Yetaya 5:14 - Ala Wone Peenok Peebi Mbanak

¹⁴ Ndi, kambunuk nogo menggam nen eenggi walok ari, Ambe nggwok pan aago wakkoorak meek logonet, “Yime yonggo'nari woraanip o,” ari, Eeke kenok, It aap inoweewi nagawan-nagawan wambi nogwe, Aakumi ugun it ndugwi pega inom, kumili-kumili agan nega inom, yonggo'nari wanggwi, Eerugun o.

Yetaya 5:14 ပူးပေါင်းရင်းမြစ်များ

Ndawi 49:14

It aap ti, ndomba kanggo mengga kwak, Kambunuk nogo menggam noorak koonak wonage, Kambunuk nogo menggam nen ndomba ndegeninaka kwak, Wogoren nok nggween taambiyawam piya nage, Eerigin kwe, O kubondendok age kenok perak, Aap iniki koonak nogo nen Wone lengganogo yorogo logogun o. Inawi abe kigirikwe wurogo pemenggaarak nogo O nda wonage kagak inagabolo nogo ti, Nggween taambiyawam time aret pili arigin o.

Ndawi 55:15

Togop me, an nawim nogo Inikime maluk eeriyak mban koonggwi, It menggam kunduk maluk mban eerit nugwi, Eeko menggaarak me, Abera'lek kagak kanggwi, Kambunuk nogo menggam ineenik ngge-ngge wambi nogwe, Eeruwak o.

Kini Wuppiige 1:12

Kambunuk nogo menggam nen aap yonggorinake menggi kwak, ineebe ineenik ngge-ngge ninambe me yonggorinakwi, Kanggaatak mbuun ambena wanggo mengga kwak, ineebe inaani aret yonggorinakwi,

Kini Wuppiige 27:20

Kambunuk nogo menggam inom, ineebe lek ogo menggam inom, unggwi nagaatak kwe, “Yi kuli o,” yaga'lek ambe pan aago menggi kwak, Aap inigen pekkoorak, “Ao,” mbakwi nogo ti, kuli pega'lek pekket-pekket mban aganake menggerak.

Kini Wuppiige 30:16

Kambunuk nogo menggam nen, “Abu aret waga,” mbake, Kwe wubili nen, “Abu aret ndaki o,” ari, Nggween nen, “Abu miin eerogo panegi o,” ari, Ndi, kani nen, “Abu aret nenggi o,” ari, Eekulik Uugwe mban mbako menggaarak ti aret.

Yetaya 14:11

Aa'nduk nen kayuk warak abu obeelom mban wonage keenok, kale'nggen kaanok nduk, nggitat eeko nogogwaarak kwe, Yogondak perak, aakumi kambunuk nogo menggam wuppagagerak me, Kabu'na kageyo ndoonak kwak anggolenggen ninggikkakwi, Keebe paga kanogoyum kwak yi puron ndi puron lengganak wonogwe, Eeko agaarik o.

Yetaya 14:9

Kambunuk nogo menggam nogo nen kat wokkabi wage logonet, iniki ale'nggen mbake, At nen it aakumi nggween paga wone lengganogo yorogo nogogwaarak maan kambeegwaarak nogo Wokkabuwak nduk inogoma ineenik eeppiinet nage, Yi aakumi ndi aakumi inoweewi inendagembogut kambeegwaarak wone lengganogo yorogo nogogwam kwi'ndak wonogwe nogo, Mi'nanip o, yinuk, yorage, Eeke kenok,

Yetaya 21:4

“Iya!” yinuk, niniki lek-lek ee'nake, nagabiti nen naganak wake, Eeke kenok, Nogo yikit nduk, o mbet-mbet kiip aruwak lak, ao, mbake minggirak nogo, Yogondak o kiip ari wage paga nagabiti nen namineeri ne agan nage agaarik o.

Yetaya 24:8

Iniki ale'nggen nen lobale eekwi nogo lek age, Aakumi inale'nggen nen kuwak eerit nugwi nogo inoone nggobo agan wangge, Ndi, iniki ale'nggen logonet, nggitat eekwi nogo oone lek age, Eeke kagarak o.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetikiyen 7:12

Ti eeppiyoorak eyom ari wage, eeginaburak ne abu koonak nogo panggo ari, eeke agaarik o. Maluk onggo Naliku ALA nanini aakumi abok aret inoba kwippiyaakit nduk eeke me, it aakumi inoona kunggologwe nogo iniki ale'nggen mbakwi, ndi, aakumi kunggolaawak nduk, inamendek porogo wonogwe nen iniki wakkologwe, eerugwaarik o.

Ndaniyen 5:30

Ne oonikiya ti eyom aret aap Meriya mendek endage Ndariyut nogo, ndarak tahun 62 ari nagagerak kagak at Mbelitiyatat abu'me piige menggim tebenggola unggwage logonet, aakumi o Mbaben inowe endagembogut Mbelitiyatat nogo warogo pereegwaarak.

Nakum 1:10

Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.

Abakuk 2:5

“Aap eenggi warak eekko'net nage ti paga ambokan laganggolage, Aap iniki wogoppatit nega nogo, iniki teberogon wonaga'lek yi paga ndi paga mban koonit nege, Eeke menggerak o. Kambunuk nogo menggam nen, Abu aret waga o, mbaka'lek, Ambinom woraayok, mbake menggi kwak, At aap ti nen, Abu aret tebenggolagi, mbaka'lek ambinom tebenggolaakit, mban mbarit nege, Kanggo menggam nen, Abu ndonggoppanigi, mbaka'lek ambe a aago mban menggi kwak, at togop aret mbarit nege, Eeke logonet, Yi aakumi ndi aakumi at wonage me mban kuwak eerogo piya wage, Aakumi inanebunu lombok keele maageren abu'me piya wage, Eeke menggerak.

Matiyut 7:13

Yorage nagagerik, “It aakumi kobak ari nogo menggam unggwi noorak tunggambe nggwok mbanak, ndi, tu nogo menggam kunduk mbelak aago yarak kenok, aakumi ambik tu ti paga nogo menggaarak kwe, kit perak, tunggambe mbuuluk mbanak nogo paga unggwi nogo logonip o.

Lukat 17:27

It aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi iigak, aap Nu yiiro wurik me unggwage mbareegi, yi yenggenit lagangge logonet, it ineebe abok aret niyo ndonggoninabeegerak nogo o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.