Yetaya 43:9 - Ala Wone Peenok Peebi Mbanak

⁹ Yi aakumi ndi aakumi abok aret kuwak ari wogwe, Aakumi inanebunu lombok kuwak eekwi, Eekaarak wonogwe inenggela'me aap ta nen wone ti eenu negen yoranet nage, Aa'nduk eereegerak nogo eeka'lek kagak, “Peebi ndogop eerigin o,” yinuk, yorage, Eereegerak mbakop? “Abet aret eekaarak,” mbaruwak nduk, it mendek nen inigen kagaarak kenok yi wogwe, Inoone yogwe konembunuk, Wone ti, abet aret yaga, mbaruwak nduk, mbinini wogwe, Eeruwak o.

Yetaya 43:9 ပူးပေါင်းရင်းမြစ်များ

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Yetaya 34:1

Kit yi aakumi ndi aakumi yi wae. An nowagam kuwak ari wa'nuk, an ari kinaruk konenggwi, Kit kinanebunu lombok yi wae. An yokkirage yi, liippugwi, Ee'nip o. O nggween paga inom, yi mendek ndi mendek nggween paga wonage abok aret inom, inaruk konenggwi, O irip-irip inom, yi mendek ndi mendek wiganit wundi wage menggerak inom, an wone yigin yi, liippugwi, Eeko logowak o.

Yetaya 41:1

“Kit o irip-irip nggween ku'mbanak lombok monggotak yi wae. Kinoone ugun-ugun yaga'lek kinaruk mban konenggo logonip o. Kiniki aaninggin wonogwe nogo tayok yuwak nduk, Kinanebunu lombok kiniki ambit eeppunuk wone koonogo pugwi, An yo'nirubagip nduk, nowagam wogwe, Eekwi kiinok, Aakumi inowak loonggo menggam kuwak eeppunuk, ninom wone amburu mbanuwok o.”

Yetaya 43:26

Aa'nduk eerit wogogwaarak nogo aberogo yo'nugwi, Nit maluk eerulik abe mban eerit wogogurak, yogwe nogo liippunuk, Ninom owak loonuwok nduk, wone kin eeppugwi, Eeruwak o.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yetaya 48:14

It apit aret kuwak ari woraawak o. Kuwak ari wogwe iinok, wone yorage neegak, inaruk konenggo logowak o. Wone an yorage yi, inagugi inenggela'me wonage nen ambi yoragaarak mbakop? Naliku an ALA nen aakumi Mbaben mendek eeppiyoorak kooneegirak nogo ndak-ndak eeruwak nduk, Aap an leenogo pereegirak nogo nen aret eerigin o. At eenggi omaawi paga aakumi Mbaben mendek eeppiyaagin o.

Yetaya 48:3

O maan aa'nduk togon wone arit wagagerak nogo, eeka'lek kagak, Ndogop eerigin o, yinuk, yorage, Eeka'lek kagak yorage, ineenu eeppiinet nage, Eeke nagagirik, Ti'nuk, yini-panip eereegirak paga wone ti abok aret kin agagerak.

Yowen 3:11

Yi aakumi ndi aakumi o ilin-ilin wonogwe abok aret mbet-mbet wogo logomenggaarik, o kobappaga time kuwak eeri wogwe, Eeko logowak nduk, Yoranet nogo logonip o. Kaliku ALA wae. Kawuri wim eeka wogoren mbet wura mok o.