Yetaya 41:5 - Ala Wone Peenok Peebi Mbanak

⁵ It aakumi inawi niyo oolo ku'mbanak paga wonogwe nogo, ti eeke inigen kogo nagaatik, inagabiti mbakwi, It aakumi o irip-irip wonogwe nogo inaganak wakwi, Eeko logonet, Kuwak eeko agaarik o.

Yetaya 41:5 ပူးပေါင်းရင်းမြစ်များ

Wakkagagerak 10:5

It aap yi paga nen yi aakumi ndi aakumi inawi yi aa'nggi paga inanggween inalitak lombok logonet, inanebunu inom, inoone inom, inalitak aret wigannarit nogo nogogwaarak.

Ndawi 65:8

O irip-irip wonogwe abok aret eerubok eeke menggendak inigen kenok, “Ia!” yinuk, inagabiti mbakwi, Oonegen lagi wage menggim alom me nen nok, irip me Oonegen kilu yi nage menggim wonogwe abok aret kat eeke inigen kogo logomenggaarik, Inale'nggen nen keekok yogwe, Eeko menggaarak o.

Ndawi 65:9

O nggween yi, kat unde wake logonet, mayu wuppit wage, Nggween mili lubunogo pit nage, Eeke menggendak paga Anggen ka'let age menggerak o. It aakumi inambi-inombaato ambik nonggo logowak nduk, Kat koonogo piige menggendak me, Yi niyo ndi niyo nage nogo porok ari kero, niyo mban logowak nduk, mayu wambi wage,

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Ndawi 67:7

Kale'nggen ninoba pinanege keenok, aakumi o nggween irip-irip wonogwe abok aret kayuk wuko logogun o.

Wundeegwaarak 15:14

Yi aakumi ndi aakumi inanebunu lombok abok aret konenggo logomenggaarik, inaganak wake, It Pilitin wonogo menggam wonogwe nogo inagabiti ambik mbakwi, It aap nagawan Erom mendek iniki ma'nage.

Yetaya 41:1

“Kit o irip-irip nggween ku'mbanak lombok monggotak yi wae. Kinoone ugun-ugun yaga'lek kinaruk mban konenggo logonip o. Kiniki aaninggin wonogwe nogo tayok yuwak nduk, Kinanebunu lombok kiniki ambit eeppunuk wone koonogo pugwi, An yo'nirubagip nduk, nowagam wogwe, Eekwi kiinok, Aakumi inowak loonggo menggam kuwak eeppunuk, ninom wone amburu mbanuwok o.”

Yetaya 41:6

Kuwak eeppunuk, at ambi nen ore ambi iniki kwippegak, at ambi nen ore ambi iniki kwippegak, Eeko logonet, “Kogogumbuk kiniki nu'lek logot o,” yinuk, yogwe,

Yetikiyen 26:18

Ndi, o yogondak perak, kendage lek age paga it o nggwok nenaarak niyo aa'nggi paga wonogwe nogo inaganak nugiranet nage, Ndi, it nggween ogobak mbanik paga wonogwe nogo nen keebe lek agandak konembunuk, inamineeri ne agan nage, Eereegerak o, yinuk, yogo logogun,” yegerak o.

Yotuwa 2:10

At Aliku ALA o Metit nen wokkiren wundi wage logonet, niyo yenggenak Laut Merah mogombunuk, nggween woloonogo pereegerak paga wumbinagi wage, it aap inendagembogut mbere Amori mendek niyo Yoraran oonegen wundi wage menggim pa'nggwe menggaarak inendage ambi Ok, ambi Tikon imbirak mondok inenggaawak lek eerogo piigwi, eereegutak nogo nit abu ninaruk konenggoorak o.

Yotuwa 5:1

At Aliku ALA nen niyo Yoraran mogonogo punuk, nggween wolooneegerak paga it aakumi Iterali wunda wogo mbareegwa, niyo obaane'me nagagerak nogo, it aap inendagembogut Amori mendek niyo Yoraran oonegen kilu yi nage menggim pa'nggwe wonogwe nogo inom, ndi, it aakumi Kanan mendek inendagembogut niyo nggwok yenggenak laut ambet paga wonogwe nogo inom, it abok aret inaruk konenggo nogogwaarik, iniki ma'na'nuk inomanggen tayok ari logonet, it Iterali ineebe paga inagabiti ogogwaarak.