Yetaya 4:5 - Ala Wone Peenok Peebi Mbanak

⁵ Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Yetaya 4:5 ပူးပေါင်းရင်းမြစ်များ

Nekemiya 9:12

O liingge ndugwi paga wogoren wage, ndi, it tu woraawam eya paga woraawak nduk, oonikiya ndugwi kani negen wuninogo punuk, wogoren wage, eereegindak o.

Ndawi 105:39

At Aliku ALA nen yum tabak negen ndugwi wiganogo punuk, inarum kagak wogwe, Oonikiya eya paga woraawak nduk, kani wunumborogo kagak wogwe, Eerit wogogwaarak.

Ndawi 111:1

At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 78:14

O liingge kenok, ndugwi eya paga wogoren wage, Ndi, oonikiya age kenok, ndi eya paga wogoren wage,

Ndawi 85:9

Nit ninanggween yi paga At endage abu tiyanak logowak nduk, It aap Ala inagabiti mbako menggaarak nogo Inagap ndariyak panggo yi wage mbake agarik o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Wundeegwaarak 14:24

kuubondendok towe oone awo ari kagak, at Aliku ALA ndi wuninik ndugwi enggela'me wonage nogo nen ena wu'nage logonet, aap ineegin warak Metit mendek Iterali muguren wogwe enegen iige nagagerik, inaganak waganogo piige,

Wundeegwaarak 24:16

Aliku ALA eya nogo puut Tinayi paga lenggeni wambi wagagerak kagak, nogo 6 yippunuk, ko'lu paga Aliku ALA nogo ndugwi enggela'me wonage logonet, Muta wiireegerak.

Wundeegwaarak 26:1

Yoge nagagerik, ambinom yoge, “An nawooliya wuriyak nduk eeko logonet, ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, nogo waganogo it aap penggaako menggaarak abu ineenu nen kayin tabak 10 aret penggaako logowak nduk wogoramenggendak penggaako logonet, malayikat negen kerub ogut eerogo inom aret nabenogo penggaaruwak o.

Wundeegwaarak 26:7

Ndi, an nawooliya kayin puurak nogo abena kagak, obaga lenggenogo puwak nduk yum tabak 11 kuli kambin eeruwak paga penggaarogo puwak.

Yetaya 32:18

Aakumi an napuri nogo yi wone ndi wone lek ugun lambunik wonogwe, Mugogo wumbiiga'lek iname menggam mondok time aret wonogwe, Alok-palok lek ugun ale'nggen paga wonogwe, Eeko logogun kwe,

Yetaya 33:20

Ninale'nggen nen laago lako logorak yugu lako monggom o Tiyon nogo kinigen nakkogo logonip o. Ooliya wurik minogo ambime wonok nawak nduk, eyak yinik kinggwi, Keele eyak paga pugunik nogo piinggwi, Eeka'lek mondok wurik menggi kwak, O Yerutalem ti, yi wone ndi wone lek obeelom mban wonage kaamunggup o.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Yetaya 60:1

“O Yerutalem ti, eya eeppuurak nogo muk koorok panggoni wage, Naliku ALA nabinak kwindagala aago nogo eebe paga pindanogo pi wage, Eeke me, Mi'na'nuk, aakumi in wakkagak eya aago logowak o.

Yetaya 60:2

O apit nen nggween nobappunuk wonage, Yi aakumi ndi aakumi o yumaak lombok eeppiinok wonage, Eerak ti kaawak o. Togop aret aago kwe, Naliku ALA eya oba pindanogo pege, An nabinak kwindagala aago wonage nogo, at irimbaga eya eeppege, Eerak wonage kenok,

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.