Yetaya 48:17 - Ala Wone Peenok Peebi Mbanak

¹⁷ At Kikak Nakeelik Alik Leenak Wondet Eerogo Pinagaga Iterali inogoba Aliku ALA nen yegerak nogo yi aret. “It obeelom logowak nduk, mamunirage, Tu ndi paga nogwe iinok, op aret ari nage kaamunggup o, yinuk, yorage, Eeke minggirak Naliku inogoba Ala an aret o.

Yetaya 48:17 ပူးပေါင်းရင်းမြစ်များ

Ndawi 32:8

Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,

Ndawi 25:12

Aap ta nen Kaliku ALA agabiti kombake menggerak? It aap inagabiti kombakwi iinok, It eeko logorak koonogo piigendak nogo liirogon mamunirage logomunggun o.

Yetaya 30:20

At kinogoba Ala nen kinambi kwak aaninggin kinoba kwippinagage, kinaniyo kwak andi-pandi eekkinake, eeremenggerak kwe, at mamunggiraga ti, ambinom kumaarak logogin lek o. Kinigen abe nen aret kogo logomunggup o.

Ndawi 73:24

Tu abe paga naakit nduk, naruk wake, Eeke logomenggendik, Kat tiyanak menggenom nimbirak logokit nduk, wo'nabumunggun.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Ayup 36:22

At Ala omaawi lombok menggerak me, Endage mondok tiyanak aret mbake logot o. At mamunniraga kwak, aap ta wonage o?

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

Ndawi 71:17

Nogoba Ala wae. Wulaga tawe nen nok, yogondak kuli kat mamunnake menggendak me, An kunduk, aa'nduk nen nok, yogondak kuli kat iya tit eeke menggendak nogo, Mbininogo yoranet nage agarik o.

Yeremiya 6:16

Aliku ALA nen yegerak nogo yi aret. “Tu nandogon-kandogon ari nanuk, yambonggwi, Tu aa'nduk lombok nogo nogogwaarak nogo ngge o? yinuk, yorogwe, Tu obeelom nogo menggaarak ngge o? yinuk, yorogwe, Eekwi iinok, Tu yi aret, yorogwe iinok, ti paga aret nogwe, Eeko logowak o. Ti eekwi iinok, iniki kwi'narigin o, yinuk, yoragagirak kwe, It nen, Tu ti paga noorak nineebi o, yinuk, yogwe,

Yetaya 54:5

At ogobakkigireegirak ti, ore an aret me, nendage ti, Nomaawi Lombok Minggirak Naliku ALA aret. Iterali inogoba Kikak Nakeelik Nalik Leenak Minggirak ti, at onggo mbangga an aret me, It o nggween paga yime menggaarak abok aret inogoba Ala an aret o.

1 Endagembogut 8:36

kat mbogut paga logonet, inoone karuk konembunuk, kayeloman mini aakumi Iterali inomaluk nogo lek eerogo piige, it abe mban eerit nogo logowak nduk yorage, eeke logomenggendik, kapuri Iterali yate kwak inanggween wogoragaginom nogome mayu wuppi woraamungguno.

Yetaya 43:16

Kit niyo laut nggaruppegak woraabagip nduk, tu koonogo pinagage, Niyo mondok omaawi nage kagak wunda woroorak tu koonogo pinagage,

Yetaya 2:3

Aakumi inanebunu lombok nen yogo logonet, “O Tiyon nen wone yugu liiru mbanak nogo wiganinuk wundi nage, O Yerutalem nen Aliku ALA wone yugu nogo wonok ndi ari, Eerigin me, Aliku ALA nen eeriyak mbake menggerak nit mamunnirage kenok, nit ndak-ndak eerit nogo logogun o. Aliku ALA abuut paga lagi nogwe, Yakup ogoba Ala awi wurik me unggwi nogwe, Eeruwok nduk, woraanip o,” Yinuk, yogo logogun o.

Epetut 4:21

At eeke nagagerak nogo mamunggirogwe niigak, Ala ari menggerak wone at Yetut ndak-ndak ari nagagerak nogo, kit liirogon konenggo logonet,

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yetaya 48:20

Kit o Mbaben nen wundi woraanip o. Kit Mbaben mendek ineenggime nen kole mbaganip o. Wone yi, kinikime nggelok ari kenok, kuum-keek agan nugwi, Wone yi wonok o irip-irip time yoranet nugwi, “Aliku ALA nen ayeloman mini nit Yakup paga wiganak nogo wondet eerogo pinanegi o,” yinuk, agan nugwi, Eeko logonip o.

Yetaya 43:14

At Kikak Nakeelik Alik Leenak Wondet Eerogo Pinagaga kit Iterali kinogoba Aliku ALA nen yegerak nogo yi o. “It wondet agago piyaawak nduk, aap ineegin warak o Mbaben nappiige neenok, It aakumi Mbaben mendek nogo inayumoogi mban nggerok inayiiro abe ogobakkigirik kenok iniki tiyappatit nugwi nogo paga unggwi nanuk kole mbaganugun o.

Wakkagagerak 24:48

nendobanggun yindumbunuk, at Aliku ALA alut eeke logonet, Kaliku ALA nen nogoba awuluk apuluk kolaga yi, an nogoba aput akwe wogoriyak nduk, owe-awot wonogwe me mondok lik togon pani wagandak me, Kaliku nogoba Abarakam ogoba Ala wa, yinuk, keyage wakirak o.”

Yetaya 28:9

It nen yogo logonet, “Yogop ee'nip, ndogop ee'nip. Yi togop eeriyak mage, ti togop eeriyak mage. Yi inom eeriyak, ndi inom eeriyak,” yo'nirage yi, Nit yi, taani me nduk, nit yo'nirage, “Ala nen yoge kagak yo'niranet nage yi, nit ta ninomba'nuk yo'nirage agaarik mbakop? Elege-aabologwe inelak awo mbo pugwi, inelak mbo pugu wonogwe, eekwi kwak, Ninomba'nuk yo'nirage yi kogo ogotik?” Yinuk, yogo agaarik o.

Yetaya 30:21

Tu agigan paga nogwe, ogugan paga nogwe, eekwi kiinok, kinambokan nen wone ambi ari logonet, “Tu ti aret me, ti paga nanip o,” yinuk, yokkirage kinaruk konenggo logomunggup o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yetaya 45:11

It inanebunu Iterali mendek eerogo piyareegerak at Kikak Nakeelik Alik Leenak inogoba Aliku ALA nen yegerak nogo yi aret. “An napuri peebi ngge eeppiige logorak nogo neegwa'me waganggwi, Peebi ti eeke logowak o, yinuk, wone lengganogo yo'nugwi, Eeriyak nduk Eeko agaarik ya?

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 54:8

Nanini abu alik negen ee'nake mbareegi, ne ambiriluk nenete kumaarak wonagagirak kwe, Niniki mondok-mondok kunik eeppege logokit nduk, abuwa nen waagin o,” Yinuk, at onggo mbangga Aliku ALA nen aret yegerak o.

Yotuwa 3:4

Tu nogwe kit kineenggo'lek me, it nogwe muguren mban noorak kwe, Ala aloobut mbanak wonage me panggorogon owagam nagup o. Ata, aloobut mbanak wonok oolo nogwe iigak, tayorogon metet seribu negen peenok-peenok namunggup o,” yinuk, yoragagerak.