Yetaya 5:11 - Ala Wone Peenok Peebi Mbanak

¹¹ Togop me, it o kuubondendok ineenik a'nuk amburu kumili aganaka nawok nduk, kwaarit nogo nagaatik, Kwaappunuk, nunggwi tit iigak, oonikiya ari nage paga kumili aganake nogo inabuwa o!

Yetaya 5:11 ပူးပေါင်းရင်းမြစ်များ

2 Tamuwen 19:35

An nda'nagagirak neegak, tahun 80 aret agaarak me, an nen, Yi obeelom, yi maluk, yinuk, liippege, an kayeloman nen mbi inom, niyo inom, nengge logonet, Yi ombat abe kagi, yi ombat maluk kagi, yinuk, liippege, ndi, ndawi yi, aap nen wakwi iigi, yi kumi nen wakwi iigi, yinuk, liippiige, eeriyak nobam lek aret agaarak me, kat nowe kendagembogut nimbirak nage kenok, aaninggin abunuk koba ariyak me, an kayeloman nonggop yo'negen o?

Kini Wuppiige 20:1

Anggur amburu nunggwi paga aakumi miyuk-meya eerogo piyoorak aganake, Ndi, amburu kumili aganaka nenggaatak paga ndugwi puurak eeginake, Eeke menggerak me, Aap ambi nengge nagaatik, tu alik nomo agan nage kenok, iniki lek aret mbako menggaarak.

Kini Wuppiige 23:32

Nengge kenok, waalo eyak inooke menggi kwak kooke, Waalo aakumi inooka eyak inooketak andi kogo mengga kwak eekkake, Eerak logonet,

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 24:9

Ndawi wako logonet, niyo anggur amburu nunggwi nogo ambinom nengga'lek wonogwe, Niyo omaawi mendek nunggwi nogo ale ambik kogwe, Eekwi iigirak o.

Yetaya 28:1

It Eparayim mendek nen amburu nenok kumili kumbunuk, Iri'ngga anggen laambu mendaarogo inenggaanok me yirik kwak inale'nggen mbakwi nogo, Yirik kenok, iya mbakugak anggen teebat age nogo, O kobappaga agi nggween mili paga wurik nogo, It amburu nenok kumili aganaka nen tiyappugwi inagota nogo, Inabuwa o!

Yetaya 28:3

It aap Eparayim mendek nen amburu nenok kumili kumbunuk iri'ngga anggen laambu mendaarak yirik nogo Yabok togon eerogo iyok yigirogo pege,

Yetaya 5:22

It aap anggur amburu nengga iyagalo inom, Amburu kumili aganaka nenggelak-kenggelak eeka unde inom,

Yetaya 56:12

“Anggur amburu noorak wa nagin me, mok o! Yogondak nunggwi kwak lek, ko'lu abu alik negen ndonggok togon nunggo logogun me, Amburu omaawi mendek yi, yogondak kunduk ndonggorogon nunggo logowok o,” yinuk, yogo menggaarak.

Abakuk 2:15

It at enaagan-ambokan wonogwe nogo, Inagabolo kin iyaakit o, yinuk, Niyo kumili aganaka mendek toologo wogoramenggerak nenok, kumili aganake me, aap wogoraga ti, abuwa o.

Abakuk 2:5

“Aap eenggi warak eekko'net nage ti paga ambokan laganggolage, Aap iniki wogoppatit nega nogo, iniki teberogon wonaga'lek yi paga ndi paga mban koonit nege, Eeke menggerak o. Kambunuk nogo menggam nen, Abu aret waga o, mbaka'lek, Ambinom woraayok, mbake menggi kwak, At aap ti nen, Abu aret tebenggolagi, mbaka'lek ambinom tebenggolaakit, mban mbarit nege, Kanggo menggam nen, Abu ndonggoppanigi, mbaka'lek ambe a aago mban menggi kwak, at togop aret mbarit nege, Eeke logonet, Yi aakumi ndi aakumi at wonage me mban kuwak eerogo piya wage, Aakumi inanebunu lombok keele maageren abu'me piya wage, Eeke menggerak.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

1 Tamuwen 25:36

Yoge mbareegi, kwe Abigayin nogo iyokan ame nage nagagerik, at Naban nogo aap endagembogut logonet, laago nggwok lako mengga kwak lappunuk, anggur amburu toolak nenok, kumili kuneegerak wiganinuk nege me, kwe nogo ka nage nagagerik, wone ambiriluk ambi at Naban yoga'lek kagak o aret weereegerak.