Yetaya 48:3 - Ala Wone Peenok Peebi Mbanak

³ O maan aa'nduk togon wone arit wagagerak nogo, eeka'lek kagak, Ndogop eerigin o, yinuk, yorage, Eeka'lek kagak yorage, ineenu eeppiinet nage, Eeke nagagirik, Ti'nuk, yini-panip eereegirak paga wone ti abok aret kin agagerak.

Yetaya 48:3 ပူးပေါင်းရင်းမြစ်များ

Yetaya 29:5

It aap kinom wim mbanak abok aret wun kwak ogwe, It aap wim eeka inogogun mbuk ineebe ambik aago wogwe ti, O wiya nen iri'ngga ameneno wonok nggarek ari menggi kwak ogwe, Eerugun o. O ngguurubu oone ari, mi ndipuk ari, oone nggwok ari, O wiya warit wage, wiya nombok-kombok eeke, kani pup eerogo nenet naga nogo wunuk agan wage, Eeke kagak, At Omaawi Lombok Menggerak Aliku ALA aberak lek me ndamban yi woraagin o.

Yetaya 30:13

Yugum pak wurik tiyarogon langguk togon wambikit nduk, irip to eerogo pege nagaatik, Aberak lek me langgu-langgu wangge menggi kwak aret age kaagun o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Yetaya 37:7

An ari yi, liirogon konengge logowak o. Aap Atiyut mendek endagembogut ti, wone ambi konembunuk, ame nawak nduk, inikime mambege neenok, yoremenggerak agabiti nen iyokan ame lombok nage kenok, aap ambi nen waruwak nduk eeppigin o,” yinuk, eerogo nappiya wagagerak.

Yetaya 41:22

“Peebi ee'ninaburak, wone yo'niraawak o, yinuk, kinagugiwak wonok wa'nip o.” Yoragagerak wonok wogo mbareegwa, it kugi nogo yorage logonet, “Wone eebe nit liippugwi, Ndogop eeppinanigin kagi, yinuk, nineenu ogwe, Eeruwok nduk, Aa'nduk agagerak wone nogo yo'niroorak ilik,

Yetaya 41:27

Aa'nduk lombok aakumi Tiyon mendek konenuwak nduk, Muk kiya wagaarak wonogwe iyaanip o, yinuk, yorage, Wone obeelom wone aakumi Yerutalem yora nawak nen nappege, Eereegirak nogo ti, an aret o.

Yetaya 42:9

Yogop eeke kaamunggup o, yinuk, aa'nduk yereegirak nogo muk kin agaarak me, Yogondak wone ngget alik mendek eeppiyoorak yokkege, Eeriyak awo kin aga'lek kagak kat yokkege, Eeke agarik o,” yinuk, yoge kagarak o.

Yetaya 43:9

Yi aakumi ndi aakumi abok aret kuwak ari wogwe, Aakumi inanebunu lombok kuwak eekwi, Eekaarak wonogwe inenggela'me aap ta nen wone ti eenu negen yoranet nage, Aa'nduk eereegerak nogo eeka'lek kagak, “Peebi ndogop eerigin o,” yinuk, yorage, Eereegerak mbakop? “Abet aret eekaarak,” mbaruwak nduk, it mendek nen inigen kagaarak kenok yi wogwe, Inoone yogwe konembunuk, Wone ti, abet aret yaga, mbaruwak nduk, mbinini wogwe, Eeruwak o.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Yotuwa 21:45

Ndi, at Aliku ALA nen aakumi Iterali mendek obeelom eeppiyoorak wone koonogo pereegerak nogo, ambi mbeyok yuulik abok aret a'me nggilik-nggelok eeppiyareegerak.