Yetaya 48:1 - Ala Wone Peenok Peebi Mbanak

^1-2 At Ala nen ari logonet, “Nit ninendage Iterali aret, yogwe, Nit Yekura paga nen wiganak o, yogwe, Aliku ALA endage kumbunuk kumbuk mbanggwi, Nit Iterali mendek ninogoba ti, Ala aret o, yinuk, yogwe, Eekwi kwe, Inoone abet aret yogwe, iniki abe koonak logonet yogwe, eeka'lek we aret nendage kumbunuk yogwe, O kota abe alik leenak aret ti, nit ninaworak ninawi aret o, yogwe, Iterali inogoba Ala endage Omaawi Lombok Menggerak Aliku ALA yogwe nogo paga iniki panggonak wonogwe, Eeko menggaarak Yakup paga wiganak ti, An wone yorage yi, inaruk konenggo logowak o.

Yetaya 48:1 ပူးပေါင်းရင်းမြစ်များ

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Wakkagagerak 35:10

Ale'nggen oba pege nagagerik, Yakup yoge logonet, “Aa'nduk nen kendage Yakup yokkogo nagaarak kwe, yogondak nen kat kendage ti, Iterali aret yokkogo logogun o,” yinuk, Ala nen Yakup endage Iterali aret toongge,

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

2 Endagembogut 5:20

at Ala wone liirogon eeka Elita ayeloman Nggekati nen iniki mbake logonet, “Aap Aram mendek Naman yi nen amendek nogoba wogogerak woolik, We nak, yogerak nogo ti, nonggop nduk, eekerak? Ambi wo'niruwak nduk, mbe agan mugurok na o,” yinuk, Aliku ALA endage kumbunuk mugurok nagagerak.

Ndawi 63:11

Togop arugun kwe, nendagembogut an perak, Kat nogoba Ala paga niniki ale'nggen mbake logogin o. It aap pilit pugungga nogo inoone lek arugun kwe, “Nogoba Ala owak o,” yinuk, Kumbuk mbanggo menggaarak nogo perak, Inoone wogok yigin o.

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Ndawi 68:26

“Ala apuri kuwak aago inenggela'me nen at endage tiyappugwi, Kit Iterali ombowologwe wiganak yi, Aliku ALA alut eekwi, Eeko logonip o.

Ndawi 68:27

Mbeniyamin paga ineebe mbuuluk wiganak nogo inaa'nduk ogwe, Ndi, aap Yekura paga wiganak Nagawan-nagawan kombogonak inambokan nogwe, Aap inengga warak nagawan-nagawan Tebulon paga wiganak inom, Natali paga wiganak inom, Age mbanit inambokan nogwe, Eekwi iigo o,” yinuk, Ndawi wareegwaarak ti aret.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Kini Wuppiige 5:16

Ndi, kit kinaniyo eneeri kila-kila tu nggwok paga wundi wage, Kinaniyo elaganggen mbininik nage nogo it inambik inawoore'nggam unggwi nage, Eeke kenok, Ti paga maluk ariyak me,

Yetaya 26:13

Kaliku ninogoba Ala wae. Kat keegak, ninogobamini wone lengganogo yo'nirogo nogogwaarak ineebe ambik aret kwe, Kat kendage mban tiyappagago ogoorik o.

Yetaya 44:5

It ambi nen, An Aliku ALA amendek o, yinuk, ari, Ore ambi nen, An Yakup paga wiganak aret, ari, Ndi, it alik ambi nen, An Aliku ALA aput aret o, yinuk, eenggi paga liiru mbambunuk, Nendage Iterali mendek aret agi o, yinuk, toonggolage, Eerugun o,” yinuk, yegerak me, yokkigi o.

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Yetaya 46:12

Togop me, kit aap, An mban iya, mbarit nega yi wae. Kit an noone yugu eeka'lek monggotak yi wae. An yokkirage kinaruk konenggo logonip o.

Yetaya 51:1

Aliku ALA nen ari logonet, “Kit obeelom mban eeruwok nduk mugurok nogwe, Naliku ALA mu'neren wogwe, eekwi yi wae. Wone an yokkirage yi, kinaruk konenggo logonip o. Kit yugum lunik alom nen poorogo wokkinake, Ndi, yugum nggaganggo menggam alom paga nen nggaganogo wokkinake, Eereegirak nogo liippugwi,

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetaya 58:2

It aakumi ambi mendek nen obeelom mban eerit nugwi, Inogoba Ala kwak nen, Yogop ee'nu ndogop ee'nu, yorage nogo mbo pega'lek aret eerit nugwi, Eeko mengga kwak, Eerit nugwi negen eeppunuk logonet, Ko'lu-kii'me an eeke minggirak ineenu aruwak nduk an kwaa'nabit nugwi, Ninawone amburu liirogon mbambunuk eekoorak onggo ndak-ndak eeppinaniyak o, yinuk, yo'nugwi, Ndi, inikilom negen eeppunuk logonet, nalut eeri unggwogwe, Eeko logonet,

Yetaya 62:8

Abet mbaruwak nduk, at Aliku ALA eenggi abe'nggan nippege, Abet aret eerigin o, yinuk, eenggi mondok omaawi tiyambege, Eeppunuk, Kumbuk mbangge logonet, eeriyak yegerak nogo yi o. “Gandum anggen mbanak waganogo kawim wogorage, Keenggi omaawi paga yabu ta'liila eekendak anggur amburu ngget toolak nogo, it aap inambik nawak nduk wogorage, Eerigin mondok lek o.

Yetaya 64:6

Nit abok aret aap ambi pekkoorak lalam ee'ninake menggi kwak wonogwe, Nit obeelom eeko monggoorak mbakwi nogo ti, kumi tut kogwe paga inayum mili agaatak kwak wonogwe, Iri'ngga teebat agaatak kwak wonogwe, Eerak aret ogoorik o. O wiya nen eyoongga wonok nggarek ari menggi kwak, ninomaluk nen wo'niren nage menggerak o.

Yetaya 65:16

Aa'nduk aaninggin-paaninggin inoba piige nagagirak nogo mari eerogo pigin me, aberak wonage, Ndi, lek arigin me, nenegen kage, Eerigin lek me, It aap o time wonogwe nen, Ale'nggen ninoba pinanuwak, mbako logonet, Liirogon mban eeke minggirak an Ala nendage kumbunuk, yo'nugwi, Ndi, it aap o time wonogwe nen ambi eeriyak nduk, kumbuk mbaniyak mbako logonet, Liirogon mban eeke minggirak an Ala nendage kumbunuk kumbuk mbanggwi, Eeko logogun o,” yinuk, yegerak me, yokkiragi o.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yeremiya 44:26

kit aap Yakuri mendek o Metit wonogwe abok aret, at Aliku ALA nen yegerak yi, kinaruk konenggo logonip o. At Aliku ALA nen ari logonet, It aakumi Yekura mendek o Metit yi awi ndi awi wonogwe abok aret nen, Ndogop eerigin o, yinuk, an nendage kunggwi, At mondok eenik Aliku Itok Menggerak ALA owak o, yinuk, kumbuk mbanggwi, eekwi nogo ambinom eeko logogun lek o.

Yeremiya 5:2

It nen, Nit abet aret ndogop eeko logowok o, yinuk, at eenik menggerak Aliku ALA endage kumbunuk yogo o, yinuk, kumbuk mbanggwi kwe, Inoone piliret kumbuk mbanogo yogo menggaarak o,” yinuk, yegerak o.

Ala Unde 19:12

Naliku ALA an aret me, inogoba Ala an nendage yuurak mage yugu nogo meek eerogo pukwak, pilit yogo logonet, nendage kunogo kumbuk mbaniyak mage o.

Mika 2:7

Yakup paga wiganak kit yi wae. “Aliku ALA iniki liippega'lek anini nen perak togon eeppiige, At togoti mendek eeppiige, eeke menggerak o,” yinuk, yuurak op mbakop? “Aap ambit ambi iniki abe koonak logonet, obeelom eerit nage nogo nen, Ala wone ti, obeelom aret o, yinuk, mbake menggerak.

Takariya 5:3

Yoge mbaki, at nen an yo'nege logonet, “Mbuku pirik-perek aago abeenok paga mbanak nogo ti, aap yogoot kumaaka o yime nen inenggaawak lek eerogo piyoorak wone mbanak wonage, ndi, abeenok paga it aap pilit kagak, Abet aret o, yinuk, kumbuk mbanggwi nogo, o yime nen inenggaawak lek eerogo piyoorak wone mbanak wonage, eerak me, kenegen kagandak yi ti, pulunogo piyoorak wone nogo aret mbanak me, o yime abok aret wigannarit nage logogin o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Linggineegwaarak 24:7

Kat kombowologwe ti, Inaniyowa'na nen niyo kilu-kilu wangge, Inamendek awi yarak me niyo amburu ambik wonage, Aap Agak ti, endagembogut kwe, tebenak kagak, It inowe endagembogut ti, mondok tiyanak aret wonage, Ndi, kabu'me piige menggenom mondok tiyak ari, Eeke logogin o.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

Yaya 4:24

Ala ti, aakumi inigen kogolik mendek me, it aap at alut eeriyak mbakwi nogo iniki paga nen abet mba'nuk, at alut eeko logowak o.”

Oroma 2:17

Kit Yakuri mendek perak, nonggop mbako ogotik? “Nit Yakuri mendek aret o,” yinuk, yikkologwe yi, wone Muta yoreegerak nogo paga, kiniki panggombunuk, “Ala ti, nit mban ninogoba aret o,” yinuk, wogoppakwi,

Oroma 9:6

It aakumi Iterali mendek nda'nogogwaarak nogo abok aret Iterali mendek lek o. “Iterali mendek lek,” yokkirage ti, “Ala nen Abarakam abok yoreegerak nogo, mbeyok yereegerak o,” yinuk, an yokkirage lek o.

Oroma 9:8

Ala nen at Abarakam nogo yoge logonet, “Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o,” yinuk, yoreegerak me, wone ti yoreegerak nogo paga Ala apuri nogo ti, Abarakam abe ombowologwe lek o. Ata, Abarakam abok yoreegerak nogo paga ndarak kenok mban, “Abarakam abe ombowologwe aret o,” yinuk, yoreegerak kogo o.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Pelaareegerak 33:28

Togop eerigin me, Kit Iterali mendek kiniki tayenak obeelom mban wonogwe, Mbogut paga nen yi amburu ndik-ndik agago wuppit wage me, Gandum inom, anggur amburu ngget toolak inom, Ambik wonage menggim time ari nanuk wonogwe me, Niyo eneeri wungge menggi kwak, Yakup ombowologwe time nu'lek obeelom aret wonogo logonet, Wiganggo logogun o.

Pelaareegerak 5:28

Yo'nereegutak nogo, at Aliku ALA aruk konengge nagagerik, an yo'nege logonet, It aakumi wone kat yokkugwi ti, an muk konenggirak me, it wone yagaarak ti abok op aret o.

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

1 Timotiyut 4:2

It aap wone ti mendek agan nugwi nogo ti, aakumi inambokan laganuwok nduk, pilit pugunogo yorogo menggaarak aret. Ninagabolo togum agaatak me, kani nengge kagak andi lek menggi kwak, it aap ti, inikime togop aret me, wone yoragaatak kwe, konengga'lek inogogumbuk aret menggaarak o.

Wayu 2:9

it Ala apuri o Timirina eerit nogo menggaarak nogo, an neenu aret o. It aaninggin-paaninggin inoba age logonet, ineenggi lek age kwe, agi mendek paga ineenggi warak negen wonogwe nogo an neenu aret o. Ndi, it Yakuri mendek lek Ibilit eeke menggerak ndak-ndak eeruwok nduk kuwak eeko menggaarak nogo mendek kagak, we piliret, Nit Yakuri mendek aret o, yinuk, Ala apuri o Timirina mendek inoone miyuk-meya eerogo piigwi ti, neenu mban.

Wayu 3:9

It aap Tile eeke menggerak ndak-ndak eeko logowok nduk, kuwak eeko menggaarak nogo, it Yakuri mendek lek kagak we piliret, Nit Yakuri mendek aret o, yinuk, yogo menggaarak nogo nen, Yi Ala apuri inom iniki abe kunik wonogwe iigo o, yinuk, it Ala apuri o Pilarelipiya mendek inabu'me tebe yi wa'nuk inoone konenggo logowak nduk, eeppiige neyaagun o.