigoorak me, nineenggi awiirak aret ogoorik o,” yinuk, yogwe, eekwi nogo koneneegirak o.

Ndawi 44:12

Nit kapuri we onggo lek aakumi inambik wogorage, Eekendak me, Kat ambi nabenggolagambok oolo terak puk aret agan o.

Wundeegwaarak 21:7

Ndi, aap ambi nen aap alik ambi yoge logonet, Napuluk kolaga yi, kayeloman logowak nduk, kunggolet o, yoge kenok, aap nogo nen kunggolage logomenggerik, ti'nuk, Nimbirak logorak, eebi mbake kenok, it aakumi inayeloman aap kenok wondet aago nugu logowak nduk teppiigwi ti kokwak eeriyak lek o. Ata, awo miirogo kunggolage logonet, Ndogop eeko logowok o, yinuk, kunggolegerak nogo ndak-ndak eerulik me, aap inambik kunggolaawak nduk, wogoriyak mage o. Ata, at ogoba ndareegerak unde nen aap nogo amendek awi yakkage kenok, kolaga nogo ogoba imbirak aret logowak o.

Yetaya 1:28

“Ala wone eeriyak nineebi,” mbaka inom, maluk mban eeka inom, ambugwi aret pup eerogo piige, Aliku ALA mbo pugwi iinok, ineebe lek eerogo piige, Eerigin o.

Yetaya 27:8

Eeppiyoorak mbareegerak nogo liirogon eeppiige logonet, aap inambik wonogo menggam logowak nduk, nappiige, O wiya oonegen lagi wage menggim pa'nggwe time nen omaawi ambik warit wage kwak, Anini aagi nen it inanggween paga nen wumbiige, Eereegerak ti paga

Yetaya 43:27

It inombo aa'nduk mendek nen maluk eeke, Ti'nuk, noone wonok yoraga nen kunduk, Oone nineebi o, yinuk, yo'nugwi, Eereegwaarak me,

Yetaya 46:8

Kit aap an noone, Eeriyak nineebi, mbaka yi wae. Wone ti abekwi, liippakwi, liippatinuk kiniki koonggwi, eeko logonip o.

Yetaya 52:3

Aliku ALA nen yegerak nogo yi aret. “At Yerutalem ti, at onggo mbanak lek we aret aakumi ineenggime piyareegirak me, Onggo wogoraga'lek we aret waagin o,” yinuk, yegerak me, yokkigi o.

Yetaya 54:6

Kwe ogonggelo nen mbo punuk mbagangge kenok, at iniki puru aago wonage menggi kwak, Kolaga tawe awo lambunik kagak ogonggelo mbo pege menggi kwak, at togop aago wonage me, At ogoba Naliku ALA nen iyokan woraawak nduk, wiige neyaagin,” yegerak o.

Yetaya 54:7

“Ne ambiriluk mbo pereegirak kwe, abuwa nggwok lombok mbake kenok, waagin o.

Yetaya 58:1

At Aliku ALA nen ari logonet, “Eeppiyoorak wone yokkege yi, koone mbuuluk paga ari mage o. Ata, koone mondok nggwok paga ari, Oone nggwok eeka trompet oone eeke menggi kwak koone ari, Aliku ALA nen yokkirage nogo, Eeriyak nineebi, yogwe ti, nonggop nduk yogwe o? yinuk, an napuri yorage, Kit maluk ndogop aret eeko ogotik o, yinuk, it Yakup paga wiganak nogo yorage, Eeke logot o.

Yetaya 64:6

Nit abok aret aap ambi pekkoorak lalam ee'ninake menggi kwak wonogwe, Nit obeelom eeko monggoorak mbakwi nogo ti, kumi tut kogwe paga inayum mili agaatak kwak wonogwe, Iri'ngga teebat agaatak kwak wonogwe, Eerak aret ogoorik o. O wiya nen eyoongga wonok nggarek ari menggi kwak, ninomaluk nen wo'niren nage menggerak o.

Yeremiya 3:1

“Aap ambi akwe mbo pege kenok, kwe nogo aap alik ambi wa namenggerak imbirak logomenggerik, Iyokan aap aa'nduk wogo nogo ka wage kenok, At nen, Wokkabi o, yinuk, yoriyak op mbakop? Ti eeke kenok, o time maluk aago itok aret logogin nogo lek a? Kwe mbabilu nen aap ambik inom nogo yi'nage menggi kwak it an napuri togop aret wonogwe me, Yogondak iniyokan neya woroorak op mbakop? Meek o,” yinuk, Aliku ALA nen aret yegerak me, yokkiragi o.

Yeremiya 3:8

Ogonggelo mbo punuk ugun-ugun eerit nage kenok, Kwe yi mbo pigi o, yinuk, liiru mbanogo wogo'nuk nappogo mengga kwak, it ugun eerit nugwi Iterali nogo togop aret mbo piyareegirak o. Iterali ugun eerit nugwi inawuluk Yekura nogo nen enegen iyareegerak kwe, agabiti mbaka'lek wundi nanuk, togop aret ugun-ugun eerit nege kagagirak o.

Yeremiya 4:18

“It Yekura mendek eerogo piigwi abok aret ti, inalik nen inobaabut paga, eeko nogogwaarak paga, inoba pakaarak o. Eeko nogogwaarak onggo inoba piigwi ti aret me, iniki andi lombok eeginake, Iniki me mondok ndanuk yi unggwage, Eeke me, mondok iya o!” yinuk, Aliku ALA nen aret yegerak me, yokkiragi o.

Oteya 4:5

It nen o liingge paga, oonikiya paga, iniyogobit lik togon wanggwi, Ndi, aap an Ala nen yorage neegak yoraga nogo kunduk, inom iniyogobit lik togon wanggwi, Eekwi me, It inagalo Iterali ti, lek eerogo pigin o.

Ala Unde 25:39

Yoge nagagerik, wone ambi yoraawak nduk, yoge logonet, “Aap Iterali ambi aaninggin oba aremenggerak paga amendek lek eerogo patemenggerak me, An kinayeloman logokit nen kunnabu o, ari kenok, oreewi inayeloman eeppunuk logorak mage o.

Matiyut 18:25

awu lek me, wogoriyak meek aret age mbareegi, aap nggwok nogo nen awuri yorage logonet, Aap yi eebe inom, akwe-apuri inom, amindik-amendek inom, abok aret aakumi kunggolaawak nduk, wogorogo logomonggotik, onggo wu wokkiramenggaarak nogo, an nawu wogoreegirak obaane'me an aret wo'niri wa'nu o.

Pelaareegerak 32:30

Nonggop togon aap eebe ambit nen aakumi ambik ineebe seribu paga muguren nage, Ndi, aap ineebe mbere nen kwe, aakumi ambik ineebe sepuluh ribu paga muguren nogwe, Eeriyak, mbakop? Togop eeriyak meek aret kwe, Ninogoba Yugum Nu'lek Menggi Kwak Menggerak nogo nen ninonggo nggerengge, Aliku ALA nen ambo'me mbo pinangge, Eereegerak me, Togop aret eeppinanit nogo logogun o.