Yetaya 47:8 - Ala Wone Peenok Peebi Mbanak

⁸ Togop me, kale'nggen kaanok nduk eekko'net nage, Niniki ugun tayenak wonage mbake, An iya aret o. Ndi, an kwak ambi wonage lek me, an kwe nanu age, Naagalogwe lek ogwe iinok, niniki wakkolage, Eerigin lek aret o, yinuk, yikkolage, Eeke kat yi, Wone an yokkege yi, karuk konengge logot o.

Yetaya 47:8 ပူးပေါင်းရင်းမြစ်များ

Yetaya 14:14

An ndugwi irimbaga lombok lagi nage, At Mondok Tiyanak Menggerak nogo an ndak-ndak eekkola lagangge, Eerikit, mbakendak me,

Yetaya 32:11

Kit kumi kiniki ugun ale'nggen mban wonogwe yi wae. Kinaganak wakwi, It kumi ti, inaagalogwe komologwe nen, “Ambi eeppinanigin lek o,” yinuk, kiniki ugun wonogwe kit yi wae. Kinomanggen tayok ari, Eeko logonip o. Kinayum abe yirik nggoorogo punuk, kinayum maluk nibinik mendek nogo yikkologwe,

Yetaya 32:9

Kit kumi kiniki ugun ale'nggen mban wonogo monggotak yi wae. Wone an yokkirage yi, kiniki aganggen kerek togon waganggo logonip o. It kumi ti, inaagalogwe komologwe nen, “Ambi eeppinanigin lek o,” yinuk, kiniki ugun monggotak kit yi wae. An wone yokkirage yi, liippogo logonip o.

Yetaya 45:18

At mbogut wakkage, nggween wakkage, eereegerak nogo ti, Ala aret me, O we tenak logowak nduk wakkoolik o. Ata, nggween yi, aakumi wonogo logowak nduk wakkagagerak Aliku ALA nen yegerak nogo yi aret. “Naliku ALA an aret me, an neegak Ala alik ambi wonage lek aret o.

Yetaya 45:5

Naliku ALA an aret me, an kokwak Ala alik ambi wonage lek aret o. An wonage neegak, Ala alik ambi wonage mondok lek o. Oonegen lagi wage menggim pa'nggwe nen nok, Oonegen kilu yi nage menggim pa'nggwe Naliku ALA nalik aret minggirak it aakumi abok aret ineenu aruwak nduk, Kat an Ala neebe liippanega'lek keegak kwe, keegin-komaale li'luk eerogo pagagin o. Naliku ALA an aret me, an kwak Ala alik ambi wonage lek aret o.

Yetaya 47:10

An maluk eerit nage yi paga ambi eeppanega'lek op aret wonage mbake, It ambi nen inigen neega'lek aret, ari, Eeke menggendak o. Niniki warak wonage, yi wone ndi wone neenu wonage, Eeke ti paga tu maluk me pagi nage kagak kwe, an kwak ambi lek an iya aret o, yinuk, ari menggendak.

Yeremiya 49:31

“Nit niniki ugun tayenak wonogwe, Niname obeelom mban wonogwe, Mbako logonet, inawi pak wurik ambe paarak aret wonage, It inawi wuppatinuk, inalik mban wonogwe, Eekwi nogo Inawi tebenogo piya ungguwak o,” yinuk, Aliku ALA nen aret yegerak o.

Yeremiya 50:11

“It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Yeremiya 51:53

“It aakumi Mbaben mendek nen aakumi tebenogo wuppiya woroobok me, mbogut paga lagi nanuk, O time wuppunuk, pak omaawi lombok wurogo pemenggaarak kwe, Tebenogo wuppiya woraawak nduk, it aap o maluk eerogo pega nogo time aret nappiya woraagin o,” yinuk, Aliku ALA nen aret yegerak.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 28:2

“Aakumi nen ndarak yi wae. At Aliku Itok Menggerak ALA yegerak nogo yi o, yinuk, aap endagembogut Tirut mendek yoriyak nogo yi aret. At iniki tiyappake logonet, An ti, Ala kwak aret o. An nen niyo laut oolome Ala kwak logonet, wone lengganogo yorage minggim kwi'ndak wonage, ari menggerak o. An niniki warak at Ala kwak wonage, mbake menggerak kwe, at nogo ti, an Ala kwak lek aakumi aret kagak ari menggerak o.

Yetikiyen 30:9

Ne ti eyom paga it o Kuti mendek iniki ugun ale'nggen wonogwe me, inogut nggigik yuwak nduk, it aap an nappiyaminggirak yiiro paga mbet-mbet nogo logomenggaarik, O Metit ndogop eeri woraagun o, yinuk, yoraagun o. Yoramenggaarak eeppiyoorak ne nogo ti, abet aret ari woraagin me, ari wage kenok, Iya! yinuk, iniki ma'narigin,” yegerak o.

Ndaniyen 11:36

At aap endagembogut ti nen eeriyak iniki mbake nogo mban eerit nage logonet, iniki wogoppake, Kugi abok tebenak iigak, an abu iya, mban mbake, it aakumi nen alut eeko menggaarak abok aret inogoba Ala meek mbake logonet, oone ari kogolik mendek ari, eerigin o. At Ala eeriyak koonogo pereegerak nogo a'me nggelok yi nagin me, Ala anini eeppiinet nage logorak eyom awo age yubuni naga'lek kagak, aap ti, oone ugun-ugun agan nage logowak nduk teppigin o.

Ndaniyen 4:22

nogoba kendagembogut kat keebe aret o. Eyo eebe nggwok kwak ti, kendage mondok tiyak ari, kabu'me piinok menggenom omaawi lombok age, eyo era'nggup mbogut kuli ari lagangge kagandak kwak, kendage tiyak agan lagangge, kabu'me piige menggenom wiganinuk o nggween irip-irip ari nage, eekerak nogo aret o.

Ndaniyen 4:27

Togop aret me, nogoba kendagembogut wae. An wone yokkigirak ti, mbo pega'lek abet aret liippumunggun o. Kat maluk eeke menggendak ti, mbo punuk, aakumi eekwi nogo a'me nggelok eeppiinet nage, it aap ineenggi lek tebenak menggaarak nogo, inabuwa mba'nuk obeelom eeppiinet nage, eeke keenok, kiniki ugun tayenak logonet, kale'nggen paga eerit nage logomunggun o,” yinuk, yoreegerak.

Ndaniyen 4:30

“An nendagembogut minggim o Mbaben mondok tiyanak lombok wonage yi, an nomaawi paga pippunuk logonet, eerogo pit nage, nayuk warak neenok, Endage tiyanak wonage me iya! yuwak nduk eerogo pege, eereegirak yi aret nogo lek a?”

Ndaniyen 4:4

An Nebukanetat name niniki tayenak ugun aret wonage, nawi nggwok abe wurik me, nale'nggen paga wonage, eeke me,

Ndaniyen 5:23

Tebeppatiyak op kagak kwe, at mbogut unde menggerak enggaanom paga kat nogoba kiniki tiyappake logonet, niyo toologo nenggak abe Ala awi wurik me menggerak kugun wogo nogo, Wonok woraanip o, yoragandak wonok kiri wogo mbaka, kat inom, kawuri nagawan-nagawan inom, kakuwi abe wogo inom, luulu wogo inom, niyoowak ti paga anggur amburu toologo nonggotak o. Nonggo logonet, kat keenik logorak a, kambuurak a, yinuk, koonogo pagage, kat eerit nage logorak nogo, Op eeriyak o, Eeriyak lek o, yinuk, yokkege, eeke menggerak Ala nogo, ayuk wurogo alut eeriyak op kwe, eeka'lek logonet, kat kagugi mbuti perak paga, emas paga, tembaga paga, mbuti owak paga, eyo paga, yugum paga, ogut aago nogo nen inigen kogwe, inaruk konenggwi, yi wone ndi wone liippugwi, eekulik kagak inalut eeke menggendak o.

Ndaniyen 5:30

Ne oonikiya ti eyom aret aap Meriya mendek endage Ndariyut nogo, ndarak tahun 62 ari nagagerak kagak at Mbelitiyatat abu'me piige menggim tebenggola unggwage logonet, aakumi o Mbaben inowe endagembogut Mbelitiyatat nogo warogo pereegwaarak.

Nakum 1:10

Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.

Nakum 3:4

Kwe ya wukak nen, “Ugun ee'nabuwak,” mba'nuk, eerit nage menggi kwak, Aap iniki nawak nduk, enete amuni mbangge menggi kwak, Tili pagangga iyagalo kwak, At kota Niniwe togop aret me, terak wuka kwak eerit nage logonet, yi aakumi ndi aakumi keele maarogo negen piige, Yogwi inooke paga aakumi inanebunu lombok apit aret ayeloman mini eerogo piige, Eereegerak paga At togop eeppege kagarak o.

Abakuk 1:7

It aakumi ti, eeppiinet nugwi paga inamineeri ne agan nage logonet, inagabiti mbako menggaarak o. Iniki tiyappatit nogo logonet, aakumi nen eeko logorak koonak abok aret mbo punuk, It iniki nen eeriyak koonggwi nogo mban eerit nugu menggaarak o.

Tepaniya 2:15

O kota ineebe op wonogo logonet, iniki ugun tayenak inale'nggen paga wonogwe eeppiyoorak nogo ti aret. At mbake logonet, “An neebe yi ti, iya aret me, an kokwak ambi lek aret,” mbareegerak kwe, O karume aakumi lek nggween mbuk aago menggi kwak aago wonage, Ndiimbu-nggwiya eyonggaame mendek time ye mbambatinuk wonogwe, Eekwi yi, mondok iya o! It aakumi tu ti paga nogo logonet, “Kayik a! Op togon eerogo pigi,” yinuk, enggali wappegak nogo logogun o.

2 Tetalonika 2:4

It aakumi nen yi mendek ndi mendek mippunuk, “Ninogoba Ala aret o,” yinuk, ayuk wukwi, kugiwak ogobakkigirogo punuk, alut eekwi, eeko menggaarak abok aret, at mondok maluk lombok eeka nogo nen tebenogo piinok, at alik tiyappake logonet, Ala awi wurik me mi'nari unggwage logomenggerik, “Kinogoba Ala an aret o,” yinuk, yorage logogin o.

Owak Loongga 18:27

Wage kagak, aakumi Ndan mendek nogo nen yi mendek ndi mendek Mika nen ogobakkigireegerak nogo inom, Ala unde logonet, ake eeke menggerak aap nogo inom, wonok, o Layit nogogwaarak. It aakumi Layit mendek nogo, Ndogop ambi eeppinaniyak, mbaka'lek iniki ugun wonogwe nogo inawi paga kwi'na'nuk, wooluwak paga inooko logonet, inawi kani mbelanogo pereegwaarak.

Owak Loongga 18:7

Yorage mbareegi, it aap 5 nogo, nogo nogogwaarik, o Layit ari nanuk, wonogo logonet, aakumi Layit mendek nogo ti, aakumi o Tiron mengga kwak logonet, iniki nu'lek ugun tayenak obeelom aret wonogwe, o time yi mendek ndi mendek obeelom mban wonage me, it ineenggi abu warak lombok logonet, yi mendek ndi mendek uugwe mbaka'lek aret wonogwe, ndi, aakumi o Tiron mendek ti, o nda lombok me, it inom ariyak abu lek iigwi, eereegwaarak.