Yetaya 45:16 - Ala Wone Peenok Peebi Mbanak

¹⁶ It aap kugi ogut ogobakkigiko menggaarak nogo abok aret inenggali age, abe age lek paga inendage maluk age, Miyuk-meya eerogo piigwi iinok, inenggali mbakak nugwi, Eeko logogun kwe,

Yetaya 45:16 ပူးပေါင်းရင်းမြစ်များ

Yetaya 44:11

At inom, inom eerit nugu menggaarak inom, inenggali arugun o. It ineenggi amburu eekwi ti, aap mban aret o. It aap ti abok kuwak a'nuk, ambugwi aret inaana'le mbanggolaawok nduk, eeremenggaarak kwe, Inaganak wako logonet inenggali arugun o.

Yetaya 44:9

It aap kugi ogut ogobakkigika ti, abe lek o. Ndi, it ogobakkigippunuk, iniki kunik eekwi ti, aanom warogo aret eekwi, It aap ogobakkigika ti, inigen mbuk kwak logonet eekwi, Kobak logonet eekwi, Eekwi me, Inenggali arugun o.

Yetaya 42:17

It aap iniki inagugiwak paga panggombugwi, Ninogoba alut eekwi kit aret o, yinuk, inagugi ogut nogo yorogwe, Eekwi nogo perak, An mbo piyaagin me, mondok inenggali arugun o,” yinuk, yegerak.

Yetaya 45:20

“It yi aakumi ndi aakumi inenggela'me nen kole mbaganit nogogwaarak abok aret ti, Kuwak ogo logomenggaarik, nowagam wogwe, Nowagam wa'nuk, ninom wone mbanggwi, Eeko logowok o. It aap inagugi ogut eyo paga ogobakkigirik wonok nugwi, Inagugi ogut eerak nen yeenggwaaroorak meek kagak, nggino yogwi, Eekwi nogo ti, Ineenggo'lek wi negen aret wonogo agaarik o.

Yetaya 41:19

O karume eyo kilu inom, liibu inom, yino inom, tayitun inom, yarogo pit nage, Karume aakumi lek me eyo kilu-kilu mendek eyo nggabina inom, eyo ndiindi inom, yarit nage, Eerigin o.

Ndawi 97:7

It aap abok aret kugi inogut ogobakkigippiinok inalut eekwi, “Ninagugiwak iya o,” yinuk, tiyappiigwi, Eekwi nogo Inenggali arugun me, Kit yi kugi ndi kugi yi wae. Aliku ALA abu'me tebe yinuk alut eeko logonip o.

Yeremiya 48:13

Eekwi iinok, it Iterali mendek inagugi o Mbeten mippugu paga iniki panggonak wonogogwaarak kwe, Inenggali ogogwaarak kwak, it Mowap mendek inagugi Kamot yeenggwaarage lek kenok, inenggali arugun o, yinuk, Aliku ALA nen yegerak o.