Yetaya 40:24 - Ala Wone Peenok Peebi Mbanak

²⁴ Awi awo yakwi, anggen awo yumbunggwi, Omanggen yaruwak nduk, mbanogo nggween me awo tebenggwi, Eekwi iinok, At ambe aagi pu eeremenggerak paga teebat eerogo punuk, ameneno kwak aremenggerak me, o wiya warit wage logonet, wonok ma'nage menggi kwak aap ti, togop aret eeginabigin o.

Yetaya 40:24 ပူးပေါင်းရင်းမြစ်များ

2 Tamuwen 22:16

Aliku ALA nen aakumi mberirage, Anini aagi ogobak me nen wundi wage, Eeke kenok, Yi nggwok laut abena aluk-puut kin eeppege, Ndi, o yi, alom yarak kin eeppege, Eekerak o.

2 Endagembogut 10:11

Yorage nagagerik, at Yeku nogo nen aap Akap paga wiganak ando piyareegwaarak o Yiteren wonogwe nogo inom, at inom eeko menggaarak inendage warak inom, at inom kunik inom, Ala unde at Akap ake eeko menggaarak inom, ineenik ambi teppiyoolik, abok aret inoorogo piyareegerak.

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ayup 8:17

Yugum logonak me yerek-perek eerogo nappit nage, Yugum ambe nggaganak me mambit nage, Eeke menggerak kwe,

Ndawi 58:9

Kani alok mendek kumbunuk, Togolowak kwippegaatak awo aganggen aga'lek kagak Abera'lek me o wiya nen kani ki inom, mbuk inom, kunik nogo Iyaarak-mbiyaarak eerogo nappege menggi kwak It aap maluk eekaarak inom, eeriyak koonggwi inom, Togop aret eerugun o.

Ndawi 83:13

Nogoba Ala wae. O wiya nen liirubu wonok nage menggi kwak, Wiiri anggen wiya nen wonok nage menggi kwak, It aap ti, togop aret eerogo piige,

Kini Wuppiige 1:27

O wiya nabuninuk wage menggi kwak, kinagabolo ne agan nawak nduk eeppinagi wage, O wiya oone pu warit wage menggi kwak, aaninggin-paaninggin kinoba ari wage, Nonggop eekkolaawi, yubagip nduk, eeppinagi wage, Kiniki lek-lek arumunggup nduk, eekkinabi wage, Eeke kenok, An nen miyuk-meya eerogo pinagage logogin o.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 17:11

Yarumonggotak ne ti eyom paga lagangge logowak nduk, wolalogwe kinokkagak yogwe, Ndi, ko'lu kubondendok ambit-mbit waruwak nduk, liirubu koorogo alome pugwi, Eerumonggotak kwe, Kugilingga kinoba kwi'nage, kineebe andi eekkinake, Eeriyak eyom paga Anggen abe mbanggologo logogun lek aret mbako logonip o.

Yetaya 17:13

Yi wurik oone pu nage menggi kwak, Yi aakumi ndi aakumi togop agan nugwi kwe, Ameneno puut paga wonage o wiya nen wonok nage menggi kwak, O wiya omaawi nombok-kombok wage logonet, wola yugu wonok nage menggi kwak, Ala nen it mbaarage kenok, kole o nda time mbaganugun o.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetaya 37:7

An ari yi, liirogon konengge logowak o. Aap Atiyut mendek endagembogut ti, wone ambi konembunuk, ame nawak nduk, inikime mambege neenok, yoremenggerak agabiti nen iyokan ame lombok nage kenok, aap ambi nen waruwak nduk eeppigin o,” yinuk, eerogo nappiya wagagerak.

Yetaya 40:7

Aliku ALA ambe aagi pu eerogo nappege paga iri'ngga nogo mbuk age, Iri'ngga anggen nogo mono-mono wangge, Eeke menggi kwak, It aakumi ineebe togop aret ogo menggaarak o.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 41:2

Yoragagerak kuwak ari wogo mbareegwa, it yorage logonet, “Oonegen lagi wage menggim nen eegin tiyak yagak mban ari logowak nduk, ta nen eeppege, At eerukwak a'me nggelok eeppiige logowak nduk, ta nen yonggo pege, Eereegerak mbakop? At nen yi aakumi ndi aakumi tebenogo piinok, unde logowak nduk eeppege, It yi aap ndi aap inendagembogut tebenogo piinet nage logowak nduk eeppege, Eeke kenok, Awooluwak paga liirubu kwak eerogo piige, At eegin-omaale paga pubu anggen wiya nen wonok nggarek ari menggi kwak eerogo piige,

Yeremiya 22:30

Aliku ALA nen ari logonet, “At aap ti paga wiganak inendage ambi yogwe, Ndawut wone lengganogo yorage nagagim ti paga ambi kwi'nogwe, It Yekura mendek inoweewi inendagembogut ambi ogwe, Eeko logogun lek me, At aap ti, ayome lek wubili aret wonage, At ambi eeriyak meek aret logonet kangge, Eerigin o, Yinuk, liiru mbanogo pu o,” yinuk, yegerak me, yokkigi.

Yeremiya 23:19

O wiya anini ambik nombok-kombok eerit wage menggi kwak, Naliku ALA nanini togop aret kilak togon it aap maluk eeka inoba kwippiige neyaagun o.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Nakum 1:14

At Aliku ALA nen kit Atiyut mendek o Niniwe wonogwe eeko logorak yokkirage kagarak nogo yi aret. “It inendage ki eeko logowak nduk, inombowologwe nda'nogo logogun mondok lek aret o. Inagugi awi wurik me inagugi ogut aago wonage inom, mbuti paga inagugiwak eerak nogo inom, lek eerogo pege, It Atiyut mendek ti, ineraambe abu maluk lombok me, nggween taambiyoorak inake pipuk eerogo piige, Eerigin,” yegerak o.

Agayi 1:9

At Omaawi Lombok Menggerak Aliku ALA nen ari logonet, Anggen ambik aret mbanggoloorak mbareegwaarak kwe, mbuuluk mban mbanggologwe, ndi, mbuuluk mban mbanggo'nok iname pi wogogwaarak nogo, o wiya nen wonok ma'naruwak nduk, eeppege mbareegi, wonok mappege, eereegerak nogo ti, nonggop nduk eereegerak? Ti eereegerak alom nogo ti, an nawi wurik langgu-langgu aago kagak, it inalitak lombok inawi wukkoloorak kenok mban iniki taganak eerit nugwi ti paga eereegirak o.

Takariya 7:14

O wiya nombok-kombok warit wage logonet, yi mendek ndi mendek wonok mappege menggi kwak, it ineebe togop aret yi aakumi ndi aakumi inambik inenggela'me mappiyareegirak. Mappiige mbareegi, it wonogo menggam inanggween paga time o wogo eerogo pereegwaarak me, aakumi ambiriluk ambi yinggwi-unggwogwe eeka'lek aret agaarik o. O abe aret kwe, o wogo aret eerogo pereegwaarak nogo ti aret o,” yinuk, an yo'nereegerak.

Takariya 9:14

Ti eeke kenok, Aliku ALA nen at apuri inirimbaga kin ari wage logonet, O kimbik pindanogo pege menggi kwak, at omaale namburogo nappigin o. At Itok Menggerak Aliku ALA nen oone nggwok eeka trompet nogo oone pu eeke, O ame pa'nggwe nen o wiya nombok-kombok eerit wage enggela'me at wage,