Yetaya 41:22 - Ala Wone Peenok Peebi Mbanak

²² “Peebi ee'ninaburak, wone yo'niraawak o, yinuk, kinagugiwak wonok wa'nip o.” Yoragagerak wonok wogo mbareegwa, it kugi nogo yorage logonet, “Wone eebe nit liippugwi, Ndogop eeppinanigin kagi, yinuk, nineenu ogwe, Eeruwok nduk, Aa'nduk agagerak wone nogo yo'niroorak ilik,

Yetaya 41:22 ပူးပေါင်းရင်းမြစ်များ

Yetaya 41:26

Wone ti, nineenu aruwok nduk, o maan aa'nduk ta nen yo'nira wage, Abet aret yigi o, yinuk, yuwok nduk, wone ti eeka'lek kagak ta nen yo'nirage, Eereegerak mbakop? Lek o! At eerigin nogo ti, kit ambi nen nit yo'nirogwe, Kit ambi nen, Ndogop eeke kaamunggup o, yo'nirogwe, Eerulik o. Kit kinoone yo'nirogwe nogo ambit iluk ambi ninaruk konenulik mban o.

Yetaya 42:9

Yogop eeke kaamunggup o, yinuk, aa'nduk yereegirak nogo muk kin agaarak me, Yogondak wone ngget alik mendek eeppiyoorak yokkege, Eeriyak awo kin aga'lek kagak kat yokkege, Eeke agarik o,” yinuk, yoge kagarak o.

Yetaya 44:7

Togop me, an kokwak ambi ta agaarik mbakop? Wonage kenok, oone yiyok nda! Ari logomenggerik, at eenu nogo nenggaanom paga ari kaakit nduk, An maan aa'nduk nen napuri leenogo piyareegirak kuli nen nok-nok arit wagagerak nogo mbininogo yo'nege, Peebi ndogop eerigin o, yinuk, yo'nege, Eeri woraawak o. Abet aret yi woraawak nduk yagi o.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yetaya 48:14

It apit aret kuwak ari woraawak o. Kuwak ari wogwe iinok, wone yorage neegak, inaruk konenggo logowak o. Wone an yorage yi, inagugi inenggela'me wonage nen ambi yoragaarak mbakop? Naliku an ALA nen aakumi Mbaben mendek eeppiyoorak kooneegirak nogo ndak-ndak eeruwak nduk, Aap an leenogo pereegirak nogo nen aret eerigin o. At eenggi omaawi paga aakumi Mbaben mendek eeppiyaagin o.

Yetaya 48:3

O maan aa'nduk togon wone arit wagagerak nogo, eeka'lek kagak, Ndogop eerigin o, yinuk, yorage, Eeka'lek kagak yorage, ineenu eeppiinet nage, Eeke nagagirik, Ti'nuk, yini-panip eereegirak paga wone ti abok aret kin agagerak.

Yaya 13:19

Wone yi a'me lik ari kenok, kit nen, At eebe nogo yi aret kogo o, yinuk, kiniki noba panggombunuk, abet nombarubagip nduk, a'me lik yega'lek kagak, yogondak yokkirage agarik o.

Yaya 16:14

At nen an noone waganogo yokkirage logomenggerak paga an tiyappanege logogin o.