Yetaya 5:10 - Ala Wone Peenok Peebi Mbanak

¹⁰ Ineyabu anggur awi yariyak ti, Aap ineebe 10 inawuri inom ne ambit yabu yagat worok togon waganggwi iinok, Yaremenggaarak anggen mbambunuk, aambiranogo togolowak ambiriluk aret tookkologwe, Gandum awi togolowak kole nderom me yonggolak yumbunit namenggaarak nogo Anggen mbanogo togolowak mbuura'luk yeeriken me yonggokkologwe, Eerugun,” yegerak o.

Yetaya 5:10 ပူးပေါင်းရင်းမြစ်များ

Wundeegwaarak 37:22

Eno'mbak paga ambit-mbit negen obogum kunogo pereegwam nogome mbuti emas ti mendek paga mban etenggen ambit mban aruwak nduk, aan libik-lebek eerogo pereegwaarak.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yeremiya 48:33

O Mowap ineyabu me inom, anggen yege menggerak yako menggam inom, nogome eerit nogo logonet, Inale'nggen mbakwi, keekok yogwe, eekwi nogo, lek aret age, Anggen mbanak aambiranggwi iigak amburu wangge nogo, amburu lek eerogo pigirak me, It aap keekok yogo logonet, aambirangga nogo lek age, Eekerak o. Inoone nggwok yogwe ti, konenggwi kwe, inale'nggen paga yogwe lek o.

Yowen 1:17

Nggween inikime woloonak lombok me, anggen awi yarak nogo mbuk arit unggwage, Anggen mbanogo kuwak eerogo pogo menggam we aret wonage, Gandum anggen yega'lek mbuk arit unggwegerak me, pogo menggam mi-mi wanggerak wonage, Eerak aret agaarik o.

Ala Unde 26:26

Ndi, inambi an nen wogorage nogo lek eerogo pege neenok, kumi 10 nen inambi togolowak ambit paga lappunuk, aaninggin wakkagak wogorogwe iinok, namenggaarak kwe, abu nen wo'no lu yogwe mban aret logogun o.

Ala Unde 27:16

Ndi, aap ambi nen anggween ogoba eyate wogoreegerak ando, Aliku ALA wogorikit o, mbake kenok, anggen awi kunggo logonet, dua ratus dua puluh liter ti, mbuti wu perak 50 pogo menggaarak me, Anggween ti paga anggen awi mande liter paga yariyak o, yinuk, lingginogo punuk, lingginik nogo ndak-ndak aret onggo koonogo pogo logowak o.

Agayi 1:6

It awi ambik aret yakwi kwe, anggen mbuuluk mban mbanggologwe, inambi ndonggorogon nunggwi kwe, inaanoma'le aga'lek wonogwe, inaniyo ambik nunggwi kwe, ndonggoppiiga'lek abu mban wonogwe, inayum yikkologwe kwe, ineebe aganggen aga'lek togwi mban inagabolo paga ninggirik wonogwe, yabu eekwi onggo kolagaatak kwe, ngga wangge negen age kogwe, eeko agaarik, yegerak o.

Agayi 2:16

Aa'nduk it aap nen gandum anggen 20 kuli wakkagak yonggoliyak mbakwi kwe, mbuuluk me, 10 mban wakkagak yonggonggologwe, ndi, anggur amburu 50 kuli wakkagak tooliyak mbakwi kwe, mbuuluk me, 20 mban wakkagak tookkologwe, eeko nogogwaarak nogo o.

Pelaareegerak 28:38

Kineyabume yi awi ndi awi ambik yarit namonggotak kwe, wurin nen apit aret nenet namenggerak me, we mbuuluk mban mbanggologwe,

Pelaareegerak 28:39

eyo anggur awi ambik lombok yappunuk, wola yumonggotak kwe, nggoon nen nagin me, anggen mbanogo nunggwi ilik, amburu toologo nunggwi a, eeka'lek aret wonogwe,