Yetaya 41:24 - Ala Wone Peenok Peebi Mbanak24 Kit kugi yi, abe lek mendek kagak agan nogo ogotik! Ndi, eerit nogo monggotak ti kunduk, abe ambi eeppiyoorak lek we aanom warogo eerit nugu monggotak me, It kinayuk wuko logowak nduk, miikkinakwi nogo inogole warak aret menggaarak o. အခန်းကိုကြည့်ပါ။ |
It ti nen wundi nogo logomenggaarik, it aap an noone eeriyak ineebi mbaka nogo inoorak inowak nggininik inigen kogo logogun o. O time ineebe inoorak waalo ninggippunuk nunggwi nogo kangga'lek ineenik mban wonogwe, ndi, ineebe kani nengge nogo noguk yaga'lek wunuk mban ari, eeke kenok, it aakumi abok aret inigen kogo logonet, inamineeri ne agan nage logogin o,” yinuk, yegerak me, abu aret yagi o.
Kugi ogut ogobakkigirik nogo ti, nggilu yarak me aap-aap agago pegaatak nogo pogom me, At nen wone mbangge, tu nage, eeka'lek kenok, aap nen piyaninuk nogo menggaarak o. Inagugi ogut nogo nen aakumi maluk eerogo piige, Aakumi obeelom eeppiige, Eekeelik me, At eebe paga it Iterali inagabiti mbarugwaarik o,” yinuk, yegerak me, yokkiragi o.
At Aliku ALA alut eekwi obaane'me kugi ogut at eebi mbake menggerak nogo mendek it aakumi ineenggi amburu paga yugum mendek a, eyo mendek a, nogo paga ogobakkigirogo pugwi, mbuti mendek paga longgo warogo pugwi, eeppunuk, kote alut eekwi iinok, pulunik aret logowak o, yogwe iinok, It aakumi abok aret nen, Abet aret o, yogwe,
Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.
O nggween paga eekulik mendek eerit nugwi, It kumi nen, “Ee'ninabi woraanip o, yinuk, yogwe, Eeka nogo inagalo o kota nggwok Mbaben an aret o,” yinuk, enggaawak paga endage ti, liiru mbanak wonagaarak. Ndi, endage mbanak wonagaarak nogo ti, eegu laarogo negen mbanak me, aakumi liippuurak meek aret wonagaarak.