Yetaya 41:25 - Ala Wone Peenok Peebi Mbanak25 O omarip paga pa'nggwe nen aap ambi woraawak nduk inikime eeppigirak me, at muk wage, Oonegen lagi wage menggim pa'nggwe nen nendage kunit wage, Eeke agaarik o. Aap nggabok paga togolowak ogobakkigika nen togolowak ogobakkigirikit nduk iyok paga nggabok amok mbangge menggi kwak, At aap nogo wage logonet, togop aret it inendagembogut nogo iyok paga aambirak-mbirak eerogo piige logogin o. အခန်းကိုကြည့်ပါ။ |
It Atiyut mendek nogo it aakumi an noone liirogon eekulik mendek inowagam nappiya wage, It aakumi an nanini eeppanugwi nogo inageerok ndinggologwe, Inamendek kugun waganggwi, Tu paga purok iniyok amok mbanogo pit nogo mengga kwak ineebe iniyok aambiranogo piinet nogwe, Eeruwak nduk, nappiya wage, Eerigin kwe,
Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.
Yoragagerak kuwak ari wogo mbareegwa, it yorage logonet, “Oonegen lagi wage menggim nen eegin tiyak yagak mban ari logowak nduk, ta nen eeppege, At eerukwak a'me nggelok eeppiige logowak nduk, ta nen yonggo pege, Eereegerak mbakop? At nen yi aakumi ndi aakumi tebenogo piinok, unde logowak nduk eeppege, It yi aap ndi aap inendagembogut tebenogo piinet nage logowak nduk eeppege, Eeke kenok, Awooluwak paga liirubu kwak eerogo piige, At eegin-omaale paga pubu anggen wiya nen wonok nggarek ari menggi kwak eerogo piige,
Ndi, ndomba ndegeninaka kwak, an napuri eeppiyoorak abok aret ninikilom mbake nogo aap Koreti eeruwak nduk yoge, O kota Yerutalem obaane'me wuko logonip o, yuwak nduk, eeppege, Ala awi owak kwippit nogo logonip o, yoraawak nduk, eeppege, Eereegirak ti, Naliku ALA an aret o,” yinuk, yegerak me, yagi o.
At nage kagak, aa'nduk yi aakumi ndi aakumi at abu'me logowak nduk, tebenogo piinet nage, Aakumi inoweewi inendagembogut ineegin-inomaale ndinogo wagangge, At nage kagak tu narak lek kuurik logowak nduk, aa'nduk tu paarogo pit nage, Eerikit nduk, Aliku ALA nen eenggi pippunuk, leenogo mippereegerak aap Koreti wone yogerak nogo yi aret o.
An nen eekaatak a'me nggelok eeppiige minggirak me, ndak-ndak aret eeke logonet, aap Koreti mippege, Ndi, at eerit nage logorak koonogo piige, Eerigin o. Ti eeke neenok, nagota Yerutalem obaane'me wuke, An napuri keele maarogo piya nogogwaarak nogo wondet eerogo piige, Eerigin o. Ti eerigin nogo ti, onggo wogoge, endage nggwok aruwak nduk eeppege, eerigin lek o,” yinuk, At Omaawi Lombok Menggerak Aliku ALA nen aret yegerak me, yagi o.
It malayikat ineebe 5 nogo nen Ala anini inarologowa'na togolowak inalitak lombok kilirogo wuppogo mbaka, ambi nen arologowa'na toolak nogo niyo nggwok endage Eparat paga kilirogo wuppege kagarak. Wuppege mbaki, niyo nogo porok yegerak. Niyo porok yegerak ti paga it aap inendagembogut oonegen wundi wage menggim nen woraawak nduk, inaru koonogo piige kagarak.