Yetaya 41:18 - Ala Wone Peenok Peebi Mbanak

¹⁸ Puut-puut puluk ko aago paga nen niyo kilanogo wumbi wage, O kobappaga niyo eneeri wumbit wage, Karume niyo lek nogo yilaa'nggun yenggenogo pit wage, Niyo eneeri wunggeelik nggween woloonak nogo niyo eneeri tuburubu wumbit wage, Eerigin o.

Yetaya 41:18 ပူးပေါင်းရင်းမြစ်များ

Ndawi 104:10

Kat nen aret niyo eneeri o kobappaga time Wundit nage logowak nduk eerogo pereegindak me, Puut aru-ogwe kagak oolo niyo wage menggerak o.

Ndawi 105:41

Puut lunik nggaganogo pege mbareegi, Niyo kilak togon wundi wage, Niyo nage kwak, yi lek me karume wu'nuk nage, Eereegerak.

Ndawi 107:35

Ti'nuk, o karume nogo niyo yenggenogo pit nage, Nggween mbuk nogo niyo eneeri kilanogo wunabit wage, Eeke nagagerik,

Ndawi 126:4

Togop me, Kaliku ALA wae. O ame pa'nggwe karu nggwok nogome yi porok ari kenok, Obaane'me woraawak nduk eeppege menggendak pogom Nit aa'nduk wonogogu kwak eerogo pinanu o.

Ndawi 46:4

Niyo ambi elaganggen alitik-alitak wage nen At Tiyanak Lombok Menggerak Ala agota alik leenak menggim wonogwe nogo Iniki ale'nggen eerogo piige menggerak o.

Yetaya 12:3

Aap niyo abu nen niyo miin toologo nengge kenok iniki yawe ari menggi kwak, At Ala kinagap ndaremenggerak paga kit togop aret kiniki ale'nggen alik negen eekkinake kaamunggup o.

Yetaya 30:25

Aakumi mondok iya lombok inoorogo piinet nage, o nggorek wurik langgunogo wurabit wage, eeke eyom paga puut tiyarogon paga inom, puut teberogon paga inom, abok aret niyo elaganggen alitik-alitak wundi wage logogin o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yetaya 33:21

O time Aliku ALA ninom logonet, omaawi lombok paga ninili ari logogin o. Niyo mondok nggwok lombok wage, niyo eneeri abe wundi wage, Eeke menggi kwak, O ti togop aret logogin me, Ninawim mendek nogo eyo mbanak ndoonak paga alelo mbanit wunda wogwe, Yiiro kole paga wunda wogwe, Eeko logogun mondok lek o.

Yetaya 35:1

O karume inom, nggween mbuk ka'let-ndi'nduk eerak inom, nen inale'nggen mbakwi, O karu ale'nggen nen anggen mbilanogo wumbege kenok, ambit-mbit warit nage, Eerugun o.

Yetaya 48:21

At Ala nen kinombomini tu niyo lek me, o karume wogoren wage logonet, Yugum paga nen niyo wundi woraawak nduk eeke, Yugum nggaganogo pege kenok, it inake niyo kila-kila wundi wage, Eereegerak me, It niyo abu lek aret wogogwaarak o.

Yetaya 58:11

Naliku ALA nen pigiren nage, Niyo lek nggween woloonak paga wonogwe iinok, yi mendek ndi mendek obeelom wogorage, Inomaawi eerogo piige, Eerigin o. Yi mendek ndi mendek yarak nogo obeelom aruwak nduk niyo kilirogo pogo mengga kwak eerogo piige, Niyo eneeri porok arilik kila-kila wungge menggi kwak eerogo piige, Eerigin o.

Yetaya 65:13

Togop aret me, Aliku Itok Menggerak ALA nen wone yoragaarak nogo yi aret o. “It an nayeloman mini inambi nonggo logogun kwe, it perak, inambi nengga'lek abu aret wonogwe, Nayeloman mini inagi nonggo logogun kwe, it perak, inagi nengga'lek yi abu mban wonogwe, It an nayeloman mini inale'nggen mban mbako logogun kwe, it perak, inenggali mbakak nugwi,

Yowen 3:18

Ne ti eyom paga puut-puut yabume eyo anggur amburu nggi-nggi wambit nage, Ndi, puut-puut teberogon inaanggumi inagari'ngga abe mban mbanogo nenet nugwi paga inelak amburu tene-tene wambit nage, O Yekura nggelok-nggobok me abok aret niyo nage nogo porok yaga'lek nage mban wonage, An nawi wurik me nen niyo eneeri kila-kila wungge logonet, o Titim Kobappaga time miin eerogo pit nage, Eeke logogin o.

Takariya 14:8

Ne ti paga niyo ineenik aganake logorak o Yerutalem paga nen wungge logomenggerik, mogonogo ando oonegen lagi wage menggim pa'nggwe laut paga kuni nage, ando oonegen kilu yi nage menggim pa'nggwe laut paga kuni nage, eeke kagak, o kibi age, o mayu wage, eeke logogin o.

Wayu 22:1

Ti kage nagarik wonage me, malayikat nogo nen, an yo'nege logonet, “Niyo aakumi ineenik aganaka eneeri mili lombok mbini kin nogo, Ndomba Aagaluk Ala imbirak wone lengganogo yorogo menggam abu'me nen, kilak togon wungge nagaarik, o kota tu yarak eraaninu nage ti, kenegen pekket o,” yinuk, yo'nege mbaki, pekkage me, niyo nggwok nage nogo aa'nggi yibagan-enebagan eyo aakumi ineenik aganake menggerak awi yarak me, tut ambi penengge paga ne ambit paga anggen yi'nage, tut ambi penengge paga ne ambit paga anggen yi'nage, togop aret eerit tahun ambit eerak paga ne 12 paga aret anggen yi'nage kagarak. Ndi, eyoongga nogo ti, yi aakumi ndi aakumi andi aganake kero, obeelom aganaka inake aret wonage kagarak.

Owak Loongga 15:19

Yoge mbareegi, Ala nen o Eegwak Nenenak time yugum eno pelengge mbareegi, niyo eneeri time nen wundeegerak. Wungge mbareegi, niyo nogo at Timoton nengge nagagerik, omaawi age, iniki linggolage, eereegerak. Ti eereegerak paga yi eneeri nogo endage, Ala Yoge Kenok, Yi Wogoreegim o, yinuk, yogo nogogwaarak me, niyo ti, o Eegwak Nenenak time yogondak wonage aret o.