Yetaya 41:8 - Ala Wone Peenok Peebi Mbanak

⁸ “Togop eerugun kwe, kat nayeloman Iterali yi wae. Kat an leenogo pagareegirak Yakup yi wae. At niniki kunik Abarakam paga wiganak yi wae.

Yetaya 41:8 ပူးပေါင်းရင်းမြစ်များ

2 Mbinineegwaarak 20:7

Ninogoba Ala o. It kapuri Iterali inaame kaa'nduk a'nuk it aap inawi yime menggaarak nogo mugogo wumbiinok, o yi, kat kore Abarakam ombowologwe wiganak nen mondok-mondok unde logowak nduk, eeppiyareegindak nogo lek a?

Ndawi 136:21

Inanggween waganogo eyate kwak wogoragagerak me, “Wa,” yogo logonip o. & Ninabuwa mbake ti, itok kunik wonage o.

Ndawi 136:22

Ayeloman mini Iterali eyate kwak Unde eeppiyareegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Yetaya 14:1

Aliku ALA ari nogo, kage logonet, “An nen at Yakup paga wiganak inabuwa mbake, Napuri Iterali ambinom leenogo piinok, iname wonogogwam logowak nduk, iniyokan piya wage, Eerigin o. Piya woraminggirak wonogwe me, it aap nggiru iya wogwe, At Yakup ombowologwe wiganak inom lambunna'nuk wonogwe, Eeko logogun o.

Yetaya 29:22

Togop me, at Abarakam wondet eerogo pereegerak Aliku ALA nen at Yakup paga wiganak yoroorak yegerak nogo yi aret. “Yogondak nen it Yakup mendek inenggali mbakwi, Inetenggen wandu aago nugwi, Eekwi nogo Ambinom eerugun lek o.

Yetaya 42:1

“An nen leenogo pateegirak niniki kunik eeke, Eerit nage kagak panggombege, Eeke minggirak nayeloman eeke logorak nogo yi aret. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Yetaya 42:19

Aap enegen mbuk ta agaarik mbakop? Lek o! Nayeloman aret! Ndi, aap an nappigirak aruk logu kwak ta wonage, Aap an noone wonok naga enegen mbuk kwak ta wonage, Naliku ALA nayeloman enegen mbuk kwak ta wonage, Eeko agaarik mbakop?

Yetaya 43:1

Togop aret wonogogurak kwe, Kat Yakup wae. Kat mendek nggwok aruwak nduk leenogo pagage, Kat Iterali wae. Kat mendek wiganuwak nduk eerogo pagage, Eereegerak Aliku ALA nen ari logonet, “An wondet eerogo piyareegirak me, inagabiti mbarugwaarik o. Inendage kunogombo wiiragagirak me, it an napuri aret agaarik o.

Yetaya 43:10

Aliku ALA nen ari logonet, “It an napuri ti, an eeke inigen neenok yoraga it aret o. It an liippanugwi, abet nombakwi, ndi, an Ala nalik aret ineenu ogwe, Eeruwak nduk, An nen leenogo piyareegirak nayeloman mini aret agaarik o. An aa'nduk nalik nitok neegak, Ala alik ambi logolik o. Ndi, an peebi logogin lek kenok, Ala alik ambi wonage logogin lek mban.

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Yetaya 44:21

Ala nen ari logonet, “It Yakup mendek ti, an wone yorage yi, abekwi, It Iterali mendek ti, an nayeloman mini aret me, liippugwi, Eeko logowak o. An nen aret ogobakkigirogo piyareegirak me, it an nayeloman mini aret agaarik o. It Iterali mendek ti, an nami eerogo piyaagin lek o.

Yetaya 45:4

Nayeloman mini Yakup mendek yeenggwaarage, An leenogo piyareegirak Iterali yeenggwaarage, Eerenok nduk, Kat nen an neebe liippanega'lek keegak kwe, Kat kendage kunogo wiigege nagarik, yabu iya lombok unde logonok nduk, mippagagirak o.

Yetaya 48:12

“It Yakup paga wiganak ti, An leenogo piyareegirak Iterali mendek ti, An wone yorage yi, inaruk konenggo logowak o. An ti, nalik an aret o. Aa'nduk togon wonagagirak peebi irip paga mondok logogin ti, an nalik aret o.

Yetaya 49:3

“Kat an nayeloman Iterali aret o. Kat eerit nage paga aakumi nen, Iya! yinuk, an nendage tiyappugun o,” yinuk, yo'negerak kwe,

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetaya 63:16

Kat ninogoba aret o. Ninombo Abarakam nen nit liippinanege, At Iterali kunduk, Yi an paga wiganak aret, ninombake, Eekulik aret kwe, Kaliku ALA wae. O maan nen kendage ti, Wondet Eerogo Pinanega ninogoba kat aret, yogo monggoorak.

Yeremiya 33:24

“It leenogo piyareegerak ti, ogoo'nogo nogogwaarik, inanebunu mbere ogogwaarak nogo Aliku ALA nen, E o, mbarulik mbo piyareegerak kogo o, yinuk, it aakumi nen yogo logonet, an napuri meek eerogo piigwi, It aakumi inanebunu abe mendek lek o, yinuk, yogwe, eekwi nogo kat liippiige agandik ilik lek a?

Ala Unde 25:42

It aakumi Iterali nogo ti, An nayeloman aret o, yinuk, o Metit nen wogoren wundi wagagirak me, aakumi inayeloman logowak nduk kuninako mengga kwak, it Iterali inayeloman logowak nduk kuninako logorak mage o.

Maleyaki 1:2

Aliku ALA nen ari logonet, “An nen it Iterali niniki kunik eeginake neegak kwe, it nen yogo logonet, Nonggoti agago iniki kunik ee'ninake me yo'nirage agaarik o? yinuk, kin wo'neegwi iigi,” yegerak o. “At Etawu ti, Yakup oweeluk nogo lek a? Oweeluk aret kwe, an nen at Yakup niniki kunik eeke,

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Nggalatiya 3:19

Ti kenok, Ala nen wone Muta yoreegerak nogo ti, nonggop nduk yoreegerak mbakop? Lek o. Abet mbakwi paga woorak yoreegerak wone nogo, eebe kin ari waga'lek kagak, maluk aa'nduk kin kogo logowak nduk, wone Muta yoreegerak ti, inom nabenogo yoreegerak. Wone Muta yoreegerak nogo ti, Ala nen nok-nok aakumi Iterali yoroolik. Ata, it malayikat nen waganogo aap nggween paga mendek ambi yogo mbareegwa, at nen wonok aakumi yoragagerak.

Pelaareegerak 10:15

Togop aret kwe, at Aliku ALA nen kit kinombomini nogo inabuwa nggwok lombok mba'nuk iniki kunik aganake nagagerik, aakumi inanebunu andorogon wonogwe iigak, inombowologwe kit mban miirogo pinagareegerak yogondak wonogwe kit yi aret o.

Yakobut 2:23

Ti eereegerak paga, “Aap Abarakam nen Ala abet mba'nuk iniki at oba panggombereegerak paga, Ala nen, Aap yi abe o, yinuk, obeelom agago pereegerak o,” yinuk, Ala wone liiru mbanak nogo a'me lik ari mbareegi, at Ala nen, “Aap Abarakam nogo ti, an nore aret o,” yinuk, yereegerak.