Yetaya 43:2 - Ala Wone Peenok Peebi Mbanak

^2-3 An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yetaya 43:2 ပူးပေါင်းရင်းမြစ်များ

Ayup 5:19

Aaninggin ne 6 kuli nggwik togon koba pagage kwe, at nen kagap ndake, Ndi, ne 7 kuli koba ariyak nduk eeke kwe, non mbanogo pagage,

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Ndawi 66:10

Ala wae. Kat nen ninabut mbanogo pinanege, Mbuti perak abinak aruwak nduk, Kani worako mengga kwak eerogo pinanege,

Ndawi 66:12

It nit ninom ogoorak nen Iniyok aan lebenogo pinanit nawak nduk mbo pinanege, Kani kunik kagak, niyo wurik kagak, mbo pinanege, Eereegindak kwe, Nineebe op logowok nduk, o yi mendek ndi mendek Obeelom mban menggim pinani wagagindak o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Wundeegwaarak 3:12

Yoge mbareegi, at Ala nen Muta yoge, “An yeenggwa kirigin lek mbaken? It aakumi Iterali mendek o Metit wonogwe nogo wogoren wundi woraanuk, puut yi paga an nalut eeri wogo logomonggotik kenok, Ala nen abet aret nappaneegerak kagi, yinuk, keenu arumunggun o.”

Yetaya 30:27

At Aliku ALA nogo o nda nen kin ari wa'nuk anini kani kunik negen eeke, Ka'luk yarugu-parugu eeke enggela'me wage, Anini lombok inikime logonet, oone ari, Kani nen iri'ngga yoguk togon eeke menggi kwak oone togop ari,

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Yeremiya 42:11

Aliku ALA nen ari logonet, At aap Mbaben inowe endagembogut eebe paga inagabiti mbakwi nogo, inagabiti mbarugwaarik o. An nen it ninom wonage me, an nen aret inagap ndake, ndi, at eenggime nen wondet eerogo piige, eerigin me, inagabiti mbariyak mage o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Ndaniyen 3:23

Ndi, it ineebe kenagan Tarerak, Metak, Abe'nego nogo, keele abu maarak me kani omoonuk wunuk ari me enggela'me nogome yobok togon wambeegwaarak.

Agayi 1:13

Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

2 Timotiyut 4:22

Ninowe Yetut iniki kunik en eeppagage logonet, karum aret logogin o. Wa!

Iberani 11:29

Ala nen yoragagerak nogo abet mbako logonet, nggween woloonak paga nugu mengga kwak, Iterali mendek nogo niyo Merah yenggenak paga wunda wogo mbareegwa, it Metit mendek nen togop aret wunda woraawok nduk, eekwi me, niyo ndonggoninabeegerak o.

Yotuwa 1:5

An teppagage, eraangge mbo paganuk mbagangge, eerigin lek at Muta nimbirak wonagagirak nogo pogom kat nimbirak mondok aret logogun me, kat keenik wonage keegak, aap ambi nen tebenogo pagagin mondok lek o.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.