Yetaya 40:7 - Ala Wone Peenok Peebi Mbanak

⁷ Aliku ALA ambe aagi pu eerogo nappege paga iri'ngga nogo mbuk age, Iri'ngga anggen nogo mono-mono wangge, Eeke menggi kwak, It aakumi ineebe togop aret ogo menggaarak o.

Yetaya 40:7 ပူးပေါင်းရင်းမြစ်များ

Ayup 14:2

Iri'ngga anggen ne ambit liingge laambu yege nagaatik, mono-mono wangge, Aakumi inagalu'mak nogo ti, elaambirik wonageelik mbet-mbet lek age, Eeke menggi kwak, It aakumi nogo ti, togop aret ogo menggaarak o.

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ayup 41:21

Inambebubu paga nen kani wunuk ari, Inambe me nen kani omoonuk wunuk agan wungge, Eeke menggerak.

Ndawi 102:4

Iri'ngga taganak teebat age menggi kwak, Niniki togop aret ee'nake me, Mbi noorak nogo kobak eeppunuk wonage,

Ndawi 103:15

Nit aakumi nineenik wonogwe nogo ti, Iri'ngga kwak wonogo monggoorak o. Iri'ngga yabume anggen laambu aberogon yegetak me,

Ndawi 103:16

O wiya wage logonet, mononogo wuppege kenok, Eebe lek aret aremenggerak paga “Ndogop yarak wonagagerak o,” yinuk, yogolik Abu kobak mengga kwak aret wonogo monggoorak o.

Ndawi 90:5

It aakumi ugun nogo yugwi iigak, iniki nggerok togon wonok nage menggendak o. It aakumi ti, O kubondendok iri'ngga anggup larak kwak wonogwe,

Ndawi 90:6

Iri'ngga nogo o kubondendok anggup lake nagaatik, O kiyoma teebat a'nuk mbuk age menggi kwak wonogwe, Eeko menggaarak o.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 37:27

It o time menggaarak nogo ti, Yi mendek ndi mendek yabume yarak kwak, Awi yarak mili lombok mbilangge menggi kwak, Oo'ngget maarak paga iri'ngga laganggetak anggen yega'lek kagak teebat arit nage menggi kwak, Togop aret wonogwe me, inomanggen tayok ari logonet, Iniki ma'nage, inenggali ogwe, Eekaarak o.

Yetaya 40:24

Awi awo yakwi, anggen awo yumbunggwi, Omanggen yaruwak nduk, mbanogo nggween me awo tebenggwi, Eekwi iinok, At ambe aagi pu eeremenggerak paga teebat eerogo punuk, ameneno kwak aremenggerak me, o wiya warit wage logonet, wonok ma'nage menggi kwak aap ti, togop aret eeginabigin o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Agayi 1:9

At Omaawi Lombok Menggerak Aliku ALA nen ari logonet, Anggen ambik aret mbanggoloorak mbareegwaarak kwe, mbuuluk mban mbanggologwe, ndi, mbuuluk mban mbanggo'nok iname pi wogogwaarak nogo, o wiya nen wonok ma'naruwak nduk, eeppege mbareegi, wonok mappege, eereegerak nogo ti, nonggop nduk eereegerak? Ti eereegerak alom nogo ti, an nawi wurik langgu-langgu aago kagak, it inalitak lombok inawi wukkoloorak kenok mban iniki taganak eerit nugwi ti paga eereegirak o.