Yetaya 40:5 - Ala Wone Peenok Peebi Mbanak

⁵ Aliku ALA mondok tiyanak menggerak nogo kin ari wage kenok, It aakumi abok aret nen ndak-ndak inigen kogo logogun o,” yinuk, Aliku ALA nen aret yegerak me, yagi o.

Yetaya 40:5 ပူးပေါင်းရင်းမြစ်များ

1 Endagembogut 14:11

It Yerobeyam paga wiganak o kota kanggwi iinok, nggeewo nen ineebe nunggwi, ndi, it o kota endekem kanggwi iinok, towe wiganinuk nugu menggaarak nen nunggwi, eerugun o, yinuk, Aliku ALA nen aret yegerak me, yokkigi o.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 72:19

At endage mondok-mondok tiyanak aret wonage me, At wogoppugwi, Eeko logowok o. O nggween paga yime abok aret At endage mban ndak warak logowak o. Abet aret yagi o. Abet aret yagi o.

Ndawi 96:6

At endage tiyanak ayuk warak wonage kenok, “Wi!” ugwi nogo mban ndak warak wonage, At omaawi ayuk warak lombok menggerak nogo ti, At awi alik leenak menggim nogome ndak warak wonage, Eeke menggerak o.

Ndawi 97:6

Mbogut nen oone nggwok paga ari logonet, “Eekaatak ndak-ndak eeppiinet nage logogin o,” yinuk, ari kenok, Yi aakumi ndi aakumi abok aret At endage tiyanak nogo inigen kogo logogun o.

Yetaya 1:20

Eeriyak, ineebi mba'nuk, mbo pugwi iinok perak, Wooluwak nen ambeme yonggorinabigin o,” yinuk, Aliku ALA nen abet aret yegerak me, yokkiragi o.

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Yetaya 26:15

Kaliku ALA wae. It aakumi yi ineebe ambik eerogo piige, Ineebe ambik wiganogo piige, Inanggween kuli mbanak kagak ambe wiganogo pege, Eereegindak paga Kat kendage mondok tiyanak aret agaarik o.

Yetaya 34:16

“At Aliku ALA nen wone lengganogo yorage kenok, At Aberiniki nogo nen kuwak eerogo piyaagin me, Yi mendek ndi mendek endage yagarak nogo ambi lek ti lek abok aret ogonggelo-akweegelo imbirak lunik aret logogun o. At Aliku ALA nen yugum wakkogo mengga kwak, wakkaanuk it inowagam ari nage kenok, it time aret unde eeppiige, Wakkagak paga wakkaanuk tumburirage, Eeke mbaremenggi, Unde eeppatinuk mondok-mondok wonogwe iigak, nda'narit wundi wogo logogun o,” yinuk, Aliku ALA oone mbuku perek-parek aago togop aret mbanak me, maleninip o.

Yetaya 35:2

O karume waambi anggen tuk mbilenggen eerit nage kenok, ale'nggen nen ndawi wake, keekok ari, eerigin o. O Libanon iri'ngga kwit agan lagit nage kenok, “Wi!” irogo mengga kwak, Puut Karemen inom, o Taron inom, iri'ngga-kale'ngga abe lombok menggi kwak, O karume togop aret eerogo pemenggerak paga at Aliku ALA abu tiyanak wonage, Ninogoba Ala abinak pindan-pindan eeke, Eeke nogo Aakumi inigen kaagun o.

Yetaya 40:4

Nggween alu'me wonage kenok kagaakwi, Puurom nggwok inom, mbuuluk inom, ndenenggwi, Puut-aluk kenok kagaarogo pugwi, Tu tiyak-tebek kenok kobappaga eerogo pit nugwi, Eeko logonip o.

Yetaya 41:20

Ti eerogo piminggirak nogo aakumi abok nen inigen kogwe, ineenu ogwe, Iniki liippugwi, Alom yi nduk eekerak kagi, yinuk, abekwi, Eeko logomenggaarik, Aliku ALA nen aret eekerak kogo o, yinuk, yogwe, At Kikak Nakeelik Alik Leenak Iterali inogoba nen aret yakerak kogo o, yinuk, yogwe, Eeruwak nduk, Eerogo pigin o,” yinuk, yegerak o.

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yetaya 58:14

Naliku ALA nen eerogo piige paga inale'nggen mbakwi iigak, Yi aakumi ndi aakumi it inanggween mbanogo wogoraagim paga wonogwe nogo abok aret inayuk wuko logowak nduk eerogo piige, Ndi, it inombo Yakup anggween yate pereegim unde wonogo logonet, anggen yugu mbanogo nenet nogo logowak nduk eerogo pege, Eerigin o,” yinuk, Aliku ALA nen yo'negerak me, yokkiragi o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Yetaya 60:1

“O Yerutalem ti, eya eeppuurak nogo muk koorok panggoni wage, Naliku ALA nabinak kwindagala aago nogo eebe paga pindanogo pi wage, Eeke me, Mi'na'nuk, aakumi in wakkagak eya aago logowak o.

Yetaya 66:16

Aliku ALA nen yi aap ndi aap maluk eeko nogogwaarak onggo eeppiige logonet, kani nen nenet nage logowak nduk nappege, Awooluwak paga inoorit nage, Eerigin me, Aliku ALA nen it aap ineebe apit aret inoorigin o.

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

Yetaya 66:23

Aliku ALA nen, “Tut ngget ambi penenggak eeke, nogo 6 yippunuk, ko'lu yonggonggologwe nogo ari wagak eeke, eeke kagak, it aakumi abok aret nabu'me tebe yi wa'nuk, nayuk wuko logogun o.

Yeremiya 32:27

“It yi aap ndi aap abok inogoba Naliku Ala an aret me, an nen ambi eeriyak meek aret nombaken?

Yeremiya 9:12

Aap iniki warak ta nen wone ti, liippege, ta nen Aliku ALA oone ari waganeegerak me, “Wone ti, ndogop o,” yinuk, yo'nirage, eeriyak op mbakop? O nggween yi maluk eerogo pege, o karu nggween mbuk aago kenok aakumi time noorak meek menggi kwak eerogo pege, eereegerak ti, nonggop nduk?

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Takariya 2:13

Togop me, yi aap ndi aap kit yi wae. Naliku ALA nalik leenak minggim nen muk mi'nagarak wonage me, nenggaanom paga kinabolok lek puk aret logonip o,” yinuk, yorage kagarak me, yokkiragi o.

Lukat 3:6

Ala nen kinagap ndaka nappinagi woramenggerak nogo, kit abok aret kinigen kaamunggup o, yinuk, agan woraagin o,” yoragagerak liiru mbaneegerak nogo ndak-ndak at Yaya nen aret yoranet nege nagagerak.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 12:41

At Yetaya wone yoragagerak nogo ti, Keritut abu tiyanak kage nagagerik, abok mbiningge logonet, yoragagerak.

Yaya 17:2

An kaput, yi aakumi ndi aakumi abok tigitogon unde logonet, aakumi wo'nereegindak nogo mondok-mondok ineenik eeginabikit nduk, mippaneegindak o.

Nappiigak 2:17

Ala nen ari logonet, Peebi o age yobok paga yi aakumi ndi aakumi abok aret an Naberiniki inoba wuppi woraagin o. Inapuri wologwe-komologwe yorage neegak, an ari nogo yoranet nugwi, Inapuri wologwe tawe nen inabinggaanggo kogwe, Inogobamini inanggok nen inabi kogwe, Eeko logogun o.

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.