Yetaya 42:12 - Ala Wone Peenok Peebi Mbanak

¹² It o irip-irip nggween ku'mbanak me wonogwe nogo abok aret Aliku ALA endage tiyappugwi, It wonogo menggam nogome Aliku ALA endage tiyanak me, yoranet nugwi, Eeko logowak o.

Yetaya 42:12 ပူးပေါင်းရင်းမြစ်များ

Ndawi 22:27

Kaliku ALA yi o ndi o unde wonage, Yi aakumi ndi aakumi abok aret Wone lengganogo yorage, Eeke menggendak me, It aakumi o irip-irip menggaarak nogo Kaliku ALA koba abeppunuk, Melak togon kowagam wogwe, Yi aakumi ndi aakumi inanebunu lombok kat kabu'me tebe yi wa'nuk kayuk wukwi, Eeko logogun o.

Ndawi 66:2

At endage abu tiyanak me, ndawi paga anep pugwi, Endage tiyappit nogo logonet, alut eekwi, Ee'nip o.

Ndawi 97:1

At Aliku ALA endagembogut aret o. Endagembogut aret me, O nggween yi nen ale'nggen mbake, Niyo oolo nggween ku'mbanogo pit nagagim inale'nggen nen ndawi lubuk yogwe, Eeruwak o.

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 42:4

O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.