Yetaya 40:22 - Ala Wone Peenok Peebi Mbanak

²² At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.

Yetaya 40:22 ပူးပေါင်းရင်းမြစ်များ

Wakkagagerak 1:6

Ti age mbareegi, at Ala nen ari logonet, “Niyo ambit me lambunik wonage yi, mogonak agi-ogu wonage kagak, o oolo ya'i we nenaarak logowak o,” ari mbareegi,

Ayup 26:7

At Ala nen o oolo yi kagak, O omarip paga pa'nggwe nen mbogut mbiganogo nappi wage, O nggween yi, eenggi ya'lek tugunogo pege,

Ayup 36:29

Ndugwi wiganogo pit nage, At menggim mbogut paga nen ngguurubu eeke, Eeke menggerak nogo ti, Ta nen liippuurak mbaken?

Ayup 37:18

Mbuti tembaga woraappunuk, Pugagi abu omaawi ogobakkigirogo pogo mengga kwak At Ala nen o yi nenaarogo pege logonet, Ndugwi ndak warogo pit nage menggerak nogo Kat togop aret eeriyak mbaken?

Ayup 9:8

At alik nen mban mbogut mbiganogo pege, Niyo laut kilaarak-mogonik eeke paga iyok pit nage,

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 18:11

O apit ti, at eebe nobaarogo pake, Awooliya negen yengget-wangget eerogo pake, O woraakit nduk, ki wandu aago enggela'me wonage,

Ndawi 19:4

It inoone o nggween paga yime abok aret wiganinuk nage, Inoone yagaatak nogo, O irip-irip ndak wa'narit nage, Eeke menggerak o. Kat Ala nen oonegen ake awooliya mbogut paga wurogo pege,

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 29:10

Niyo wu'nuk wage paga Aliku ALA ogombaga kwi'na'nuk wone lengganogo yoranet wage, At endagembogut mondok-mondok logonet, wone lengganogo yorage, Eeke logogin o.

Kini Wuppiige 8:27

An wonage neegak, yi mbogut ndi mbogut wiganogo nappit nage, Yi kole yenggenak mbogut inete imbirak kunogo pege,

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yetaya 37:16

“Komaawi Lombok Menggendak Iterali inogoba Kaliku Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

Yetaya 40:15

Niyo ne ambit puk togon yiwa'na to'nage kwak, Liirubu aaninggin wakkagak paga wonage kwe, aaninggin ari nage menggim ari naga'lek kwak, Yi aakumi ndi aakumi ti, togop aret wonogwe inombake, Ndi, niyo oolome nggween kup mbanogo pit nagagim aaninggin wakkage ti, liirubu aaninggin kwak aret mbake, Eeke menggerak o.

Yetaya 40:17

It aakumi inanebunu lombok abok aret abe lek aret iige, It abe ambi eekwi lek aret iige, It abe lek aanom warogo iige, Eeke menggerak o.

Yetaya 42:4

O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.

Yetaya 42:5

At mbogut nenaappunuk wiganogo pege, Nggween ogobakkigirogo punuk, iri'ngga-kale'ngga mban enete kuurik lek eerogo pege, It aakumi o nggween paga yime ineenik ndelenak-welenak nugu logowak nduk, ambe aagi inikime mambege, Eereegerak Aliku Ala nen yegerak nogo yi aret.

Yetaya 44:24

Kat kagalo inikime nen keenggi-kiyok warak eerogo pagage, Wondet eerogo pagage, eereegerak Aliku ALA nen wone yegerak nogo yi aret. “Yi mendek ndi mendek apit aret wakkage, Mbogut nenaarogo pege, nggween ambe wiganogo pege,

Yetaya 51:13

O nggween yi alom kwippege, mbogut mbiganogo pege, Eeke nagagirik, Kineebe ogobakkigirogo pinagareegirak Naliku ALA kobak eerogo panugwi, It aakumi maluk eerogo piyoorak mbako menggaarak nogo inanini nen maluk eeppinanugwi iyo, yinuk, O kuubondendok nen nok oonikiya ari nage paga kinaganak warit nugwi, Eekwi yi, taani o? It inanini nen maluk eeppinagarak nogo ineebe nggeeme wonogo agaarik? Lek aret o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Yeremiya 10:12

At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Linggineegwaarak 13:33

Ndi, ti mban lek kwe, aap inanebunu Enak ombowologwe wiganak ti, ineebe abunuk yerek-nggorek aakumi wuriya wagak tawe iigo nogoorik, nit nen mbako logonet, Nit ti, yibila pogom aret mbakoorak. Ndi, it kunduk ndak-ndak aret ninombakwi iigoorak me, meek o,” yinuk, aakumi nogo yoranet nogo nogogwaarak.