Yetaya 45:4 - Ala Wone Peenok Peebi Mbanak

⁴ Nayeloman mini Yakup mendek yeenggwaarage, An leenogo piyareegirak Iterali yeenggwaarage, Eerenok nduk, Kat nen an neebe liippanega'lek keegak kwe, Kat kendage kunogo wiigege nagarik, yabu iya lombok unde logonok nduk, mippagagirak o.

Yetaya 45:4 ပူးပေါင်းရင်းမြစ်များ

Ndawi 136:22

Ayeloman mini Iterali eyate kwak Unde eeppiyareegerak me, “Wa,” yogo logonip o. & Ninabuwa mbake ti, itok kunik wonage o.

Yetaya 43:1

Togop aret wonogogurak kwe, Kat Yakup wae. Kat mendek nggwok aruwak nduk leenogo pagage, Kat Iterali wae. Kat mendek wiganuwak nduk eerogo pagage, Eereegerak Aliku ALA nen ari logonet, “An wondet eerogo piyareegirak me, inagabiti mbarugwaarik o. Inendage kunogombo wiiragagirak me, it an napuri aret agaarik o.

Yetaya 43:14

At Kikak Nakeelik Alik Leenak Wondet Eerogo Pinagaga kit Iterali kinogoba Aliku ALA nen yegerak nogo yi o. “It wondet agago piyaawak nduk, aap ineegin warak o Mbaben nappiige neenok, It aakumi Mbaben mendek nogo inayumoogi mban nggerok inayiiro abe ogobakkigirik kenok iniki tiyappatit nugwi nogo paga unggwi nanuk kole mbaganugun o.

Yetaya 44:1

“Togop aret eerigin kwe, at nayeloman Yakup ti, An leenogo pereegirak Iterali ti, Yogondak an wone yoge yi, aruk konengge logowak o.

Yetaya 44:28

Ndi, ndomba ndegeninaka kwak, an napuri eeppiyoorak abok aret ninikilom mbake nogo aap Koreti eeruwak nduk yoge, O kota Yerutalem obaane'me wuko logonip o, yuwak nduk, eeppege, Ala awi owak kwippit nogo logonip o, yoraawak nduk, eeppege, Eereegirak ti, Naliku ALA an aret o,” yinuk, yegerak me, yagi o.

Matiyut 24:22

Aaninggin-paaninggin inoba piyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek nogo inookwi iyo, kuli pigin aret o.

Marakut 13:20

Aaninggin-paaninggin eeppiyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek inookwi iyo, kuli pigin aret o.

Nappiigak 17:23

O kota yime kit kugi eerit nogo monggo'nom nenegen kanet nage logonet, kugi eeko monggo'nom ambi, Ninogoba Endage Nineenggo'lek Eeko Monggom o, yinuk, liiru mbanak pugunik nenegen kagarak. Kit kineenggo'lek logonet, ayuk wuppunuk alut eeko monggotak ti'nogo an nen yokkira o.”

Oroma 11:7

Ti kenok, it Iterali ti, nonggop o? It Iterali abok nen, “Nit obeelom agago pinaniyak nduk, nonggop eeruwi o?” yinuk, eekaatak mendek, eeppiiga'lek aret wonagagerak kwe, it ando mbuuluk miirinabeegerak nogo mban obeelom eeppiige nagagerik, it ando apit aret iniki omaawi agago piyareegerak.

Oroma 9:6

It aakumi Iterali mendek nda'nogogwaarak nogo abok aret Iterali mendek lek o. “Iterali mendek lek,” yokkirage ti, “Ala nen Abarakam abok yoreegerak nogo, mbeyok yereegerak o,” yinuk, an yokkirage lek o.

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek