Yetaya 40:2 - Ala Wone Peenok Peebi Mbanak

² It aakumi inayeloman mini eeppiirogo wonogwe me nen wondet eerogo piyoorak eyom muk panggoni wagaarak o. Maluk eeko nogogwaarak nogo lek eerogo piige, Inomaluk eeko nogogwaarak Naliku ALA onggo eeppiyareegirak nogo, Ne mbere eeppiyookwak, mondok nggwik togon inoba kwippiige, Eekirak nogo Abu aret eekirak me, Kat o Yerutalem mendek inabuwa nen koone yanggorogon yorage logot o,” yinuk, yo'negerak me, yagi o.

Yetaya 40:2 ပူးပေါင်းရင်းမြစ်များ

Wakkagagerak 34:3

Maluk eeppege nagagerik, “Yakup apuluk Ndina yi lombok kolaakit, ao,” mba'nuk, iniki perengge nagagerik, kolaga ti, iniki yanggonogo punuk,

2 Mbinineegwaarak 30:22

It aap Lewi mendek abok aret Aliku ALA ake eeko logorak nogo iniki warak lombok logonet, eekwi at Kitikiya nen iige nagagerik, “Op lombok eekotak o,” yinuk, wogoppiyareegerak. Ndi, Ala ake warogo wogogo logonet, Ndi mendek mbanak kenok Lewi mendek inake wogorogo logorak, yugu nogo ndak-ndak nunggwi, Ala inom lambunik logorak ake warogo wogogwi, eeko logonet, inombomini inogoba Aliku Ala, “Wa,” yinuk, alut eekwi iigak, nogo 7 yereegwaarak.

Ndawi 32:1

It aap wone yugu taganggwi iinok ti, Maluk aret me, inomaluk ti mari eerogo piige, “Kinomaluk lek o,” yinuk, taborogo piige, Eeginabeegerak nogo Inale'nggen mbako logowak o.

Ndawi 85:3

Mberirage nagagindak nogo mberiraga'lek teppiige, Kanini kani kunik negen inoba piige nagagindak nogo tebenogo pege, Eekendak o.

Wundeegwaarak 22:3

o weeremenggerak paga waremenggerak kangge kenok perak, amiya at eenggi paga aret logogin o. Aap ambi nen aap alik amendek yogoot wagangge kenok, obaane'me awi yakkaawak o. Ndi, awi yariyak amendek lek kenok perak, aap ambi ayeloman age logomenggerik, at eebe onggo nggerenak wu nogo paga aap amendek kiraaremenggerak nogo, obaane'me awi yakkaawak o.

Wone Alom Kibingga 3:4

Leenggu maariyak eyom wonage, i'ndok kambuurak eyom wonage, Iniki puru yuurak eyom wonage, kwirabik-kwirabok yuurak eyom wonage,

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 14:3

It aakumi Iterali andi-pandi eeginake, Nonggop eeruwi? yinuk, iniki piirik wonogwe, inoone omaawi yorogwe iinok eerit nugwi, eekwi iinok, Aliku ALA nen iniki tayenogo piyoorak eyom ti paga

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 33:24

It o Tiyon wonogwe nogo ambi nen, “An andi ee'nake o,” yinuk, ari logogin mondok lek o. Ndi, it aakumi time wonogwe nogo inomaluk lek eerogo piige logogin aret o.

Yetaya 35:4

It iniki waanggo mban-mban wonogwe nogo yorage logonet, “It nen aaninggin kinoba pinagagwi nogo, kinogoba Ala nen anini wuk togon onggo eeppiige logonet, Kinagap ndari woraagin me, Kinagabiti mbaka'lek kinogogumbuk logonip o,” yinuk, yorogo logomunggup o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Yetaya 49:25

Meek aret kwe, at Aliku ALA nen yegerak nogo yi aret. “It aap wim eeka nen aakumi keele maageren nogwe me, inagap ndake, Ndi, it aap inogogun ambik nen aakumi inagugun wonok nogwe iinok, ndinogo obaane'me pi wage, Eerigin mbake logot o. It aakumi kat tebenogo pagagwi iinok, an nen it tebenogo piige, Ndi, kat kaagalogwe inagap ndake, eeke logogin o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 53:5

Nit wone yugu taganogo pereegurak paga awinde-obaande eerogo pugwi, Nit maluk eereegurak paga at ndanuk togon wakwi, Eereegwaarak. Nit ninobaabut koonogo pinaniyak nduk yawi ninoorukwak ninobaane'me at aret wakwi, At awinde-obaande eerogo pereegwaarak paga nit nineebe obeelom eerogo pinanuwak nduk, at eeppugwi, Eereegwaarak.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Yetaya 54:15

It aakumi wari wogwe iinok, an nen eeppiyaminggirak paga woraagun lek me, It wari wogwe nogo at nen aret tebenogo piige logogin o.

Yetaya 54:17

At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetaya 6:7

nambe paga mbaanggage logonet, “Kani kunik kambe paga pege yi ket o. Nambe mili, yagandak nogo yi paga koorogo paganuk, komaluk lek eerogo pagagi o,” yinuk, yo'nege kagarak.

Yetaya 61:7

Kit kinenggali mbakak nugu nogotak obaane'me ne mbere wogorogo mengga kwak kit an napuri wokkirage, Kinendage maluk agaarak obaane'me eyate wokkiramenggerak paga kinale'nggen age, Eerigin o. Kinanggween paga wonogwe kiigak eyate ne mbere kwak wokkiraagin me, kinale'nggen mondok-mondok eekkinake logogin o.

Yetaya 66:13

Kwe ambi aagaluk yonggongge menggi kwak an nen it iniki yonggoninake, Ndi, it o Yerutalem wonogwe me, iniki kwippiige, Eeke logogin o,” yinuk, yegerak me, yokkiragi o.

Yeremiya 16:18

Inagugi ogut inoone yogolik ogole warak mendek an nanggween paga time pi unggwogogwaarak paga nanggween enete maluk eerogo pugwi, an neyate negen nanggween time eekulik mendek kagak eerit nugu logonet, o time inagugiwak mban yagabit eerogo pit nogwe, eekaarak paga inobaabut maluk lombok logonet, maluk eerit nugwi onggo aaninggin ne ambi inoba piinok, ne ambi inom aret nduguk togon inoba kwippiyaagin,” yegerak o.

Yeremiya 17:18

It aakumi an piya'nabit nugu menggaarak nogo inenggali aruwak nduk, eeppiyoorak op aret kwe, An nenggali aruwak nduk, mbo panege, It inaganak waruwak nduk eeppiyoorak op aret kwe, an naganak waruwak nduk, eeppanege, Eeriyak mage o. Aakumi aaninggin inoba piyoorak koonak nogo ti, aaninggin inoba kwippiige, Ndi, maluk eerogo piige logonet, maluk ne mbere eeppiyookwak nggwik togon aret eerogo piige, Eeke logot o.

Yeremiya 29:11

Aliku ALA nen ari logonet, “It eeppiyoorak koonogo pereegirak nogo ti, an neenu aret o. An maluk eeppiyoorak koonulik o. Ata, iniki ugun tayenak wonogwe, Peebi obeelom eeppinaniyak o, yinuk, iniki abu lunik wonogwe, eeko logowak nduk, koonogo pereegirak o.

Yeremiya 51:10

Nit aakumi obeelom niigak, maluk yo'nirogwe nogo kin niyaawak nduk, Aliku ALA nen eeppinanegerak me, Ninogoba Aliku Ala eeppinanegerak nogo, aakumi o Tiyon wonogwe me, mbininogo yora nawok o, yinuk, yogo agaarik,” Yegerak me, yokkiragi o.

Leendawi 4:22

O Tiyon Aagalukwe kat yi wae. Eereegindak onggo aaninggin koba pagagwi ti, lek aret age, Wokkeren mbo pagi nagagerak elaambirik logorak lek kuli pugume aret ari nage, Eerigin kwe, O Erom Aagalukwe kat perak, Aliku ALA nen maluk eekendak onggo eeppagage, Komaluk kin eerogo pagage, Eerigin o.

Yetikiyen 16:42

Ti eeke neenok, an nanini ombake nogo nini tayok ari, an neegak alik eekwi iinok, nanini mbake nogo lek aret age, eeke kenok, nanini mbake nogo lek age logonet, niniki kwi'narigin o.

Ndaniyen 11:35

O age yobok eeriyak ne koonogo pereegerak aret woraagin me, awo ari waga'lek kagak, it aakumi iniki warak nen mamuniraga eegu inoorogo piyamenggaarak nogo ti, iniki kole aruwak nduk inabut mbanggwi, iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, eekwi iigak, o age yobok panggoni woraagin o.

Ndaniyen 12:4

Togop aret eeko logogun kwe, kat Ndaniyen perak, wone an yokkigirak mbuku pirik-perek aago paga liiru mbanemenggendak abok aret ti, lambunogo amburu nabenogo punuk, aakumi yoraga'lek keegak, o age yobok kuli aret ari woraagin o. Wone ti, kiraarak kagak, it aakumi apit aret, Yi age yi, nineenu aruwok lak, yinuk, yi awi ndi awi kwaarit namenggaarak kagak kwe, kiraarak mban logowak o,” yinuk, yo'nereegerak.

Ndaniyen 12:9

Yoge mbaki, at nen an yo'nege logonet, “Ndaniyen wae. Wone yokkigirak mbuku paga liiru mbanak yi, lambunogo amburu nabenogo punuk kiraarak kagak o age yobok kuli aret ari woraagin me, yogondak we aret nak o.

Ndaniyen 9:12

Maluk eekwi iinok, ndogop eeppiyaagin o, yinuk, yereegindak nogo, a'me lik togon nit inom, ninoweewi inendagembogut inom, aaninggin mondok alik negen ninoba kwippinanggendak o. Nit o Yerutalem wonogwe me, aaninggin ninoba kwippinanggendak nogo ti, o mbogut abu'me nggween paga yime togop ambi eeppiige kogoolik nogo mendek ninoba kwippinanggendak o.

Ndaniyen 9:2

Endagembogut a'nuk tahun aa'nduk eeke ti paga wone lengganogo yorage kagak, an Ndaniyen nen Ala wone yugu mbanak lunit unggwage logonet, “O kota Yerutalem langgu-langgu aago aret kagak, tahun 70 aret eerigin o,” yinuk, Aliku ALA nen at yoge kagak yoraga Yeremiya nogo, yoreegerak liiru mbanak wonage kagagirak.

Oteya 2:14

At Aliku ALA nen ari logonet, “An togop aret eerigin kwe, ti'nuk, O karume time nimbirak nawok o, yinuk, Noone yanggik-yanggok yo'nuk, wonok wundi nage logominggirik, O karume time nen at abuwa mbake logonet, noone yanggorogon yoge logogin o.

Oteya 2:16

At Aliku ALA nen ari logonet, “Ne ti eyom paga at nen, Nombo agugi o, yinuk, an yo'nirigin lek o. Ata, Kat nogonggelo aret, yo'nirigin o.

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.

Takariya 1:13

Yoge mbaki, Aliku ALA nen oone yanggorogon yoge, iniki eyak wappiyoorak wone yoge, eeke kagarak o.

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.

Takariya 9:12

Aap keele maarak logonet, kiniki lunik monggotak kit yi wae. Kineebe op logowam kiniyokan woraamunggup o. Kit aa'nduk obeelom wonogogutak kwak obaane'me obeelom eeppinagage logonet, Ambinom mondok iya lombok obeelom eerogo pinagagin o, yinuk, o yogondak yi aret yokkiragi o.

Nappiigak 1:7

Yogo mbareegwa, Yetut nen it yorage logonet, “Nineyom-naneyom eeko logorak nogoba Ala alik unde logonet, koonogo pereegerak ti, kit kineenu ariyak lek o.

Nggalatiya 4:4

wone Muta yoreegerak nit eeko logowok nduk, keele maarak negen wonogwe nogo, ninonggo mbambunuk, wondet eerogo pinanege logomenggerik, aap ambi apuluk maluk ngguungge menggi kwak, nit at apuri lombok logorak ngguunninabuwak nduk, Ala nen, “Ndiyom paga napuluk nappi woraagin o,” yinuk, kooneegerak nogo, abu aret panggoni wage mbareegi, kwe ambi nen aret ndareegerak. Ndake mbareegi, wone Muta yoreegerak eekwi nogo inom aret eerit nage nagagerak.

Wayu 18:6

O Mbaben nen kit aakumi eeppinagage nagagerak nogo, yogondak kit nen at onggo ndak-ndak eeppugwi, Ndi, o Mbaben nen kit maluk eerit nogo nogogutak onggo ne ambit paga maluk kinoba pinagareegerak kwe, Yogondak kit nen at maluk eeke onggo ne mbere paga at oba pugwi, Ndi, at kinom ogoorak wonage logonet, anini yi toolak kwak ne ambit kinoba kilirogo pinagareegerak kwe, Yogondak onggo kit kinanini at oba pogo logonet, ne mbere paga kilirogo pugwi, Eeko logonip o.