Yetaya 47:4 - Ala Wone Peenok Peebi Mbanak

⁴ Wondet Eerogo Pinanega endage Omaawi Lombok Menggerak Aliku ALA ti, Kikak Nakeelik Alik Leenak Iterali inogoba aret o.

Yetaya 47:4 ပူးပေါင်းရင်းမြစ်များ

Ndawi 19:14

Kaliku ALA wae. Nayugum kwak inom, nili yaga inom, kat aret me, Noone ari minggirak inom, Ninikime koonit nage minggirak inom, Obeelom aret neyaanok lak, Ao, kombake minggirak o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yetaya 43:14

At Kikak Nakeelik Alik Leenak Wondet Eerogo Pinagaga kit Iterali kinogoba Aliku ALA nen yegerak nogo yi o. “It wondet agago piyaawak nduk, aap ineegin warak o Mbaben nappiige neenok, It aakumi Mbaben mendek nogo inayumoogi mban nggerok inayiiro abe ogobakkigirik kenok iniki tiyappatit nugwi nogo paga unggwi nanuk kole mbaganugun o.

Yetaya 43:15

An inogoba Kikak Nakeelik Alik Leenak inendage Iterali toonogo piyareegirak inowe endagembogut Naliku ALA an aret yoragi o,” yinuk, yegerak me, yokkiragi o.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 51:15

Niyo laut oone wo-wo eeruwak nduk kilaarak-mogonik eeke minggirak Naliku kinogoba Ala an aret o. Ndi, nendage ti, Nomaawi Lombok Minggirak Naliku ALA aret.

Yetaya 54:5

At ogobakkigireegirak ti, ore an aret me, nendage ti, Nomaawi Lombok Minggirak Naliku ALA aret. Iterali inogoba Kikak Nakeelik Nalik Leenak Minggirak ti, at onggo mbangga an aret me, It o nggween paga yime menggaarak abok aret inogoba Ala an aret o.

Yeremiya 31:11

Naliku ALA nen it aakumi Yakup mendek nogo inonggo mbanogo piige, It aakumi mondok inomaawi wonogwe ineenggime nen wondet eerogo piige, Eerigin me,

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.