Yetaya 40:14 - Ala Wone Peenok Peebi Mbanak

¹⁴ Aliku ALA nen, “An wone neenu aruwak nduk, mamunniru o,” yinuk, aap ta yoreegerak mbakop? Aap ta nen at a'me nggelok mban eeke logowak nduk, mamunege, Yi wone ndi wone eenu aruwak nduk, mamunege, “Wone yi liippege keenok, keenu arumunggun o,” yinuk, yoge, Eereegerak mbakop? Abok lek aret o!

Yetaya 40:14 ပူးပေါင်းရင်းမြစ်များ

Wakkagagerak 1:2

O nggween wakkagagerak nogo, yi mendek ndi mendek mondok lek eebe apit owak mbanak aret wonagagerak. Ndi, niyo irimbaga o apit aago wonage me, Ala Aberiniki niyo nogo obaga wiga agan nege nagagerak.

Ayup 21:22

It o tiyarogon menggaarak nogo inowak looninake menggerak Ala aret kwe, Wone ambi eenggo'lek me, yinuk, aap ambi nen at mamuniriyak op mbakop?

Ayup 36:23

Ala eerit nage logowak nduk, aru ta nen koonogo pege, Kat maluk eekendak o, yinuk, ta nen at yoge, Eeriyak mbaken?

Ayup 38:4

An o nggween yi, alom lombok kwippege neegak, kat ngga wonagagindak? Keenu kenok, mbininogo yo'niru o.

Ndawi 119:35

Koone, “Yogop ee'nu ndogop ee'nu,” yugu nogo, Eerit nage logorak ninikilom mbake minggirak me, Eerit nage logokit nduk, yo'nege,

Yetaya 41:28

Yendok-wandok nenegen yambonit nege logonet, Kit kinenggela'me ambi nen, Wone ti, yogop aret o, yinuk, yo'nugwi, Kin wokkiige neenok, kit ambi nen wone onggo yo'nugwi, Eeka'lek me,

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.