Yetaya 42:7 - Ala Wone Peenok Peebi Mbanak

⁷ Aakumi inigen mbuk wonogwe nogo inigen paganogo piige, Keele maarak wonogwe nogo piinogo wumbiige, Ndi, it aakumi o apit me keele maarak negen wonogwe nogo keele piinogo wumbiya wage, Eeke logonok nduk, An panggonggake logonet, karum logogin o.

Yetaya 42:7 ပူးပေါင်းရင်းမြစ်များ

Ndawi 97:7

It aap abok aret kugi inogut ogobakkigippiinok inalut eekwi, “Ninagugiwak iya o,” yinuk, tiyappiigwi, Eekwi nogo Inenggali arugun me, Kit yi kugi ndi kugi yi wae. Aliku ALA abu'me tebe yinuk alut eeko logonip o.

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 42:22

Aakumi alik nen it aakumi yi, inooppiinok inagugun waganggwi, Iname unggwi nanuk, inamendek kologwe, Mbuun ambena mbo wuppiigwi, o keele maarogo mambiigo menggam kumaarogo piya unggwogwe, Eeko menggaarak o. Ineebe tebenogo piinok, inagugun waganggwi iigak, it ambi nen yeenggwaara wogwe, Iname unggwi nanuk inamendek waganggwi iigak, it ambi nen munogo nappiiga'lek wonogwe, Eeko agaarik o.

Yetaya 61:1

It aakumi tebenogo piinok wonogwe nogo wone obeelom wone yorage logokit nduk, Aliku ALA nen amburu eerogo mippanegerak me, Aliku Itok Menggerak ALA Aberiniki noba panegerak wonage agaarik o. It iniki wakkologwe nogo iniki teeluk eerogo piige, It keele maarak wonogwe nogo, “Muk wondet eerogo pinagagerak o,” yinuk, yorage, It keele maarogo piigo menggam piyareegwaarak wonogwe nogo, “Wumbiya wa'nip o,” yorage, “Aliku ALA nen obeelom eeppinaniyak tahun nogo yi aret aga o,” yinuk, agan nage, “Ninogoba Ala maluk onggo eeppiyoorak ne nogo yi aret o,” yinuk, yoranet nege, It aakumi apit aret iniki puru yogwe wonogwe nogo iniki eyak wappiige, O Tiyon le yogo logonet, purok inanobak paga yikut eerak obaane'me inabetagi ngget mendek yirippiige, Iniki puru aago wonogwe nogo obaane'me nggiraanak eeppiinet nage, It iniki aaninggin ndugu aago wonogwe nogo inale'nggen nen ndawi wako logowak nduk eeppiige, Eeruwak nduk, Nappani wagaarak o. It aakumi ti, at Aliku ALA abu tiyanak, “Wi!” ugwi nogo, aakumi inigen kogo logowak nduk, Awi luurogo punuk, yappereegerak aakumi nen, “Eyo teno kwak Obeelom Mban Eeka,” yinuk, yogo logorak nogo it aret o.

Yetaya 9:2

It aakumi o apit paga logonet, eerit nugwi nogo, Eya nggwok lombok inigen kogogwaarak o. It kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak.

Mika 7:9

Nit Ala abet aret maluk eeppogoorak me, Aliku ALA ninawone mbangge, “Eekaarak onggo ndogop eeppiyoorak o,” yinuk, a'me nggelok eerogo pinanege, Eeka'lek kagak, At anini eeppinanege nogo, “Op aret o,” yinuk, waganggo logogun o. Nit o apit me nen wo'niren o eya paga pinani wage, A'me nggelok eeppinanege, Eeke kaagun o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Lukat 24:45

Yorage nagagerik, Ala wone liiru mbanak tena'me kaawak nduk, iniki eya eeppiyareegerak.

Yaya 9:39

Ayuk wuke mbareegi, at Yetut nen, “It inigen mbuk kenok inigen obeelom eeginake, inigen obeelom kenok inigen mbuk eeginake, eeke logonet, kinowak loonogo pinagakit nduk, an o nggween paga yime wambi wagagirak o,” yinuk, yoragagerak.

Yaya 9:7

Nabembege nagagerik, “Wulaga! Kat yi yenggenak Tilowam koori nak o.” Yoge mbareegi, koori nage nagagerik, enegen obeelom a'nuk wagagerak. (Yi yenggenak Tilowam yereegerak nogo ti, nit ninoone paga, Nappereegim, aret o.)

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

2 Timotiyut 2:26

Ala nen togop eeppiige kenok, Ibilit mbake menggerak eeko logowak nduk, keele maarogo piyareegerak kagak, iniki warak a'nuk, keele nogo piinggo'nok wundi wogo logogun o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

Wayu 3:18

It inagap mbelanak nugwi me aakumi nen inigen iigwi iinok, inenggali ogwe iyo, inayum laambu yanggwi negen yikkolaawak nduk kunggologwe, inigen mbuk nogo obeelom a'nuk yi mendek ndi mendek inigen kaawak nduk, amburu inigen me puurak kunggologwe, ndi, abe mendek paga ineenggi warak aruwak nduk, an nawu mbuti emas abe kani paga worarak nogo mendek inom onggo kunggologwe, eeko logorak yoraawak nduk, yoriyak, yokkigi o.