Yetaya 42:16 - Ala Wone Peenok Peebi Mbanak

¹⁶ It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 42:16 ပူးပေါင်းရင်းမြစ်များ

Wone Alom Kibingga 1:15

Koonak lek nggolawe kenok koonggwi, Yi mendek ndi mendek lek kenok ineenggi lingginggwi, Eeriyak meek aret o.

Wone Alom Kibingga 7:13

At Ala nen eeke menggerak yi liippinip o. At nen nggolawe eerogo pegetak nogo aap ta nen koonogo puurak mbakop?

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 29:24

It aap eeriyak kagak nomo agan nogwe nogo yelok kogwe, Ineebi-ineeba yogo menggaarak nogo wone mamunirogwe iinok, Abet aret o, yinuk, waganggwi, Eeko logogun o,” ari kagarak me, yokkiragi o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 30:21

Tu agigan paga nogwe, ogugan paga nogwe, eekwi kiinok, kinambokan nen wone ambi ari logonet, “Tu ti aret me, ti paga nanip o,” yinuk, yokkirage kinaruk konenggo logomunggup o.

Yetaya 32:3

Togop eeppiinok wonage kenok, it aap inigen iigo menggaarak nogo inigen ambinom iiga'lek logogun lek inigen iigwi, Ndi, it aap inaruk konenggo menggaarak nogo lik togon konenggwi,

Yetaya 35:5

Ne ti eyom paga it aap inigen mbuk wonogwe nogo inigen kogwe, It inaruk logu nogo inaruk konenggwi, Eerugun o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yetaya 40:4

Nggween alu'me wonage kenok kagaakwi, Puurom nggwok inom, mbuuluk inom, ndenenggwi, Puut-aluk kenok kagaarogo pugwi, Tu tiyak-tebek kenok kobappaga eerogo pit nugwi, Eeko logonip o.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yetaya 41:3

At nen it mugogo-magago mappiinok, agabolo mbangga'lek nggare agan o ambi me yigirogo piinet nage, Eeke menggerak

Yetaya 45:2

“Kat nage keegak an aa'nduk nage logonet, puut-puut tebenogo pit nage, Tungga mbuti tembaga paga ogobakkigirik nogo kalenogo pege, Tungga mbuti paga nappet-wappet eerak nogo mbanogo pege, Eerigin o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 48:17

At Kikak Nakeelik Alik Leenak Wondet Eerogo Pinagaga Iterali inogoba Aliku ALA nen yegerak nogo yi aret. “It obeelom logowak nduk, mamunirage, Tu ndi paga nogwe iinok, op aret ari nage kaamunggup o, yinuk, yorage, Eeke minggirak Naliku inogoba Ala an aret o.

Yetaya 52:12

At Aliku ALA kinaame a'nuk aa'nduk wage, Iterali inogoba Ala kinage mbanit peebi aret age, Eerigin me, Kit mbet-mbet wundi wogwe, Kole mondok mbe agan wogwe, Eerumunggup lek o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 58:10

It aap mbi abu wonogwe iinok, it noorak mbakwi nogo aret wogorogwe, It aap tebenak mendek nen, Ndi mendek wo'niraawak lak, mbakwi iinok, wogorogwe, Eekwi iinok, It eya eeginake nogo o apit aago wonage nogome eya ari unggwage, It kunduk o apit aago wonogwe nogo o liingge eya kwak eerogo piige, Eerigin o.

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yetikiyen 14:23

Alom lek kenok lek, wonage kenok o Yerutalem eeppiyoorak nogo keenu arumunggun me, it ineraambe inom, eerit nugwi inom, maloppiige logomenggendik, Ti, ti nduk eekerak kagi, yinuk, kiniki kwi'narigin, Naliku Nitok Minggirak an ALA nen aret yagi o,” yinuk, an yo'nereegerak o.

Oteya 2:14

At Aliku ALA nen ari logonet, “An togop aret eerigin kwe, ti'nuk, O karume time nimbirak nawok o, yinuk, Noone yanggik-yanggok yo'nuk, wonok wundi nage logominggirik, O karume time nen at abuwa mbake logonet, noone yanggorogon yoge logogin o.

Oteya 2:6

an nen at aru nage menggim non mbanogo alok mban mik-kwit eerogo pege, At wundi noorak tu yelok kage kero, yugum pak yendok-wandok wurogo pege, Eerigin o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Lukat 3:5

Alu'me kenok, kagakwi, Puurom nggwok inom, mbuuluk inom, ndenenggwi, Tu yelok-nggolok kenok, koonggwi, Tiyak-tebek kenok, ndak-ndak aret eekwi, Eeko logonip o.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

Yotuwa 3:4

Tu nogwe kit kineenggo'lek me, it nogwe muguren mban noorak kwe, Ala aloobut mbanak wonage me panggorogon owagam nagup o. Ata, aloobut mbanak wonok oolo nogwe iigak, tayorogon metet seribu negen peenok-peenok namunggup o,” yinuk, yoragagerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.