Yetaya 48:6 - Ala Wone Peenok Peebi Mbanak

⁶ Eeriyak yorage nagagirak koneneegwaarak nogo muk eerit wagagerak liippogo logowak o. Liippunuk, Ala yereegerak ndak-ndak arit wage abet aret o, yinuk, yaga'lek nonggop nduk wonogo agaarik? O yogondak kuli nen an yorage nogo ti, peebi eeriyak wone alik ngget mendek yorage, It ineenu aga'lek tabarak wone nogo yorage, Eeke logogin o.

Yetaya 48:6 ပူးပေါင်းရင်းမြစ်များ

Ndawi 107:43

Aap ambi iniki warak wonage kenok, wone yi abok aret liippege, Aliku ALA aakumi inabuwa nen Iniki kunik lombok aganake menggerak nogo, Liirogon porogo wonage, Eeke logowak o.

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Yetaya 21:10

Togop me, gandum anggen mbanak nggorak wako mengga kwak eerogo pinagareegwaarak kit an napuri yi wae. At Omaawi Lombok Menggerak Iterali inogoba Aliku Ala nen yo'negerak konenggirak nogo ti aret yokkiragi o.

Yetaya 42:20

Yi eekak ndi eekak arit wage ambik aret inigen kogo menggaarak kwe, liippega'lek wonogwe, Yi wone ndi wone inaruk ambik konenit wogo menggaarak kwe, inaruk logu negen eeppunuk wonogwe, Eeko agaarik o,” yinuk, yegerak me, yokkiragi o.

Yetaya 42:8

An ti, Naliku ALA aret! An nendage ti aret o. Nendage abu tiyanak minggirak nogo, at alik ambi endage tiyak yuwak nduk, eeppege, Ndi, eeke minggirak paga, Wi, nugwi nogo, it aakumi nen inagugi ogut aago, Wi, irogo logowak nduk, eeppiige, Eerigin lek o.

Yetaya 42:9

Yogop eeke kaamunggup o, yinuk, aa'nduk yereegirak nogo muk kin agaarak me, Yogondak wone ngget alik mendek eeppiyoorak yokkege, Eeriyak awo kin aga'lek kagak kat yokkege, Eeke agarik o,” yinuk, yoge kagarak o.

Yetaya 43:19

Ata, an ngget mendek eeke yi, liippogo logowak o. An ngget mendek eeke o yogondak kin age yi, yelok kaga'lek agaarik ya? An nen tu o karume yarogo pit wage, Aakumi lek me karume niyo nage logowak nduk, koonogo pege, Eeke agarik o.

Yetaya 48:7

Aa'nduk yorage nagagirak nogo mendek lek o. Yogondak wone alik mendek koonogo punuk yorage nogo it awo inaruk konengga'lek wonogwe me, Nit muk nineenu aret o, yinuk, yuurak meek o.

Yeremiya 2:31

Kit yi, nano mendek ndarak o? Aliku ALA nen wone yokkirage yi, liippogo logonip o. “An nen o karume menggi kwak a'nuk yorage, O yumaak lombok menggi kwak a'nuk, eeppiige, Eereegirak mbakop? It an napuri nen, Nit wondet aago ugun nugwi me, kat wonage me ambinom keya woroorak nineebi o, Yinuk, nonggop nduk yogo agaarik?

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Yeremiya 50:2

“Aakumi inanebunu lombok inenggela'me yorage, Inaruk liirogon konenuwak nduk wone yoranet nage, Ineenu agak ndiimbu walok eeke logonet, koone nggwok paga yoranet nage, Eeke logonet, Wone ambi kumaarogo puurak lek abok yoroorak nogo yi aret. O Mbaben nogo muk tebenggola unggwogwe, Agugi Mben nogo abu enggali age, Agugi Merorak nogo iniki ma'nage, Inagugi ogut aago nogo inenggali age, Inagugiwak abu yigirik-noonom age, Eerigin o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Mika 6:9

It aap iniki warak lombok wonogwe nen Aliku ALA endage konenggwi iinok, inagabiti mbako menggaarak me, Aliku ALA nen o kota yoge nogo kinaruk konenggo logonip o. Aliku ALA nen kota nogo yoge logonet, “Kat maluk onggo eeppagarak nduk, At mbim mbanak eenggime porogo wonage nogo, Nappi wagarak wage me, kiniki liippege logot o.

Matiyut 10:27

An nen oonikiya negen kote kumaarogo yokkirage nogo ti, kit nggwok paga o eya paga yorogwe, ndi, yagakop wone paga yogwe konenggwi nogo ti, o kirin paga laganuk, kuum-keek paga paganogo yorogwe, eeko logonu o.

Yaya 15:15

Ogoba eeke nogo ayeloman mini ineenggo'lek menggaarak kwe, an yi wone ndi wone abok nogoba nen yo'nereegerak nogo yokkiragarak me, yogondak yi kuli paga nen, Nayeloman mini o, yinuk, yokkiraagin lek o. Ata, Noreewi aret o, yinuk, yokkirage logogin o.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

1 Korindut 2:9

At ambi nen ari logonet, “Inigen abe nen kogwe, oone ari inaruk konenggwi, Inikime nen, Yogop eeriyak, abe lombok koonggwi, eekulik nogo mendek aret o. At Ala nen it aap at inom iniki kunik mbako menggaarak nogo, inake pipuk-papuk agago piyareegerak wonage agaarik o,” yinuk, yereegerak liiru mbanak nogo ndak-ndak

Wayu 1:19

Togop me, eerit wage kenegen kagandak inom, yogondak eeke kenegen kage inom, ndi, peebi eeriyak kenegen kaamunggun inom, abok aret liiru mbanogo pege logot o.

Wayu 4:1

Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,