Yetaya 47:2 - Ala Wone Peenok Peebi Mbanak

² Kayum kanobak paga lenggenak nogo nggoorogo punuk, yugum gandum yigika nogo woppunuk, yigike, Kayum nggorek awiirogo kambulok paga pi laganuk, kin kagak niyo mbaninuk wunda nage, Eeke logot o.

Yetaya 47:2 ပူးပေါင်းရင်းမြစ်များ

Wakkagagerak 24:65

at Abarakam ayeloman nogo yoge logonet, “Aap yabume nen nit pe'niya wage ti ta o?” Yoge mbareegi, at Abarakam ayeloman nen ari logonet, “An nogoba nogo ti aret o.” Yoge mbareegi, at Iribaka nogo mbogoyum inetenggen nobakkologo menggaarak nogo mendek waganogo at etenggen nobakkolagagerak.

1 Mbinineegwaarak 19:4

Yogo mbareegwa, at Kanun nen it aap Ndawut awuri nappiyareegerak nogo pippiinok, inamboro mbanogo piige, inayum nggorek yirik nogo inakom kuli mbanogo piige, eerogo piinok, “Kiname nanip o,” yinuk, nappiya wagagerak.

Ayup 31:10

An nenggali age, maluk kenok nowak loongge, Eeriyak aret me, Nakwe nen aap alik ake gandum yigike, Aap alik inom nogo yit nege, Eeke logonetak kwe, lek me meek o.

Wundeegwaarak 11:5

aap endagembogut kwi'nage menggim kwi'ndak menggerak at Pirawun apuluk manggu ndarak nen nok, aakumi inayeloman kumi gandum yigiko menggaarak inaagalogwe manggu ndarak kuli, it o Metit mendek inapuri manggu ndarak inendage warak inendage lek abok aret inom, inaanggumi iyaalok ndarak abok aret inom, inooke neenok kambit nagun o.

Wone Alom Kibingga 12:4

Tu nggwok paga wundi nogo menggam tu nogo naka'lek kagak, Yigikwi oone ari nogo oone lek arit wangga'lek kagak, Towe inoone yogwe iinok, mi'nariyak eyom aga'lek kagak, Kumi ndawi wakwi abok aret inoone nggobo agan wangga'lek kagak,

Yetaya 20:4

at aap endagembogut Atiyut mendek nogo nen aakumi o Metit mendek keele maagiren noorak inom, it o Kuti mendek o nda mbo piya noorak inom, it o Metit mendek inenggali mbaruwak nduk, aap inanggok kunduk, aap tawe kunduk, inayum-iniyogogut yirik lek inakom kin aret wogoren nagin o.

Yetaya 3:17

Inogoba an Ala nen it kumi Tiyon mendek inanobak paga yigani telek eerogo piige, Naliku ALA nen inerali mbanogo piige, Eerigin,” yegerak o.

Yetaya 3:23

inabugagi inom, inayum aken mendek yawenak inom, ineeruwak keele lambunik inom, inayum inenggaanok me wurabak inom, inobaanggi-inobaangge aago ti abok aret nggoorogo mbo nappigin o.

Yetaya 32:11

Kit kumi kiniki ugun ale'nggen mban wonogwe yi wae. Kinaganak wakwi, It kumi ti, inaagalogwe komologwe nen, “Ambi eeppinanigin lek o,” yinuk, kiniki ugun wonogwe kit yi wae. Kinomanggen tayok ari, Eeko logonip o. Kinayum abe yirik nggoorogo punuk, kinayum maluk nibinik mendek nogo yikkologwe,

Yeremiya 13:22

“Aaninggin noba agaarak yi, nonggop nduk aga o?” yinuk, kinikime nen mbininggolage keenok, an nen onggo yokkege nogo yi aret. Maluk mondok nabenak mban eeke nagagindak ti paga kayum nibik-nobak eerogo punuk, Keebe maluk eeppagareegwaarak mbake logot o.

Yeremiya 13:26

At akom kin eerogo pege neenok, enggali aruwak nduk, ayum pilanogo anobak kuli nippigin o.

Yeremiya 25:10

“Ti eeke logonet, it wonogwe me time inale'nggen mbakwi, iniki ale'nggen nggelok ari, eeko logonet, inoone yogwe nogo lek eerogo pege, aap akwe kolage me inale'nggen nen noone-koone yogwe nogo lek eerogo pege, gandum yigika yugum oone ne-ne ari nogo lek eerogo pege, ndi, ndi wuninik nogo nogonogo pege, eerigin o.

Yeremiya 27:7

Yi aakumi ndi aakumi abok aret at Nebukanetat inom, obaane'me mi'naremenggerak aput inom, ti'nuk, aput obaane'me mi'naremenggerak ombooluk inom, inabu'me logonet, inake eekwi iigak, at abu'me piige menggim lek eeppuurak eyom ari woraagin o. Ari wage kenok, yi aakumi ndi aakumi apit inom, it aap inoweewi inendagembogut abu tiyanak inom, nen at Nebukanetat paga ndarak nogo inabu'me logowak nduk, tebenogo pogo logogun o.

Leendawi 5:13

Ninapuri wologwe tawe nen gandum yigiruwak nduk, inoone omaawi paga yorogwe, Wologwe kani wurik wonok nogo logonet, aaninggin nen ngginnarit nogwe,

Oteya 2:3

At togop aret eerit nege kenok, an nen at agabolo kin eerogo pege, At nda'nage logonet, agabolo kin nda'nagagi kwak togop eerogo pege, At karume kwak eerogo pege, Nggween ka'let-nggaganak kwak eerogo pege, Eerigin me, At niyo abu nen kambuwak nduk mbo pigin o.

Mika 1:11

Kit o Tapit monggotak yi wae. O nda wokkiren nogwe iigak, kinagap mbelanak kinenggali mbakak namunggup o. It o Taanan menggaarak nogo, inawi kota nen wundi woroorak inagabiti mbarugun o. It aakumi o Mbet-Kayeten wonogwe nogo nen le yogwe konenggwi kenok, Time kunduk nineebe op logorak lek kogo o, yinuk, mbarumunggup o.

Matiyut 24:41

Ndi, kumi mbere imbirak mbi worakwi me, ambi wagangge, ambi teppege, eeke kaamunggup.

Lukat 17:35

kumi mbere mbi worakwi me, ambi wagangge, ambi teppege, (

1 Korindut 11:5

Ndi, it kumi nogo nen inayum inomba nggoorak logonet, tamban eekwi, Ala wone yorogwe, eekwi iinok ti, we inagap mbelanak negen logonet eekwi me, it inirimbaga wonogwe inogonggelomini nogo inenggali eeppiigo menggerak me, inayum inomba langgunik logonet, eeko logowak o.

Owak Loongga 16:21

Mbake kagak, it aap Pilitin mendek nogo nen at eebe pippogo nogogwaarik, enegen imbirak kilirogo punuk, piganok o Nggata nogogwaarak. Nogo nogogwaarik, mbuti keele tembaga paga eenggi imbirak maarogo punuk, o keele maarogo mambiigo menggam nogome logonet, gandum anggen mbanak nogo yigike logowak nduk, yoreegwaarak