Yetaya 40:31 - Ala Wone Peenok Peebi Mbanak

³¹ It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yetaya 40:31 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 103:5

“Ndogop eerogo obeelom eeppanuwak lak, ao,” Mbake nogo aret nggwik togon eeppagage paga Towe nggindooni kwak, Kagabolo awo ena wagangge negen eerogo pagage, Eeke menggerak o.

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Ndawi 138:3

An nen, “Yeenggwa niru o,” yinuk, Noone nggwok paga yokkege neenok, aret yeenggwa nege, Nagabiti lek nogogumbuk logonet yorage logokit nduk, Eerogo panege, Eekendak o.

Ndawi 20:9

Kaliku ALA wae. Aap endagembogut yi, agap ndake, Ninoone nggwok paga yokkugwi niinok, onggo yo'nirage, Eeru o.

Ndawi 25:21

Kat paga niniki lunik minggirak me, An pilit ariilik abet mban ari, Koonak mban eerit nage, Eeke minggirak ti paga nen wo'neren nawak o.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 37:34

At Aliku ALA tokkogwe, “Tu yi paga nawak,” mbake nogo mugurok nogwe, Eeko logonip o. Ti eekwi kiinok, o yi, yate negen Unde eekkolaabagip nduk tiyappinagage, Kit kinigen kiigak, it aap maluk eeka nogo lek eerogo piige, Eerigin o.

Ndawi 40:1

“At Aliku ALA nen yeenggwa niruwak o,” yinuk, Niniki yungguppunuk tokkagarak me, at ena logu yinuk pe'neege, Noone nggwok paga yogirak nogo konengge, Eekerak o.

Ndawi 84:7

Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Ndawi 84:8

Komaawi Lombok Menggendak Kaliku Ala wae. An tamban eeke yi, karuk konengge, Yakup ogoba Ala wae. Noone yokkege yi, liirogon aret konengge,

Ndawi 92:1

Kat Tiyanak Lombok Menggendak yi wae. Kaliku ninogoba ALA, “Wa,” yokkugwi, Kendage tiyappagago logonet ndawi wakwi, Eeko logorak ti op aret o.

Ndawi 92:13

It aap ti, Kaliku ALA kawi wurik me Eyo awi yarak mbilangge menggi kwak wonogwe, Kat ninogoba Ala kawoore'nggam Eyo yarak kwit agan lagangge kwak, wonogwe,

Wundeegwaarak 19:4

An nen it aakumi Metit mendek eerogo piyareegirak nogo inom, ndi, towe wu aagaluk a'naabit paga kwippunuk, wonok nage menggi kwak an nen nonggop negen agago inaani wogoren yime piya wagarak nogo inom, ti muk neegaarak o.

Kini Wuppiige 30:19

Towe pen ware wuga agan o oolo ya'i nege, Waalo yugum paga tu agan nege, Yiiro niyo kole laut oolome nage, Aap ambi kwe tawe imbirak ndegen-ndegen aago nugwi, Eerit nugu menggaarak ti aret.

Ndawi Iya 8:5

O karume nen kwe iniki kunik imbirak pangget-pangget aago wage ti ta o? Eyo anggen abe abu'me an nen kat keenik eeppagagirak o. Time nen kat kagalo inikime logonggake, Time nen yagan wake logonet, kat ndakkake, Eereegerak o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 30:15

At Kikak Nakeelik Aliku Itok Menggerak Iterali inogoba ALA nen yegerak nogo yi aret. “Iniyokan an nowagam wa'nuk, Yeenggwa niraawak o, yinuk, to'neegwi iinok, an nen inagap ndake, It ugun nu'lek wonogo logonet, iniki noba panggombugwi iinok, an nen inomaawi eeppiige, Eerikit lak, Ineebi mbako menggaarak o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 41:1

“Kit o irip-irip nggween ku'mbanak lombok monggotak yi wae. Kinoone ugun-ugun yaga'lek kinaruk mban konenggo logonip o. Kiniki aaninggin wonogwe nogo tayok yuwak nduk, Kinanebunu lombok kiniki ambit eeppunuk wone koonogo pugwi, An yo'nirubagip nduk, nowagam wogwe, Eekwi kiinok, Aakumi inowak loonggo menggam kuwak eeppunuk, ninom wone amburu mbanuwok o.”

Yetaya 64:4

Kat Ala nen eeke keyaawok nduk tokkeegwi me, eeke keego mengga kwak, O aa'nduk nen nok, yogondak kuli it aakumi inogoba alik ambi togop eeke liippugwi, Oone ari inaruk konenggwi, inigen abe nen kogwe, Eeka'lek aret wonogo menggaarak o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Yeremiya 48:15

O Mowap yigirogo pi unggwogwe, O Mowap kota-kota oonda mbani unggwogwe, At aagalogwe aap tawe abu leenak wakaa'ngget mendek inoorogo piigwi, Eerugun o,” Yinuk, at endagembogut endage Omaawi Lombok Menggerak Aliku ALA nen aret yegerak o.

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Oroma 8:25

Nit ninigen kaga'lek mendek kaawok nduk, niniki lunik wonogwe kenok, niniki mondok kwippunuk, tokkogo monggoorak.

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

2 Korindut 4:16

Togop kenok, aaninggin ninoba pinanugwi kwe, niniki lek-lek ee'ninakeelik o. Eerit nogo logonet, ninagabolo lebenak arit unggwage paga kambuurak kwe, niniki perak, ko'lu-kii'me nineenik ngget mendek eeppinanit unggwage menggerak.

Nggalatiya 6:9

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.

Pelaareegerak 32:11

Towe nggindooni awina nen aagalogwe wigak togon wumbiinok, Inagalo inirimbaga wiganinuk nege, Inabu'me wanduk yinuk, a'naabit wiganogo punuk, At paga kwippiige, eenggabit paga nggereniren nage, Eeke menggi kwak,

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

Iberani 12:1

It aap abet mba'nuk, eeko nogogwaarak yogoorak nogo nen, “Nit eeko nogogurak nogo ndak-ndak eekwi iyaamun ilik, lek a?” yinuk, ineebe apit aago wanggerak inigen wo'ninakwi negen wonogwe me, tu mbe agan nogo logonet, ninogowa lek age kero, yi mendek ndi mendek ninoba luurik wonage nogo inom, maluk mendek kagak, nit eeriyak ninikilom mbako logonet, yilinogo pinanege menggerak nogo mendek inom, abok aret nggonenogo mbo punuk, “Mbe agan ti kuli aret mi'nari nanip o,” yinuk, yo'niragagerak nogo, mondok ninogogumbuk a'nuk, mbe agan mi'nari nogo logowok o.

Iberani 12:3

It aap maluk eeko menggaarak nogo nen Yetut mondok ineebi mbako logonet, maluk eeppugwi iigak, at ogogumbuk logonet, wagangge nagagerak me, kit ta'liila eekkinake logonet, kineebi eekkinake kero, at eereegi kwak eeko logobagip nduk, liippogo logonip o.

Yotuwa 14:11

Togop aret kwe, ne yogondak yi paga nomaawi lek aga'lek o maan Muta nen nappani wagagerak eyom paga nomaawi wonagagirak nogo ndak-ndak wim eeri wundikit nduk, nomaawi aret agarik o.

Wayu 12:14

wake kero, o at logowam ogobakkigirogo pereegim karume nogome nawak nduk, Ala nen towe wu a'naabit kokwak, kwe nogo, a'naabit warak eeppege mbaki, wuga agan o nogome namenggerak wonage me, Ala nen arum wonage kagak, tahun kenagan eeppunuk, ambi oolo eeruwak nduk, nage kagarak.

Wayu 2:3

ndi, an nendage mban yi awi ndi awi wigak yuwak nduk, eerit nogwe paga aaninggin-paaninggin eeppiinet nogwe iigak, iniki kwippunuk waganggo logonet, ta'liila eeginake kagak mondok nabenak mban eekwi, eerit nogo menggaarak nogo ti, an neenu aret o.

Wayu 4:7

Ineebe nogo ti, ambi nggeewo singa etenggen pogom, ambi tapi ngguunok etenggen pogom, ambi ti, aakumi inetenggen pogom, ndi, ambi ti, towe wu a'naabit wiganak nogo pogom, wonogwe iigirak o.

Owak Loongga 16:28

at Timoton nogo Aliku ALA yoge logonet, “Kat Kaliku Kitok Menggendak ALA o. An nenegen mbere kilirogo panegaarak namee'nggo aap Pilitin mendek yi, inoorikit nduk, abe'nake logonet, komaawi ne ambiriluk yogondak yi aret wo'niru o, nogoba Ala.”