Yetaya 40:11 - Ala Wone Peenok Peebi Mbanak

¹¹ Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 40:11 ပူးပေါင်းရင်းမြစ်များ

Wakkagagerak 33:13

Yoreegerak kwe, at Yakup nen ari logonet, “An ti, elege-aabologwe iniyok lik iniyok lek inom, kambin-ndomba inaagalogwe awo wurik inelak nunggwi inom, yilugu-palugu wogoren wage yi, pegiyet o, noweeluk. Tat yonggonggolaga'lek mbet-mbet aret wogoren nagun kenok, naanggumi abok aret kambit nookwak me,

Wakkagagerak 49:24

At Omaawi Ambik Menggerak an Yakup Yeenggwa Nega nen yeenggwa kege, At Omaawi Ambik Yugum nu'lek menggi kwak logonet, An Iterali Ndegennaka nen kat ndegenggake, Eeke menggerak me, Keenggi aaninggin ambik lek teeluk aret wonage, Keegin keenggime nu'lek porogo wonage, Eeke logomunggun o.

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 27:10

An nagalo-nogoba nen teppanemenggaarak kwe, Kaliku ALA mbo panumunggun lek wo'nabumunggun aret o.

Ndawi 28:9

Kapuri yi, inagap ndarogo piige, Yate kwak kale'nggen inoba piige, Ndomba ndegeninaka kwak, kat aret age, Inarum logonet, mondok-mondok ndegeninake, Eeke logomunggun o.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Yetaya 42:3

Nggawi owak taganak nogo at nen kalenogo mbo pege, Ndi, keele kani kuru aago kagak wunuk ari nogo at nen nogonogo mbo pege, Eerigin lek o. Wone yugu it aakumi a'me nggelok eeko logowak nduk, liirogon aret yoranet nege logogin o.

Yetaya 63:11

Ti'nuk, aa'nduk togon Aliku ALA ayeloman Muta wonage kagak at apuri eeginabeegerak nogo iniki abeke logonet, Niyo laut yenggenak kagak aap ndomba ndegeninaka aanggumi inom ninombomini wogoren wunda wage, At Aberiniki inom logowak nduk nappi wage,

Yeremiya 31:10

Togop me, it yi aakumi ndi aakumi Naliku ALA nen wone yorage yi, inaruk konenggwi, It aakumi o nda niyo aa'nggi paga wonogwe ti, apit aret yoranet nogwe, Eeko logorak nogo yi aret. At it Iterali mak eerogo piyareegerak nogo nen aret kuwak eerogo piya wage, Aap ndomba ndegeninaka kwak at apuri inarum wake, Eeke logogin ti aret.

Yeremiya 31:8

O omarip paga pa'nggwe nen wogoren wage, O nggween irip-irip time nen kuwak eerogo piya wage, Eerigin abet aret mbako logowak o. Kuwak eerogo piinok, inenggela'me nen it inigen mbuk inom, inendop yilugu inom, kumi inabila inom, kumi elege ndaruwok nduk, yagan wakwi inom, It ineebe apit lambunik nggwok aago wogoren iname iniyokan piya woraagin o.

Yetikiyen 34:15

Eekwi iigak, an nalik nen nandomba unde wogonake logonet, it winnogwe iinok, teppiige logogin o, yinuk, Nalik Ku Nitok Minggirak an ALA nen aret yagi o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 34:2

“Aakumi nen ndarak yi wae. It Iterali inoweewi ndomba ndegeninaka kwak logonet eekwi ti, eeppiyoorak yorage logot o. It eeppiyoorak nogo yorage logonet, Aliku Itok Menggerak ALA nen yegerak nogo yi aret. It Iterali ndegeninaka inoweewi nogo ti, it inobaalombok mban ndegenggologwe me, inabuwa o! It aap ndomba ndegeninaka nen inandomba ndegeninako menggaarak nogo lek a?

Yetikiyen 34:23

Aap ambi nen nandomba ndegeninake logowak nduk, mippigin nogo ti, nayeloman Ndawut aret me, at nen aret unde wogonake logogin o. Ndi, unde wogonake logonet, nandomba ndegeninaka at aret logogin o.

Yetikiyen 34:31

Ndomba nagari'ngga mbanogo nenet nugwi ti, nandomba kwak it napuri aret, ndi, it inogoba Ala ti, an aret agarik o,” yinuk, Aliku Itok Menggerak ALA nen aret yegerak me, yokkiragi o, yoragagirak.

Yetikiyen 37:24

Nayeloman Ndawut nogo inowe endagembogut a'nuk, wone lengganogo yorage logogin me, ndomba ndegeninaka kwak, it abok aret ndegeninaka ambiret aret arigin o. At ndegeninake kagak eeko logorak wone an yorage minggirak nogo ndak-ndak mugurok nogwe, ndi, wone lengganogo yorage minggirak nogo pippunuk, liirogon eekwi, eeko logogun o.

Mika 5:4

At eebe paga iniki ugun tayenak nu'lek aganaka aret logogin o. It aakumi o Atiyut mendek nen nit ninanggween tebenggola unggwogwe, Ninobak wurik nogo langgunogo punuk, unggwi wogwe, Eeruwok nduk, eekwi iinok, Ndomba ndegeninako mengga kwak ninoweewi ineebe 7 ilik, 8 a, pilak yogo logonet, inoba kwi'naruwak nduk, mippiyaagun o.

Mika 7:14

Kaliku ALA wae. Keyate negen kapuri kiniki kundugu ndomba kuwak aago kwak logonet, Eyonggaame iri'ngga abu mili nenet nugu menggam wonogwe nogo, yawi paga teeriren nege logot o. O aa'nduk togon iri'ngga mbanogo nenet nogo nogogwam O Mbatiyan paga, o Nggileyat paga, nenet nugu logowak nduk, teppiyet o.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Iberani 13:20

Ndi, yogondak abu aret o, noreewi. Nit niniki ugun tayenak ale'nggen logowok nduk eeppinanege menggerak Ala nogo nen wone koonogo yo'niragagerak nogo, “Mondok-mondok eerigin o,” yinuk, abet mbako logowok nduk, ndomba mondok liirogon ndegenninake menggerak ninowe Yetut nogo, ninake amiya kili'nage mbareegi, kambunuk nogo menggam nen eenik agago mippereegerak me,

1 Peterut 2:25

Kit aa'nduk ndomba kobak aago kwak ugun nugu nogogutak kwe, yogondak nen at kinarum wake, ndegengginake, eeka nogo abu'me logobagip nduk, ka wogogutak o.

1 Peterut 5:4

Togop eekwi kiinok, nit ndomba ndegenninaka ninowe nogo, peebi wage logonet, “Kit abu obeelom eeko nogotak o,” yinuk, kinenggare-nggare mendaarak kiik ariyak lek mondok laambu logorak mendek yirippinagi woraagin o.