Yetaya 5:30 - Ala Wone Peenok Peebi Mbanak

³⁰ Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yetaya 5:30 ပူးပေါင်းရင်းမြစ်များ

Wone Alom Kibingga 12:2

Oonegen inom, o eya inom, tut inom, laaluguragan inom, awo yumaak aga'lek kagak, Mayu wage nagaatik, ndugwi nogo obaane'me ogom eerogo pi lagangga'lek kagak,

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 13:4

Aakumi ambik kuwak eeppunuk, noone-koone yogo mengga kwak o puut-puut paga noone-koone yogwe ti, inaruk o! Yi aakumi ndi aakumi kuwak eeppunuk, An yagibok kat yagibok, yogo mengga kwak aap aakumi inabu'me piinet nogo menggam nen ambime kuwak eeppunuk, An yagibok kat yagibok, yogwe ti, konenuwak o! An Nomaawi Lombok Minggirak Naliku ALA nen it aap wim eeka aago yamboninake agarik o.

Yetaya 17:12

It aakumi inanebunu lombok nen ya-kwa agan nugwi ti, iya o! Niyo laut tiyak-tebek eeke logonet, oone ne eerogo wunabit wage menggi kwak agan nugu agaarik o. Yi aakumi ndi aakumi inanini nen ya-mba agan nugwi ti, iya! Niyo taakut oone wo eerogo wuppi wage menggi kwak agan nugu agaarik o.

Yetaya 30:6

Ndiimbu-nggwiya, towe-pagi, o karu nggwok nenaarak o ame pa'nggwe wonogwe nogo eeppiyoorak abinggaanggo paga Ala nen yoreegerak yi aret. “Singa ngguunok-kooli inanini ambik inom, waalo nggitamuru inom, waalo age yombak aakumi inooka inom, Wonogo menggam tu ayilik warak lombok kagak inamendek keledai inamborowak paga kwippugwi, Inageerok onggo nggwok nogo unta inamborowak paga keele maarogo pugwi, Ee'nuk wonok It aakumi onggo lek ambi eeppiigwi, yeengwaarogwe, eeriyak inombakulik o Metit mendek ira nogo menggaarak me, An nen o Metit endage ti, Waalo Wi Yuundurak o, ari minggirak o,” yinuk, ari kagarak.

Yetaya 59:9

Ti eekwi paga nit wone yugu liirogon eekwi, Obeelom mban eerit nugwi, Eeka'lek niinok, Mbo pinaneegerak wonogo ogoorik o. “Nit o eya ee'ninabuwak lak, ao,” yinuk, mbakwi kwe, o apit paga wonogwe, “Eya pindanogo pinanuwak,” mbakwi kwe, tu o yumaak lombok paga nogwe, Eeko ogoorik o.

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 30:5

Inagabiti nen inoone nggwok yogwe, Iniki ugun tayenak lek inamineeri ne agan nage kagak inoone yogwe, Eekwi nogo naruk konengge agaarik o.

Yeremiya 50:42

Ineegin-inomaale inom, inarege-inawooluwak inom, li'luk ee'nuk wogwe, Aakumi inabuwa mbaka'lek inogogumbuk aret wogwe, Niyo yenggenak laut oonebu ari menggi kwak, inaguda paga kwi'na'nuk wogwe iniyogobit oone lo-lo agan wogwe, O Mbaben Aagalukwe kwak it Mbaben mendek ti, inooruwok nduk, ambo'me-ambo'me a'nuk wogwe, Eeko agaarik o.

Yeremiya 6:23

It ti, ineegin-inomaale inom, tege-wooluwak inom, mondok li'luk ee'nuk, wogwe, Inabuwa mbaka'lek inigen kubuk yinuk, mondok nappiigak-wappiigak eerogo inookwi, Niyo yenggenak kole laut oonebu ari menggi kwak, inaguda paga kwi'na'nuk, keekok agan wogwe, O Tiyon Aagalukwe ti, waruwok nduk, wim eeriyak oba teben-teben ee'nuk unggwogo mengga kwak, unggwogwe, Eeko agaarik o,” yinuk, yegerak me, kat o Tiyon Aagalukwe yokkigi o.

Leendawi 3:2

An o eya paga naakit nduk, wo'neren noolik, o apit aago me naakit nduk mbo panege,

Yetikiyen 26:3

at kota Tirut ti, iniki koongge nogo, an nen lek eerogo pigin o, yinuk, Naliku Nitok Minggirak an ALA nen aret yagi o. Niyo laut kilaarak-mogonik eeke menggi kwak, yi aakumi ndi aakumi nen at tebenogo pi wagak eeko logowak nduk, yoraagin o.

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Amot 5:18

Aliku ALA woroorak ne nogo, “Ari woraawak lak, ao,” yinuk, yogwe nogo, kinabuwa o! Ne ti eyom ti, o eya arigin lek o apit aret ariyak me, Aliku ALA woroorak ne nogo, “Ari woraawak lak, ao,” yinuk, nonggop nduk yogo ogotik?

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Wayu 6:12

Ti'nuk, Ndomba Aagaluk nogo nen keele 5 maarak piingge nagaarik, ambi maarak nogo piingge mbaki, o mi nggwok nuk ari, kibiyan kiik worako mengga kwak oonegen apit age, tut aakumi inamiya negen age,