Yetaya 45:7 - Ala Wone Peenok Peebi Mbanak

⁷ O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 45:7 ပူးပေါင်းရင်းမြစ်များ

2 Endagembogut 19:25

At eerit nage ti, awo eeka'lek kagak Maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

Ayup 10:13

Togop kwe, Yogop eeppikit, nomba'nuk eeppaniyak Kinikime kumaappatinuk wonage nogo, Neenu aret me, yokkiri o.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ndawi 105:28

“Ala oone nineebi,” mbakwi iinok, o yumaak nappi wage mbareegi, o apit age,

Ndawi 29:11

Aliku ALA nen at apuri omaawi eeppiige, Iniki ugun tayenak logowak nduk, Aliku ALA ale'nggen inoba piige, Eeke menggerak o.

Ndawi 74:16

O liingge inom, oonikiya inom, kat nen mban wakkage, Oonegen tut imbirak inobaane'me lombok logowak nduk, Kat nen aret koonogo pege,

Ndawi 75:7

Ata, at Ala nen aret aakumi inowak looni woraagin o. Inowak loongge logonet, It ambi tebeppiige, it ambi tiyappiige, eerigin o.

Ndawi 8:3

Kat keenggi paga nen kat logowam mbogut ogobakkigike, Tut inom, laaluguragan inom, Inobaane'me lombok logowak nduk eerogo piige, Eereegindak nogo kage kenok,

Wundeegwaarak 14:20

it Metit mendek ineegin warak inom, aakumi Iterali ineegin warak inom, oolo ogoorogo piinok, wonage logonet, it Metit mendek wonogwe me, o apit eerogo pege, ndi, it Iterali wonogwe me, o eya eerogo pege, eereegerak me, oonikiya paga it ambi nen it ambi inowagam wagak eeka'lek aret wonogogwaarak.

Yetaya 31:2

At Aliku ALA ti, iniki warak aret me, At eeriyak yegetak nogo mbeenogo pigin lek a'me nggelok togon aaninggin inoba kwippiyaagin o. At pilak ari logonet, aap maluk eeka inom, it aap maluk eeka yeenggwaaraga inom, Aaninggin inoba piyaagin aret o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 44:24

Kat kagalo inikime nen keenggi-kiyok warak eerogo pagage, Wondet eerogo pagage, eereegerak Aliku ALA nen wone yegerak nogo yi aret. “Yi mendek ndi mendek apit aret wakkage, Mbogut nenaarogo pege, nggween ambe wiganogo pege,

Yetaya 47:11

Togop kwe, aaninggin kat koba arigin nogo ti, tili paganemenggendak paga lek eerogo pake, Maluk koba kwi'nariyak nduk eeke kagak kamendek at ake wogoremenggendak paga woppake, Eerumunggun lek o. Ata, Aaninggin mendek noba arigin, mbaka'lek nogo aret yini-panip koba kwi'nage kaamunggun o.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 31:35

Aliku ALA nen yegerak nogo yi aret. “O liingge eya eeke logot o,” yinuk, oonegen yoge, “Oonikiya eya eeko logonip o,” yinuk, tut laaluguragan imbirak wone lengganogo yorage, Niyo nggwok yenggenak laut kilaarak-mogonik eeke logonet, oonebu ari logowak nduk, eerogo pege, Eeke menggerak endage Omaawi Lombok Menggerak Aliku ALA nen ari logonet,

Yeremiya 51:20

Aliku ALA nen ari logonet, “At Mbaben ti, nando nggwik mbanak kwak, wim eeka neegin kwak aret wonage me, At paga aakumi inanebunu lombok tebenogo piige, At paga aakumi inabu'me piinok menggam lek eerogo piige,

Leendawi 3:38

At Tiyanak Lombok Menggerak nen ari kenok, maluk mendek inom, obeelom mendek inom, ninoba age menggerak nogo lek a?

Yetikiyen 32:8

Mbogut paga nen at eya eerogo pit nage menggerak abok aret yumaak eerogo pege, Eerogo punuk, Anggween paga time o apit eerogo pi woraagin o,” yinuk, at Aliku Itok Menggerak ALA nen aret yegerak o.

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 5:6

Togop me, at Aliku ALA mugurok wogwe kiinok, kineenik aret logomunggup o. Ndi, lek kenok, kani nen yi mendek ndi mendek lek eerogo nengge menggi kwak, Kit kinanebunu Yutup paga wiganak mendek togop aret lek eerogo pinagage, O Mbeten kani nenet nage me, aakumi nen nogonogo puurak lek kwak, eerogo pinagage, Eerigin o.

Nakum 1:8

Niyo wu'nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

Yurat 1:13

niyo kilaarak-mogonik eeke logonet, eyak-nggoyak eerogo nippit wage menggi kwak, it aap ti, eekulik mendek kagak togop aret ugun-ugun eerit nugwi, ndi, laaluguragan inobaane'me lombok wonogwe iigak, ambiret ambi nggigik togon, pinda agan lek ari nage menggi kwak, eerit nugwi, eeko menggaarak me, at Ala nen o apit aago me mondok-mondok logowak nduk, inake ogobakkigirogo piyareegerak wonage agaarik o.

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.